ഉൾകൊള്ളാൻ ഉൾകാഴ്ചകൾ:The Art of innerspring insight-224

 നമ്മൾ ഓരോരുത്തരും ഓരോരോ പ്രതിക്ഷകളുമായി മുന്നോട്ടു പോകുന്നവരാണ്.അമിതമായ പ്രതിക്ഷ ചിലപ്പോഴൊക്കെ നമ്മളെ ഒരുപക്ഷെ നിരാശപ്പെടുത്തിയെന്ന് വന്നേക്കാം.

നാളെകൾ ഇന്നത്തേക്കാൾ സുന്ദരമാകും എന്നുള്ള പ്രതീക്ഷയിൽ മുന്നോട്ടു പോകുവാൻ നമ്മൾക്കു കഴിയണം, അതിനായി പരിശ്രമിക്കണം.

ജീവിതം എന്നും ഒരുപോലെ തന്നെയാകണം എന്നില്ല മുന്നോട്ടു സഞ്ചരിക്കുക. ദുഃഖവും സന്തോഷവുമെല്ലാം നമ്മുടെയൊക്കെ ജീവിതത്തിലേക്ക് ഒരുപക്ഷെ കടന്നുവന്നേക്കാം.

മുന്നോട്ടുള്ള വഴികളിൽ കല്ലും, മുള്ളും, കുഴികളും, മറ്റു പല തടസ്സങ്ങളും എല്ലാം തന്നെ ഒരുപക്ഷെ ഉണ്ടായേക്കാം, എന്നിരുന്നാലും അവയെല്ലാം തന്നെ ധൈര്യപൂർവ്വം നേരിട്ടുകൊണ്ടുമാത്രമേ നമ്മുടെ ലക്ഷ്യത്തിലേക്ക് കൂടുതൽ അടുക്കുവാനായി നമ്മൾ ഓരോരുത്തർക്കും ഒരുപക്ഷെ സാധിക്കുകയുള്ളു.

 

നമ്മുടെ പ്രതീക്ഷകളെ ഇല്ലാതെയാക്കുന്ന പ്രവർത്തികൾ നമ്മുടെ ചുറ്റുപാടിൽ നിന്നും ഒരുപക്ഷെ നമ്മളിൽ ചിലർക്കെങ്കിലും നേരിടേണ്ടി വന്നേക്കാം, എങ്കിൽപോലും അതിനെയെല്ലാം ധിരമായി ചെറുത്തു തോൽപ്പിക്കാൻ നമ്മൾക്ക് കഴിയട്ടെ.

പ്രതീക്ഷകൾ നഷ്ടപ്പെടുമ്പോഴാണ് നിരാശകൾ നമ്മളുടെ ജീവിതത്തെ ബാധിക്കുക.ഈ ലോകത്തുള്ള ആർക്കും തന്നെ, മറ്റൊരാളുടെ മനസ്സിലുള്ള പ്രതീക്ഷകളെ തടയാൻ കഴിയില്ലല്ലോ.മുന്നോട്ടു ഉണർവോടെ പ്രവർത്തിക്കാൻ പ്രതീക്ഷകൾ നമ്മളെ ഒത്തിരി സഹായിക്കും.

മുന്നോട്ടു യാതൊരുവിധ പ്രതീക്ഷകളും ഇല്ലാത്തവർക്കിടയിൽ പോലും പ്രതീക്ഷകൾക്കപ്പുറമുള്ള കാര്യങ്ങൾ അത്ഭുതകരമായി ഒരുപക്ഷെ സംഭവിച്ചേക്കാം.

നമ്മൾ ചെയ്യുന്ന ഓരോ കാര്യത്തിലും ഒരുപക്ഷെ നമ്മൾ പ്രതീക്ഷിച്ചതിലുപരിയായി കാര്യങ്ങൾ സംഭവിച്ചേക്കാം.വെറും വാക്കുകൾ നൽകികൊണ്ട് ആർക്കും പ്രതിക്ഷകൾ നൽകരുത്.നമ്മുടെ നല്ല പ്രതീക്ഷകൾ ഭാവിയിൽ ഫലമണിയാൻ ഇപ്പോൾ മുതൽ നിരന്തരം പരിശ്രമിച്ചുകൊണ്ടിരിക്കാം.