ഉൾകൊള്ളാൻ ഉൾകാഴ്ചകൾ:The Art of innerspring insight-199

 മനുഷ്യന്റെ ഏറ്റവും വലിയ വേദന എന്ന് പറയുന്നത് നഷ്ടങ്ങളെ കുറിച്ച് ഓർക്കുമ്പോളാണ്, പറയുമ്പോളാണ്.വേർപാട് മനുഷ്യനെ ഒത്തിരി വേദനിപ്പിക്കുന്ന ഒന്നാണ്.പ്രപഞ്ചം നമ്മളെ പഠിപ്പിക്കുന്ന ഒരു കാര്യം ഉണ്ട്.എത്ര വലിയ സമ്പന്നനും ഒരു നാൾ മരണം ഉണ്ടെന്ന്.

ഈ ലോകത്തിന്റെ അത്ഭുതം എന്നു പറയുന്നത് നമ്മൾക്ക് ലഭിച്ചിരിക്കുന്ന പ്രപഞ്ച ശക്തികളാണ്.അതെല്ലാം മുഴുവനായി പഠിച്ചെടുക്കാൻ ഇന്നും മനുഷ്യന് കഴിഞ്ഞിട്ടില്ല.പ്രപഞ്ചശക്തിക്കു മുന്നിൽ മനുഷ്യൻ ഒന്നും അല്ല. നമ്മൾ ഒരു പക്ഷെ ജീവിതത്തിൽ ഒത്തിരി അധികം നഷ്ടങ്ങളുടെ നടുവിൽ ആയിരുന്നിരിക്കാം.പക്ഷെ ആ നഷ്ടങ്ങൾക്ക് അപ്പുറം നഷ്ടപ്പെടാതെ കാത്തു സൂക്ഷിക്കാൻ കഴിയുന്ന പലവിധ കാര്യങ്ങളും ഉണ്ട്.അത് മനുഷ്യരോടുള്ള സ്നേഹം ആണ്.ചുററുപാടുകളോടുള്ള സ്നേഹമാണ്.ഓരോ നഷ്ടങ്ങളും നമ്മളുടെ ജീവിതത്തിൽ സംഭവിക്കാൻ കാലം കാത്തു വെച്ചൊരു സമയം ഉണ്ട്.

മനുഷ്യർ ഇന്ന് അനുഭവിക്കുന്ന ദുരിതങ്ങൾ എല്ലാം അവനെ ഇന്നലെകളിലെ പ്രവർത്തികളെകുറിച്ച് വിലയിരുത്താൻ പ്രേരിപ്പിക്കുന്നു.

 

നമ്മുടെ ഇന്നലെകളിലെ നഷ്ടങ്ങൾ നമ്മളെ ഒത്തിരി അധികം കാര്യങ്ങൾ പഠിപ്പിച്ചു തരുന്നുണ്ട്.ആ നഷ്ടങ്ങളിൽ നിന്നും നമ്മൾ പഠിച്ച പാഠങ്ങൾ മറ്റുള്ളവർക്ക് പകർന്നു കൊടുക്കാൻ കഴിയണം, എങ്കിൽ ആ നഷ്ടങ്ങൾ നമ്മൾക്ക് നേട്ടങ്ങൾ ആക്കി മാറ്റാൻ കഴിയും.

ഒരു പക്ഷെ നമ്മളിൽ പലരും ജോലിക്കായുള്ള ഇന്റർവ്യൂവിൽ പരാജയപ്പെട്ടേക്കാം, പരീക്ഷകളിൽ തോൽവികൾ സംഭവിച്ചേക്കാം. അവിടെയെല്ലാം നമ്മളെ തേടി ഒരു നേട്ടം കാത്തിരിക്കുന്നുവെന്ന് വിശ്വസിക്കുക അതിനായി പ്രയത്നിക്കുക,തീർച്ചയായും ഫലം ലഭിക്കും.ജീവിതത്തിൽ ഉണ്ടാകുന്ന നഷ്ടങ്ങളെ പോസിറ്റീവായി കാണുക.എല്ലാവർക്കും നല്ലത് വരട്ടെ.