ഉൾകൊള്ളാൻ ഉൾകാഴ്ചകൾ:The Art of innerspring insight-86

നമ്മളിൽ പലരും പലപ്പോഴും മറ്റുള്ളവരോട് അറിയാനുള്ള ആകാംക്ഷ കൊണ്ട് എപ്പോൾ വരും എന്ന് ചോദിക്കാറുണ്ട്.

നമ്മുടെയൊക്കെ ജീവിതത്തിൽ എപ്പോൾ വരും എന്നുള്ള കാര്യത്തിൽ ആയിരിക്കും നമ്മൾ ഓരോരുത്തരും ആകാംക്ഷയോടെ കാത്തിരിക്കുന്നത്.

എപ്പോൾ ലഭിക്കും എന്ന് കൃത്യമായി ആർക്കും യാതൊരു ഉറപ്പും പറയാൻ പറ്റാറില്ല.

എന്തെല്ലാം സാഹചര്യം ആണെങ്കിൽ കൂടിയും നാളെകളിൽ നല്ല നേട്ടങ്ങൾ നമ്മുടെയൊക്കെ ജീവിതത്തിൽ സംഭവിക്കും എന്നുള്ള ഉറച്ചൊരു ബോധ്യം നമ്മൾ ഓരോരുത്തർക്കും ഉണ്ടാകട്ടെ.

ഓരോ തോൽവികളും നമ്മൾക്ക് നൽകുന്നത് വലിയൊരു തിരിച്ചറിവാണ്, വലിയൊരു ജീവിതപാഠങ്ങളാണ്.

പലരും തങ്ങളുടെ തോൽവികളെ വാശികൊണ്ട് പൊരുതി വിജയങ്ങളായി മാറ്റിയെടുത്തിട്ടുണ്ട്.

നമ്മൾ ഓരോരുത്തർക്കും ജയിക്കാൻ വേണ്ടത് തളരാതെയുള്ള നിരന്തരമായ പരിശ്രമമാണ്.

പലരും പലതും പറഞ്ഞു തളർത്താൻ നമ്മുടെ മുന്നിൽ വന്നേക്കാം, മറ്റുള്ളവരുടെ നെഗറ്റീവ് വാക്കുകൾ അവഗണിച്ചുകൊണ്ട് നമ്മുടെ സ്വന്തം കഴിവിൽ അടിയുറച്ചു വിശ്വസിച്ചു മുന്നോട്ട് പോകുക.

നമ്മൾക്ക് ജീവിതത്തിൽ ഒരുപാട് ആഗ്രഹങ്ങൾ, പ്രതീക്ഷകൾ ഉണ്ടാകാം.അതെല്ലാം സഫലമാകണം എന്നുണ്ടെങ്കിൽ നമ്മുടെ ഭാഗത്തുനിന്നും അധ്വാനം കൂടിയേതിരുള്ളൂ.

ഓരോ കാര്യവും നമ്മൾക്ക് അതിന്റെതായ സമയം ആകുമ്പോൾ മാത്രമാണ് പലപ്പോഴും ലഭിക്കുക.

നമ്മൾക്ക് ലഭിക്കുന്ന പലതും നമ്മൾക്ക് എപ്പോൾ വേണമെങ്കിലും നഷ്ടപ്പെട്ടേക്കാം,ഒരു പക്ഷെ നമ്മുടെ തെറ്റായ പ്രവർത്തികൾ കൊണ്ട് നമ്മൾക്ക് നഷ്ടപ്പെടുത്തേണ്ടി വന്നേക്കാം.