ഉൾകൊള്ളാൻ ഉൾകാഴ്ചകൾ:The Art of innerspring insight-27

നമ്മളിൽ പലരും ചെറുപ്പം തൊട്ടേ പലതരത്തിലും ഭയപ്പെടാനുള്ള ഒരു കാരണം നമ്മുടെ ചുറ്റിലുമുള്ളവർ കള്ളങ്ങൾ പറഞ്ഞുകൊണ്ടു നമ്മളിൽ പരിഭ്രാന്തി സൃഷ്ടിച്ചതുകൊണ്ടാണ്.നമ്മുടെ ചുറ്റിലുമുള്ളവർ ഒരുപക്ഷെ അസത്യങ്ങൾ വിളിച്ചുപറഞ്ഞുകൊണ്ട് പരിഭ്രാന്തി സൃഷ്ടിക്കുന്നതിലൂടെ നേട്ടങ്ങൾ സ്വന്തമാക്കാൻ ആഗ്രഹിക്കുന്നവരായിരിക്കും.

അറിവില്ലായ്മയെ ചുഷണം ചെയ്തുകൊണ്ട് ആളുകൾക്കിടയിൽ പരിഭ്രാന്തി സൃഷ്ടിക്കുന്നത് ഒട്ടും തന്നെ നല്ലതല്ല.

നമ്മുടെ കൊച്ചുപ്രായത്തിൽ മറ്റുള്ളവർ പറയുന്നതൊക്കെയും നമ്മളിൽ പലരും ഒരുപക്ഷെ കണ്ണടച്ച് വിശ്വസിച്ചെന്ന് വന്നേക്കാം.കണ്ണടച്ചു വിശ്വസിച്ചതിലൂടെ ഒരുപക്ഷെ നമ്മളിൽ പലർക്കും ഭയങ്ങൾ ഉണ്ടായെന്നും വന്നേക്കാം.ഇല്ലാത്ത കഥകൾ സൃഷ്ടിച്ചുകൊണ്ട് ആരിലും പരിഭ്രാന്തി സൃഷ്ടിക്കാതിരിക്കാൻ നമ്മൾ ഓരോരുത്തർക്കും സാധിക്കട്ടെ.

അറിവില്ലായ്മക്കു പകരം ജാഗ്രത പാലിക്കാൻ നമ്മൾ ഓരോരുത്തർക്കും സാധിക്കട്ടെ.ആവശ്യം അറിഞ്ഞിരിക്കേണ്ട കാര്യങ്ങളിലുള്ള അറിവില്ലായ്മ നമ്മുടെ മുന്നോട്ടുള്ള യാത്രയിൽ തടസ്സങ്ങൾ ഒരുപക്ഷെ സൃഷ്ടിച്ചേക്കാം.

നമ്മുടെ ചുറ്റുപാടിൽ നിന്നും ശരിയായ അറിവുകൾ മാത്രം സ്വന്തമാക്കികൊണ്ട് പരിഭ്രാന്തികളെ ശരിയായ വിധത്തിൽ നേരിടാൻ നമ്മൾ ഓരോരുത്തർക്കും സാധിക്കട്ടെ.