ഉൾകൊള്ളാൻ ഉൾകാഴ്ചകൾ:The Art of innerspring insight-209

 പലപ്പോഴും പല സാഹചര്യത്തിലും നിസ്സഹായ അവസ്ഥ നമ്മളിൽ പലർക്കും ഉണ്ടാകാറുണ്ട്.നിസ്സഹായ അവസ്ഥ ഏതു മനുഷ്യനും എപ്പോൾ വേണമെങ്കിലും സംഭവിക്കാം, കാരണം എല്ലാ മനുഷ്യർക്കും അവരുടേതായ പരിമിതികൾ ധാരാളമുണ്ട്.നിസ്സഹായ അവസ്ഥകളെ ഒഴിവാക്കാൻ വേണ്ടതുപോലെ പരിശ്രമിക്കുകയാണ് ഒരു മാർഗം.

മറ്റുള്ളവരുടെ നിസ്സഹായ അവസ്ഥയിൽ ഒരിക്കലും അവരെ പരിഹസിക്കരുത്,അപമാനിക്കരുത്. നാളെകളിൽ നമ്മൾക്കും നിസ്സഹായ അവസ്ഥ വന്നുചേരില്ലായെന്ന് യാതൊരുവിധ ഉറപ്പുമില്ലല്ലോ.

നിസ്സഹായ അവസ്ഥകളെ ഒരു പരിധിവരെ ഒഴിവാക്കാൻ നമ്മുടെ ഭാഗത്തുനിന്നുള്ള ശ്രമം വളരെയധികം ആവശ്യമാണ്.മറ്റൊരാളുടെ നിസ്സഹായ അവസ്ഥയിലാണ് നമ്മൾ അവരെ സഹായിക്കേണ്ടത്.

ലോകത്തിൽ എല്ലാവർക്കും ഒരുപക്ഷെ എല്ലാവിധ സുഖസൗകര്യത്തിലും ജീവിതത്തെ എല്ലാകാലവും മുന്നോട്ട് കൊണ്ടുപോകുവാൻ സാധിച്ചെന്നു വരില്ലല്ലോ.

പ്രകൃതിദുരന്തത്തിന് മുൻപിൽ മനുഷ്യരൊക്ക നിസ്സഹായരാണ്, കാരണം പ്രകൃതിശക്തിക്കു മുന്നിൽ മനുഷ്യൻ ഒന്നുമല്ല.നമ്മുടെ കരുതലാണ് നമ്മുടെ ചുറ്റിലുമുള്ള മനുഷ്യരെ അവരുടെ നിസ്സഹായ അവസ്ഥയിൽ നിന്നും കര കയറ്റുന്നത്.

എത്രയോ മനുഷ്യരാണ് തങ്ങളുടെ ചുറ്റുപാടുമുള്ള മനുഷ്യരെ അവരുടെ നിസ്സഹായ അവസ്ഥയിൽ യാതൊരുവിധ വേർതിരിവ് ഇല്ലാതെ സഹായിച്ചിട്ടുള്ളത്.തങ്ങളുടെ നിസ്സഹായ അവസ്ഥയിൽ നമ്മുടെ ചുറ്റിലുമുള്ള പലരും അവരുടേതായ രീതിയിൽ സഹായിച്ചതുകൊണ്ടാണ് ഒരുപക്ഷെ നമ്മൾ ഇന്നിവിടെ വരെ എത്തി നിൽക്കുന്നത്.

നിസ്സഹായ അവസ്ഥകളെ ഒരു പരിധിവരെയെങ്കിലും ഒഴിവാക്കാൻ നമ്മുടെ കഠിനാധ്വാനം ഒരുപക്ഷെ സഹായിച്ചേക്കും.ഭാവിയിൽ നമ്മുടെ ഓരോരുത്തരുടെയും ജീവിതം ഏതൊക്കെ അവസ്ഥയിലൂടെ കടന്നുപോകേണ്ടി വരുമെന്ന് നമ്മൾ ആർക്കും തന്നെ പ്രവചിക്കാനാകില്ലല്ലോ.

ഒരു നേരത്തെ ഭക്ഷണത്തിനായി കാത്തിരിക്കുന്ന ഒത്തിരി മനുഷ്യരുണ്ട് നമ്മൾക്കിടയിൽ.നമ്മൾക്ക് കിട്ടുന്ന ഭക്ഷണം പാഴാക്കാതിരിക്കാൻ ശ്രദ്ധിക്കുക.നിസ്സഹായ അവസ്ഥകളെ നേരിടാൻ നമ്മൾ എല്ലാവർക്കും കൂട്ടായ പരിശ്രമത്തിലൂടെ സാധിക്കട്ടെ.