ഉൾകൊള്ളാൻ ഉൾകാഴ്ചകൾ:The Art of innerspring insight-325

 നമ്മൾക്ക് ചുറ്റും ഉള്ള മനുഷ്യർക്കുണ്ടാകുന്ന ഒത്തിരി അനുഭവം നമ്മൾ കണ്ടും കേട്ടും മനസ്സിലാക്കാറുണ്ട്, എങ്കിൽ പോലും നമ്മൾക്ക് അവയിലെ ശരിയും തെറ്റുകളും പലപ്പോഴും തിരിച്ചറിയാൻ കഴിയുന്നില്ല.ശരിയും തെറ്റും മനസിലാക്കാൻ നമ്മുടെ ഭാഗത്തുനിന്നുള്ള പരിശ്രമം ആവശ്യമാണ്.

വിവേകം നമ്മുടെ ജീവിതത്തിൽ ഓരോ കാര്യത്തിലും ഉചിതമായ തീരുമാനം എടുക്കുന്നതിനു വളരെയേറെ ആവശ്യമാണ്.കാര്യങ്ങൾ കണ്ടറിഞ്ഞു പ്രവർത്തിക്കാൻ വിവേകം നമ്മൾ ഓരോരുത്തർക്കും ആവശ്യമാണ്.

മറ്റുള്ളവർ പറയുന്നത് അങ്ങനെ തന്നെ വിശ്വാസത്തിൽ എടുക്കാൻ വിവേകം ഉള്ള വ്യക്തിക്ക് കഴിയണം എന്നില്ല.വാസ്തവ വിരുദ്ധമായ കാര്യങ്ങളെ തള്ളികളയാൻ വിവേകമുള്ള വ്യക്തിക്ക് ഒരുപക്ഷെ എളുപ്പം സാധിച്ചേക്കാം.വിവേകത്തോടെ ചിന്തിക്കാനും പ്രവർത്തിക്കാനും നമ്മൾ ഓരോരുത്തർക്കും ശരിയായ അറിവ് ലഭിക്കേണ്ടതുണ്ട്.

വകതിരിവ് നമ്മൾക്ക് ഒരിക്കലും നഷ്ടപ്പെടാതിരിക്കാൻ നിരന്തരം ശരികളെ മനസ്സിലാക്കാനുള്ള പരിശ്രമം നമ്മുടെ ഭാഗത്തുനിന്നും ആവശ്യമാണ്.വിവേകം നമ്മളിൽ നിന്നും നഷ്ടമായാൽ പലവിധത്തിലുള്ള നഷ്ടങ്ങൾക്കും ഒരുപക്ഷെ കാരണമായേക്കാം.

മറ്റുള്ളവർ ചെയ്യുന്നതിലെ ശരി തെറ്റുകൾ വിവേകമുള്ള വ്യക്തികൾക്ക് എളുപ്പം തിരിച്ചറിയാൻ കഴിഞ്ഞേക്കാം.വിവേകത്തോടെ ചിന്തിച്ചുകൊണ്ട് മുന്നോട്ടുള്ള ഓരോ കാര്യത്തിലും ഉചിതമായ തീരുമാനം കൈകൊള്ളാൻ നമ്മൾ എല്ലാവർക്കും സാധിക്കട്ടെ.