ഉൾകൊള്ളാൻ ഉൾകാഴ്ചകൾ:The Art of innerspring insight-92

 എല്ലാവരും ആഗ്രഹിക്കുക തങ്ങളെ കാത്തു രക്ഷിക്കാൻ ആരെങ്കിലും കൂടെ ആവശ്യനേരത്തു ഉണ്ടാവണം എന്നാണ്.നമ്മളെ കാത്തു രക്ഷിക്കാൻ ഈ ലോകത്ത് ആർക്കാണ് സാധിക്കുക എന്നു ചോദിച്ചാൽ ഓരോരുത്തർക്കും അവരവർക്ക് ഇഷ്ടമുള്ളതു പറയുമായിരിക്കും.ലോകത്തു അദൃശ്യമായ ശക്തികൾ ഒരുപക്ഷെ ഉണ്ടാകുമായിരിക്കാം, ചിലർ അതിൽ വിശ്വസിക്കുന്നു, മറ്റു ചിലർ അവരവരിൽ മാത്രം വിശ്വസിക്കുന്നു.

അന്ധമായ വിശ്വാസം വഴി ഒരുപാട് വ്യക്തികൾ അവരുടെ ജീവിതത്തിന്റെ സന്തോഷം ഒരു തരത്തിൽ ഇല്ലാതെയാക്കി.നമ്മളെ കാത്തുരക്ഷിക്കാൻ നമ്മളുടെ നല്ല കർമ്മമാണ് ഒരു പക്ഷെ വളരെ അധികം മുന്നോട്ട് സഹായകമായേക്കുക.

 

ഓരോ മനുഷ്യർക്കും ഭൂമിയിൽ ജീവിക്കുന്നിടത്തോളം കാലം അവരുടെ വ്യക്തി ജീവിതത്തിൽ എന്തെല്ലാം വേദനകളിലൂടെയാണ് കടന്നുപോകേണ്ടി വരുന്നത്.നാളെകളിൽ തങ്ങളുടെ ഇപ്പോഴത്തെ ദുരിതവും കഷ്ടപ്പാടുകളും ഇല്ലാതെയാവുമെന്നുള്ള പ്രതിക്ഷ ആയിരിക്കാം അവർക്കെല്ലാമുള്ളത്.

ഭൂമിയിൽ ജീവിക്കുന്ന ഓരോ മനുഷ്യരെയും ഭൂമിയാണ് കാത്തുരക്ഷിക്കുന്നത്.ഭൂമി നൽകുന്ന സംരക്ഷണം കൊണ്ടാണ് നമ്മൾ മണ്ണിൽ സുരക്ഷിതമായി ചവിട്ടി നടക്കുന്നത്.

നമ്മളെ കാത്തുരക്ഷിക്കാൻ നമ്മൾക്ക് ചുറ്റിലും നല്ലവരായ ഒരുപാട് മനുഷ്യരുണ്ട്.നമ്മൾ ചെയ്യേണ്ട കടമകൾ നല്ലത് പോലെ നിർവഹിക്കുക.ഈ ലോകത്തിനുവേണ്ടി നമ്മൾക്ക് ചെയ്യാൻ കഴിയുന്ന വലിയൊരു കാര്യം അതു തന്നെയാണ്.നമ്മളെ എല്ലാവരെയും ആപത്തുകളിൽ നിന്നും കാത്തുരക്ഷിക്കട്ടെ.

നമ്മളുടെ ജീവൻ ഈ ഭൂമിയിൽ നിന്നും വേർപിരിഞ്ഞു പോകേണ്ട സമയം ആകുമ്പോൾ നമ്മളെ ആരും എത്ര കാത്തുരക്ഷിക്കാൻ നോക്കിയാലും സാധിക്കണമെന്നില്ല.

പണവും അധികാരവും സമയവും കഴിവും എല്ലാം ഉണ്ടെങ്കിൽ കൂടിയും ജീവൻ കാത്തുരക്ഷിക്കാൻ എപ്പോഴും കഴിയണമെന്നില്ല.ജീവിച്ചിരിക്കുമ്പോൾ ചുറ്റിലുമുള്ളവർക്ക് പരമാവധി നമ്മളെകൊണ്ട് ചെയ്യാൻ കഴിയുന്ന നന്മകൾ ചെയ്യുക.