ഉൾകൊള്ളാൻ ഉൾകാഴ്ചകൾ:The Art of innerspring insight-230

 പ്രയാസപ്പെടാത്ത മനുഷ്യർ ഉണ്ടാവില്ല.

നമ്മളുടെ പ്രയാസങ്ങൾക്ക് പരിഹാരം കിട്ടുന്നത് വരെ നമ്മൾ പ്രയാസപ്പെട്ടുകൊണ്ടിരിക്കും.

പ്രയാസങ്ങൾ ഒരു പരിധിയിൽ കൂടുതൽ മനസ്സിൽ കൊണ്ട് നടക്കരുത്.

പ്രയാസങ്ങൾ വരുമ്പോൾ എങ്ങനെ അതിനെ ജീവിക്കാൻ സാധിക്കും എന്ന് മനസ്സിലാക്കാൻ ശ്രമിക്കുക.പലർക്കും പ്രയാസം കൂടുതൽ ഉണ്ടാവുന്നത് മനുഷ്യരുടെ വേർപാട് തന്നെയാണ്.

ഓരോ മനുഷ്യരുടെയും പ്രയാസങ്ങൾക്ക് പരിഹാരം കിട്ടില്ല എന്നുള്ള ചിന്തയാണ് അവരെ തെറ്റായ ചിന്തയിലേക്ക് നയിക്കുക.

എത്ര വലിയ സമ്പന്നൻ ആയാലും ശരീരത്തിനു തളർച്ച സംഭവിച്ചേക്കാം.

നമ്മൾക്ക് ഉണ്ടാകുന്ന പ്രയാസങ്ങൾ മറ്റുള്ളവരോട് പങ്കുവെക്കുക.

ഒറ്റപ്പെടലിൽ പ്രയാസപ്പെടുന്നവർക്ക് താങ്ങാകാൻ നമ്മൾക്ക് ആകണം.

നമ്മൾക്ക് ഇല്ലാത്തതിനെ ഓർത്തു പ്രയാസപ്പെടാതെ, എങ്ങനെ ഇല്ലായ്മയെ അതിജീവിക്കാൻ കഴിയും എന്ന് ചിന്തിക്കുക.

ഒട്ട് മിക്കവാറും ആളുകൾക്കും അവരുടെ

പ്രയാസങ്ങൾ മുഴുവൻ മറ്റുള്ളവരെ പറഞ്ഞറിയിക്കാൻ കഴിയാത്തത് ആയിരിക്കും.

ലോകം നമ്മൾക്ക് നൽകിയ വലിയൊരു പാഠം, ഈ ഭൂമിയിൽ ജനിച്ചു വീഴുന്ന ഓരോ മനുഷ്യരിലും മറ്റുള്ളവരുടെ പ്രയാസങ്ങൾക്ക് പരിഹാരം ഉണ്ട് എന്നതാണ്.

ഇന്ന് മനുഷ്യരുടെ കണ്ടുപിടിത്തങ്ങൾ ഒത്തിരി പ്രയാസങ്ങളെ അകറ്റാൻ കാരണമാകുന്നുണ്ടല്ലോ.

പണ്ടൊക്കെ സഞ്ചരിക്കാൻ ഒത്തിരി പ്രയാസപ്പെട്ടിരുന്നു എങ്കിൽ ഇന്ന് നിമിഷനേരം കൊണ്ട് ഒത്തിരി കിലോമീറ്റർ പെട്ടെന്ന് താണ്ടാൻ നമ്മൾക്ക് സാധിച്ചത് ഓരോ മനുഷ്യരും അവരുടെ സമയങ്ങൾ കണ്ടുപിടിത്തത്തിനായി ചിലവഴിച്ചതുകൊണ്ടാണ്.

നമ്മളിലെ കഴിവുകളെ കണ്ടെത്തി അതിന് വേണ്ടി പരിശ്രമിക്കാൻ കഴിഞ്ഞാൽ നമ്മളിലെ പ്രയാസങ്ങൾക്ക് ഒരു പരിധി വരെ ആശ്വാസം കണ്ടെത്താൻ കഴിയും.

പ്രയാസം എന്ത് തന്നെയാണെങ്കിലും അവയെല്ലാം ഒരു നാൾ പരിഹരിക്കപ്പെടും എന്ന് ഉറച്ചു വിശ്വസിക്കുക, പ്രയത്നിക്കുക.

ഒന്നും തിരിച്ചു പ്രതീക്ഷിക്കാതെ പ്രയാസപ്പെടുന്നവരെ സഹായിക്കാൻ നമ്മൾക്ക് കഴിയണം.

ജീവിതം എന്നും സന്തോഷം നിറഞ്ഞത് തന്നെ ആകും എന്ന് യാതൊരു ഉറപ്പും നൽകാൻ ഈ ഭൂമിയിൽ ജീവിക്കുന്ന ഒരു മനുഷ്യന് പോലും കഴിയില്ല. ഈ ഭൂമിയിൽ ചെയ്തു തീർക്കേണ്ട കടമകൾ പൂർത്തിയാക്കാൻ നമ്മൾക്ക് ഓരോരുത്തർക്കും സാധിക്കട്ടെ.എല്ലാവർക്കും പരസ്പരം പ്രയാസപ്പെടുന്നവരെ തന്നാൽ ആവും വിധം സഹായിക്കാൻ കഴിയട്ടെ.