ഉൾകൊള്ളാൻ ഉൾകാഴ്ചകൾ:The Art of innerspring insight-19

 നമ്മളിൽ പലർക്കും അപകർഷതബോധം പലപ്പോഴും ഉണ്ടായിട്ടുണ്ടാവും. നമ്മൾ പലതിലും പരാജയപ്പെട്ടു ഒന്നും നേടാൻ കഴിയാതെ ആകുമ്പോൾ നമ്മളിൽ പലർക്കും സ്വയം തോന്നിത്തുടങ്ങും താൻ ഒന്നിനും കൊള്ളില്ലാത്തവൻ ആണെന്ന്.അപകർഷതബോധം നമ്മളെ പലപ്പോഴും മുൻപോട്ട് സഞ്ചരിക്കുന്നതിൽ നിന്നും പിൻവലിക്കും.

അപകർഷതബോധം ഉണ്ടാവാനായിട്ട് ഒരുപാട് കാരണങ്ങൾ നമ്മൾ ഓരോരുത്തർക്കും ഉണ്ടായേക്കാം.നമ്മളിലുള്ള അപകർഷതബോധം ശരിയായ വിധത്തിൽ മാറ്റിയെടുക്കേണ്ടതുണ്ട്.

പലരും നമ്മളോട് സംസാരിക്കാൻ വരുമ്പോൾ അവരിൽ നിന്നെല്ലാം സംസാരിക്കാൻ നമ്മൾ ഓരോരുത്തരും വിമുഖത കാട്ടികൊണ്ട് പിന്മാറുന്നത് ഒരുപക്ഷെ നമ്മളിൽ അപകർഷതാബോധം ഉള്ളതുകൊണ്ടായിരിക്കാം. നേട്ടങ്ങൾ കൈവരിക്കുന്നതിന് അപകർഷതാബോധം വലിയൊരു തടസ്സം തന്നെയാണ്.

നമ്മൾ ചെയ്താൽ ഒരിക്കലും ശരിയാവില്ല എന്നൊരു തോന്നൽ അപകർഷതബോധം ഉണ്ടെങ്കിൽ ഒരുപക്ഷെ തോന്നിയേക്കാം. അപകർഷതബോധം ഉള്ള വ്യക്തികൾക്ക് ഒന്നിനോടും ഒരുപക്ഷെ താല്പര്യം ഉണ്ടായെന്നു വരില്ല.അപകർഷതബോധത്തിൽ നിന്നും നമ്മൾ ഓരോരുത്തരും മോചിതരാവേണ്ടതുണ്ട്.

അപകർഷതബോധത്തിൽ നിന്നും രക്ഷപ്പെടാൻ നമ്മൾ ഓരോരുത്തരും നമ്മളെ തന്നെ വിശ്വസിക്കുക, നമ്മളുടെ കഴിവുകളിൽ വിശ്വസിക്കുക. കുറ്റങ്ങളും കുറവുകളും ഇല്ലാത്ത മനുഷ്യരില്ല.

നമ്മളെക്കാൾ മോശം സാഹചര്യത്തിൽ ജീവിക്കുന്ന വ്യക്തികൾക്ക് അവരുടെ ജീവിതത്തിൽ ഉണ്ടായിട്ടുള്ള അപകർഷതയെ അതിജീവിക്കുവാൻ കഴിയുന്നുണ്ടെങ്കിൽ തീർച്ചയായും നമ്മൾക്കും പരിശ്രമിച്ചാൽ സാധിക്കുന്നതാണ്.അപകർഷതബോധം നമ്മൾക്ക് ഉയർച്ചകൾ നേടുന്നതിനു വലിയൊരു തടസ്സം തന്നെയാണ്.അപകർഷതബോധം ഒഴിവാക്കികൊണ്ട് മുന്നോട്ട് പോകുവാൻ നമ്മൾ എല്ലാവർക്കും കഴിയട്ടെ.അപകർഷതാബോധം ഒഴിവാക്കാൻ നിരന്തരശ്രമം നമ്മുടെ ഓരോരുത്തരുടെയും ഭാഗത്തുനിന്ന് ഉണ്ടാവേണ്ടതുണ്ട്.

അപകർഷതാബോധം ഒഴിവാക്കാൻ നമ്മൾ ഓരോരുത്തരും നമ്മളുടെ കഴിവുകളിൽ ശ്രദ്ധ കേന്ദ്രികരിച്ചു നല്ല കാര്യങ്ങൾ പ്രവർത്തിച്ചു മുന്നോട്ട് പോകേണ്ടതുണ്ട്.