ഉൾകൊള്ളാൻ ഉൾകാഴ്ചകൾ:The Art of innerspring insight-292

പല സാഹചര്യത്തിലും നമ്മളുടെയൊക്കെ ജീവിതത്തിൽ മോശമായ സാഹചര്യങ്ങളെ നേരിടേണ്ടി വന്നേക്കാം.എല്ലാവർക്കും നമ്മളോട് എപ്പോഴും നല്ല രീതിയിൽ തന്നെ പെരുമാറാൻ സാധിക്കണമെന്നില്ലല്ലോ.

മറ്റുള്ളവർക്ക് നമ്മളോട് ഇഷ്ടക്കേട് വരുന്ന സമയത്ത് അവരൊക്കെ നമ്മളോട് ഒരുപക്ഷെ മോശമായി പെരുമാറിയെന്ന് വന്നേക്കാം.മോശമായ അനുഭവം നമ്മൾക്ക് ഉണ്ടാകുന്ന സമയം വളരെയേറെ ആത്മസംയമനം പാലിക്കേണ്ടതുണ്ട്.

മോശമായ അനുഭവം നമ്മളെയൊക്കെ വളരെയേറെ വേദനിപ്പിച്ചേക്കാം, നമ്മൾക്ക് നേരിടേണ്ടി വരുന്ന മോശമായ അനുഭവങ്ങളെ അതിജീവിക്കുവാൻ നമ്മൾ ഓരോരുത്തരും കരുത്തരാകേണ്ടതുണ്ട്.

എല്ലാവർക്കും മോശമായ അനുഭവങ്ങളെ എളുപ്പം കൈകാര്യം ചെയ്യാൻ  സാധിച്ചെന്ന് വരില്ല, ചുറ്റിലുമുള്ളവരുടെ സഹായം ഒരുപക്ഷെ ആവശ്യമായി വന്നേക്കാം.മോശമായ അനുഭവം നമ്മളെ പഠിപ്പിച്ച പാഠങ്ങളിൽ നിന്നും ശരിയായ തിരിച്ചറിവുകൾ നേടേണ്ടതുണ്ട്.

നമ്മൾക്കും നമ്മളുടെ ചുറ്റിലുമുള്ളവർക്കും നേരിടേണ്ടിവന്ന മോശമായ അനുഭവങ്ങൾക്ക് പിന്നിൽ പല കാരണങ്ങളും ഉണ്ടാവാം, അതെല്ലാം കൃത്യമായി പരിഹരിച്ചില്ല എന്നുണ്ടെങ്കിൽ മോശമായ അനുഭവം ഒരുപക്ഷെ ആവർത്തിക്കപ്പെട്ടേക്കാം.

ഈ ലോകത്തിൽ എന്തെല്ലാം മോശപ്പെട്ട അനുഭവങ്ങളാണ് ഓരോ ദിവസവും ഓരോരുത്തരുടെയും ജീവിതത്തിൽ സംഭവിച്ചുകൊണ്ടിരിക്കുന്നത്. എല്ലാവർക്കും മോശമായ അനുഭവം ഭാവിയിൽ ഉണ്ടാവാതിരിക്കാൻ വേണ്ട മുൻകരുതൽ എടുക്കാൻ കഴിയട്ടെ. മോശമായ അനുഭവങ്ങളെ അതിജീവിക്കുവാൻ നമ്മൾ ഓരോരുത്തർക്കും സാഹചര്യങ്ങളുമായി ധിരമായി പൊരുതേണ്ടി വന്നേക്കാം.

മോശമായ അനുഭവം ചെറുപ്പം തൊട്ടേ അനുഭവിക്കേണ്ടി വന്നിട്ടുള്ളവർ പിന്നിടുള്ള കാലം വളരെയേറെ വേദനയിലൂടെയാണ് ഒരുപക്ഷെ കടന്നുപോയികൊണ്ടിരിക്കുന്നത്. മറ്റുള്ളവരിൽ നിന്നുണ്ടായ മോശമായ അനുഭവം നമ്മളിൽ ഏൽപ്പിച്ച മുറിവുകൾ സുഖപ്പെടുത്താൻ നമ്മുടെ ഭാഗത്തുനിന്നുള്ള പരിശ്രമം ഉണ്ടാകേണ്ടതുണ്ട്.

മോശമായ അനുഭവങ്ങളെയെല്ലാം ധിരതയോടെ ചെറുത്തുതോൽപ്പിച്ചുകൊണ്ട് മുന്നോട്ട് വന്നിട്ടുള്ള ഒത്തിരി വ്യക്തികൾ പിന്നിടുള്ള കാലം തങ്ങൾക്കുണ്ടായ മോശമായ അനുഭവത്തിലുടെ കടന്നുപോയ ഒത്തിരി ആളുകൾക്ക് മുന്നോട്ടു നേരായ വഴിയിൽകൂടി സഞ്ചരിക്കാൻ പ്രചോദനമായി മാറിയിട്ടുണ്ട്.

നമ്മൾക്കുണ്ടായ മോശമായ അനുഭവത്തിന്റെ പേരിൽ ദുഃഖിച്ചു തളർന്നിരിക്കാതെ ജീവിതസാഹചര്യങ്ങളോട് പൊരുതി മുന്നേറാൻ നമ്മൾ എല്ലാവർക്കും കഴിയട്ടെ.ഇന്നലെകളിൽ നമ്മൾക്കുണ്ടായ മോശമായ അനുഭവങ്ങളെല്ലാം തന്നെ നമ്മൾക്ക് മുന്നോട്ടുള്ള ചവിട്ടുപടികളായി മാറട്ടെ.