ഉൾകൊള്ളാൻ ഉൾകാഴ്ചകൾ:The Art of innerspring insight-350

നമ്മൾ ചെയ്യുന്ന ഏതു കാര്യവും സമയവുമായി വളരെയേറെ ബന്ധപ്പെട്ടിരിക്കുന്നു.ഓരോ കാര്യത്തിനും നിശ്ചിത സമയം നമ്മൾ ഓരോരുത്തരും കണ്ടെത്തേണ്ടതായിട്ടുണ്ട്.

എല്ലാവർക്കും അവരവർക്ക് ലഭിക്കുന്ന സമയത്തിന് അനുസരിച്ചു ഓരോ കാര്യവും മുന്നോട്ട് ചെയ്തു തീർക്കാനായിട്ട് ഉണ്ടായെന്നു വന്നേക്കാം.

 

ലഭ്യമായ സമയത്തിന് അനുസരിച്ചു ചെയ്യേണ്ട കാര്യങ്ങൾ പൂർത്തിയാക്കാനുള്ള ശ്രമങ്ങൾ നമ്മുടെ ഭാഗത്തുനിന്നും നിരന്തരം ഉണ്ടാവേണ്ടതുണ്ട്.നമ്മുടെ മുൻപിലുള്ള സമയത്തെ എങ്ങനെ വിനിയോഗിച്ചു എന്നതനുസരിച്ചിരിക്കും മുന്നോട്ടുള്ള നമ്മുടെ ഓരോരുത്തരുടെയും വളർച്ച.

നമ്മൾക്ക് ലഭിച്ചിട്ടുള്ള സമയത്തെ അലസമായി വിനിയോഗിച്ചാൽ ഭാവിയിൽ ഒരുപക്ഷെ സമയം നഷ്ടപ്പെടുത്തിയതിനെക്കുറിച്ച് ഓർത്തുകൊണ്ട് നമ്മളിൽ പലരും ഒരുപക്ഷെ സങ്കടത്തിലായേക്കാം.

നമ്മൾക്ക് ലഭിക്കുന്ന സമയത്തു മുൻഗണന കൊടുക്കേണ്ട കാര്യങ്ങൾ ആദ്യം തന്നെ ചെയ്യാൻ ശ്രമിക്കുക.നഷ്ടങ്ങളും, നേട്ടങ്ങളും നമ്മുടെയൊക്കെ ജീവിതത്തിൽ സാഹചര്യം അനുസരിച്ചു ഒരുപക്ഷെ മാറിമാറി നേരിടേണ്ടി വന്നേക്കാം.

നമ്മുടെ ഭാഗത്തുനിന്നുള്ള പരിശ്രമം കുറയുമ്പോഴാണ് നമ്മളിൽ പലർക്കും പലപ്പോഴും നേട്ടങ്ങൾ സ്വന്തമാക്കാൻ കഴിയാതെ പോകുന്നത്.നമ്മൾ ചിലവഴിക്കുന്ന മണിക്കുറുകൾ വിലയുള്ളതായി കണ്ടാൽ മാത്രമേ, സമയം നഷ്ടപ്പെടുത്താതെ പ്രയോജനപ്പെടുന്ന കാര്യങ്ങൾക്കായി സമയം ചിലവഴിക്കാൻ ഒരുപക്ഷെ സാധിക്കുക.

ഇന്ന് നമ്മൾ ഏതെങ്കിലും തരത്തിലുള്ള നേട്ടങ്ങൾ സ്വന്തമാക്കിയിട്ടുണ്ടെങ്കിൽ അതിനുള്ള കാരണം ഇന്നലെകളിൽ നമ്മൾ ഓരോരുത്തരും നമ്മൾക്ക് ലഭിച്ച സമയത്തെ പൂര്ണമായ രീതിയിൽ പ്രയോജനപ്പെടുത്തിയതുകൊണ്ടാണ്.സമയം നമ്മൾക്കുവേണ്ടി ഒരിക്കലും കാത്തിരിക്കില്ല, നമ്മൾ നിരന്തരം സമയത്തിനെ വേണ്ടതുപോലെ ഉപയോഗപ്പെടുത്തുക.

ഏതു കാര്യവും വിജയത്തിലെത്താൻ അതിന്റെതായ സമയം ആവശ്യമാണ്.ഇന്ന് മനുഷ്യർക്കിടയിൽ സംസാരിക്കാൻ, കൂടെ ആയിരിക്കാൻ പോലും സമയം ചിലവഴിക്കാൻ സാധിക്കാത്ത വിധം തിരക്ക് പിടിച്ച ലോകത്താണ് നമ്മൾ ഓരോരുത്തരും മുന്നോട്ടേക്ക് ഒരുപക്ഷെ സഞ്ചരിച്ചുകൊണ്ടിരിക്കുന്നത്.

സമയം ഒരിക്കലും പിന്നോട്ട് സഞ്ചരിക്കില്ല, നമ്മൾക്കുണ്ടായ പല നഷ്ടങ്ങളും ഇനിയൊരിക്കലും തിരിച്ചു കിട്ടുകയില്ല എന്ന യാഥാർഥ്യം മനസ്സിലാക്കുക.നമ്മൾ ഓരോരുത്തരും നിശ്ചിത സമയം മാത്രമേ ഈ ലോകത്തു ജീവിച്ചിരിക്കുകയുള്ളു, ആ കാലമത്രയും നല്ല കാര്യങ്ങൾക്കായി മാത്രം സമയം ചിലവഴിക്കാൻ ശ്രദ്ധിക്കുക.

നിരാശകളെ അകറ്റാൻ നമ്മുടെ ഭാഗത്തുനിന്നുള്ള പരിശ്രമം ആവശ്യമാണ്.

നമ്മുടെ സമയം പാഴാക്കുന്ന കാര്യങ്ങളിൽ നിന്നും വിട്ടുനിൽക്കുക. എല്ലാവർക്കും അവരവരുടെ സമയത്തെ പൂർണ്ണമായ തോതിൽ പ്രയോജനപ്പെടുത്താൻ ഇനിയുള്ള കാലം സാധിക്കട്ടെ.