ഉൾകൊള്ളാൻ ഉൾകാഴ്ചകൾ:The Art of innerspring insight-347

നമ്മളൊക്കെ ഏറ്റവും കൂടുതൽ സന്തോഷിക്കുക നമ്മുടെയൊക്കെ ജീവിതത്തിൽ സമ്പൽ സമ്യദ്ധി നേടാൻ കഴിയുമ്പോഴാണ്.ഒന്നിനും കുറവില്ലാത്ത അവസ്ഥ ഉണ്ടാകുമ്പോഴാണല്ലോ സമ്പൽ സമ്യദ്ധിയായി എന്നു പറയാൻ സാധിക്കുക.

സമ്പൽ സമൃദ്ധമായ കാര്യങ്ങൾ നമ്മുടെയൊക്കെ ജീവിതത്തിൽ നേടാൻ കഠിനാധ്വാനം വളരെയേറെ ആവശ്യമായ കാര്യമാണ്.ഏതൊരു മനുഷ്യനും പ്രതിക്ഷ നൽകുന്നത് ഭാവിയിൽ സമ്പൽ സമ്യദ്ധി നേടിയെടുക്കാൻ സ്വന്തം പരിശ്രമത്താൽ കഴിയുമെന്നുള്ള ആത്മവിശ്വാസമായിരിക്കാം.

കൃഷിക്കാരൻ കൃഷിയിടത്തിൽ വിത്ത് നിക്ഷേപിച്ചു പരിപാലിച്ചാൽ മാത്രമേ നല്ല ഫലം നേടാൻ കഴിയുകയുള്ളു. കർഷകൻ വിത്ത് വളരാൻ വേണ്ട സാഹചര്യം കൃഷിയിടത്തിൽ ഒരുക്കാത്ത പക്ഷം സമ്പൽ സമൃദ്ധമായ വിഭവങ്ങൾ ഉണ്ടാവണമെന്നില്ല.

നമ്മൾ മുന്നോട്ട് എങ്ങനെ കാര്യങ്ങളെ കൈകാര്യം ചെയ്യുന്നു എന്നതനുസരിച്ചിരിക്കും അതിൽ നിന്നുള്ള ഫലപ്രാപ്തി.നമ്മുടെ ഭാഗത്തുനിന്നുള്ള പരിശ്രമം ഇല്ലാതെ നമ്മൾക്ക് ഒന്നും തന്നെ പൂർണ്ണമായ തോതിൽ നേടാൻ ഒരുപക്ഷെ സാധിച്ചെന്ന് വരില്ല.

സമ്പൽ സമൃദ്ധമായ കാര്യങ്ങൾക്കുവേണ്ടി കാത്തിരുന്നതുകൊണ്ട് മാത്രമായില്ല, അതിനുള്ള പരിശ്രമം കൂടി നമ്മുടെ ഓരോരുത്തരുടെയും ഭാഗത്തുനിന്നും ഉണ്ടാവേണ്ടതുണ്ട്.

എല്ലാവരുടെയും കൂട്ടായ പരിശ്രമം ഉണ്ടെങ്കിൽ നാളെകളിൽ സമ്പൽസമൃദ്ധമായ ലോകം സൃഷ്ടിക്കാൻ ഒരുപക്ഷെ കഴിഞ്ഞേക്കാം.നമ്മുടെയൊക്കെ അധ്വാനത്തിന് പകരം വെക്കാൻ ഈ ലോകത്തിൽ മറ്റൊന്നിനും ആകില്ല. ഇന്നിപ്പോൾ മനുഷ്യർക്ക് ചെയ്യാൻ കഴിയാത്ത പല കാര്യങ്ങളും യന്ത്രങ്ങൾകൊണ്ടു, സാങ്കേതിക വിദ്യകൾകൊണ്ട് ചെയ്യാൻ സാധിക്കുന്നു എന്നത് വലിയൊരു മുന്നേറ്റം തന്നെയാണ്.

നിരാശചിന്തകളും, ആകുലതകളും, ആശങ്കകളും നമ്മുടെ കൺമുൻപിൽ ഉണ്ടായെന്നു വന്നേക്കാം, അവയെയെല്ലാം ആത്മധൈര്യത്തോടെ അതിജീവിച്ചുകൊണ്ടു സമ്പൽ സമ്യദ്ധിക്കുവേണ്ടി അഹോരാത്രം കഷ്ടപ്പെടാൻ തയ്യാറാവുക. നല്ല നാളെക്കായി പ്രതീക്ഷയോടെ മുന്നോട്ടു പരിശ്രമിക്കുക.

 

പല രംഗത്തും അതിവേഗം വളർച്ച നേടാൻ മനുഷ്യർക്ക് സാധിക്കുന്നു എന്നത് വളരെയേറെ സന്തോഷം നൽകുന്ന കാര്യമാണ്. മുന്നോട്ടു ഓരോ കാര്യത്തിലും സമയലാഭം എങ്ങനെയൊക്കെ നേടാൻ കഴിയുമെന്ന് നമ്മൾ ഓരോരുത്തരും പലപ്പോഴും ചിന്തിക്കാറുണ്ട്.

സമ്പൽ സമ്യദ്ധി നമ്മുടെയൊക്കെ ജീവിതത്തിൽ നേടിയെടുക്കാൻ അതിന്റെതായ സമയം ആവശ്യമാണ്.നാളുകൾ നീണ്ട പരിശ്രമത്തിന്റെ ഫലമായിട്ടാണ് പലർക്കും സമ്പൽസമൃദ്ധമായ അവസ്ഥയിലേക്ക് എത്തിച്ചേരാൻ സാധിച്ചിട്ടുള്ളത്.അധ്വാനിക്കുക, അതിലുടെ നേട്ടങ്ങൾ സ്വന്തമാക്കുക, എല്ലാവർക്കും വരും നാളുകളിൽ സമ്പൽസമൃദ്ധമായ അവസ്ഥയിൽ എത്തിച്ചേരാൻ സാധിക്കട്ടെ.