ഉൾകൊള്ളാൻ ഉൾകാഴ്ചകൾ:The Art of innerspring insight-216

നമ്മൾ പലപ്പോഴും മുന്നോട്ടുള്ള വഴികൾ തടസ്സങ്ങൾ കാരണം കാണാറില്ല.

മുന്നോട്ടുള്ള വഴികൾ കണ്ടെത്താൻ നമ്മളുടെ ഭാഗത്തുനിന്നുള്ള ശ്രമങ്ങൾ ഉണ്ടാകേണ്ടതുണ്ട്.മുന്നോട്ടു വഴി കണ്ടെത്തുക എന്നത് എല്ലാവർക്കും എല്ലായ്പോഴും അത്ര എളുപ്പം ആവണമെന്നില്ല, എങ്കിൽ പോലും പ്രതിക്ഷ കൈവെടിയാതിരിക്കുക, പരിശ്രമിച്ചുകൊണ്ടിരിക്കുക.ഒരു വഴി അടയുമ്പോൾ മറ്റു വഴികൾ തേടി കണ്ടെത്തുക.

 

തെറ്റായ വഴികളിലൂടെ സഞ്ചരിക്കാതെ നേരായ വഴിയിൽകൂടി മാത്രം സഞ്ചരിക്കാൻ ശ്രമിക്കുക.മുന്നോട്ടുള്ള വഴികൾ അടയുമ്പോൾ സ്വാഭാവികമായി നമ്മുടെ ഉള്ളിൽ നിരാശകൾ, തെറ്റായ ചിന്തകളെല്ലാം കടന്നു വന്നേക്കാം, അതിനെയെല്ലാം ശരിയായ വിധത്തിൽ അതിജീവിക്കേണ്ടതായിട്ടുണ്ട്.

നിലവിലെ സാഹചര്യങ്ങളോട് പൊരുതുക എന്നത് മുന്നോട്ടു സഞ്ചരിക്കാൻ നമ്മൾ ഓരോരുത്തർക്കും വളരെയേറെ ആവശ്യമാണ്.ദാരിദ്ര്യവും പട്ടിണിയും എല്ലാം തന്നെ നമ്മളെ മാനസികമായും ശാരീരികമായും ഒരുപക്ഷെ തളർത്തിയേക്കാം എങ്കിൽ പോലും മുന്നോട്ടു നമ്മൾക്ക് സഞ്ചരിക്കാൻ എവിടെയൊക്കയോ വഴികളുണ്ട് എന്ന് ഉറച്ചു വിശ്വസിക്കുക.

 

അലസത ഉപേക്ഷിച്ചു കഠിനമായ പരിശ്രമം നമ്മുടെ ഭാഗത്തുനിന്നും ഉണ്ടെങ്കിൽ മാത്രമേ ഒരുപക്ഷെ മുന്നോട്ടുള്ള വഴികൾ നമ്മൾക്ക് മുൻപിൽ പ്രത്യക്ഷമാകുകയുള്ളു.

തെറ്റായ വഴികളിലൂടെ സഞ്ചരിച്ചാൽ ഒരിക്കലും ലക്ഷ്യസ്ഥാനത്തു എത്തിച്ചേരാൻ കഴിഞ്ഞെന്നു വരില്ല.മുന്നോട്ടുള്ള ജീവിതത്തിൽ നമ്മൾക്ക് എന്തുവേണമെങ്കിലും സംഭവിക്കാം, എങ്കിൽ പോലും അതെല്ലാം നേരിടാൻ സ്വയം കരുത്തരാകുക.

പരിഹാസങ്ങളെയും, അവഗണനകളെയും, അപമാനങ്ങളെയും ഒഴിവാക്കികൊണ്ട് മുന്നോട്ടു സഞ്ചരിക്കാൻ നമ്മൾ ഓരോരുത്തർക്കും കഴിയേണ്ടതുണ്ട്.

നമ്മൾ തളരാതെ സാഹചര്യങ്ങളോട് പൊരുതി മുന്നേറുക, നമ്മൾക്കായി മുന്നോട്ടു ഒരു വഴി തെളിയുക തന്നെ ചെയ്യും.

നമ്മളുടെ ഇന്നത്തെ അവസ്ഥക്ക് കാരണം ഒരുപക്ഷെ നമ്മുടെ സാഹചര്യം ആയിരുന്നിരിക്കാം, നമ്മുടെ ഭാഗത്തുനിന്നുള്ള വിഴ്ചകൾ ആയിരുന്നിരിക്കാം, മറ്റു പല കാരണങ്ങളാവാം എങ്കിൽ പോലും മോശമായ അവസ്ഥകളെക്കുറിച്ച് ചിന്തിച്ചു തളർന്നിരിക്കാതെ ജീവിതസാഹചര്യങ്ങളോട് പൊരുതാൻ നമ്മൾ ഓരോരുത്തർക്കും കഴിയട്ടെ.

നേട്ടങ്ങൾക്കായി വളഞ്ഞ വഴികളെ ഒരിക്കലും ആശ്രയിക്കരുത്. നേരായ വഴികൾ അൽപ്പം കഷ്ടപ്പെട്ടിട്ടാണെങ്കിലും കണ്ടെത്താൻ ശ്രമിക്കുക.

ലോകത്തിൽ നമ്മൾ ഓരോരുത്തർക്കും മുന്നോട്ട് സഞ്ചരിക്കുവാൻ ഒരുപാട് നേരായ വഴികളുണ്ട്, സ്വന്തം പരിശ്രമത്താൽ നേരായ വഴികൾ നമ്മൾ ഓരോരുത്തർക്കും എത്രയും പെട്ടെന്ന് തന്നെ കണ്ടെത്താൻ സാധിക്കട്ടെ.