ഉൾകൊള്ളാൻ ഉൾകാഴ്ചകൾ:The Art of innerspring insight-188

നമ്മൾ എല്ലാവർക്കും ഓരോ കാര്യത്തിലും പലരോടും നന്ദി പറയാനായിട്ട് ഉണ്ടാകും.നമ്മളെ സന്തോഷിപ്പിക്കുന്നവർ, കരയിപ്പിക്കുന്നവർ, ദ്രോഹിക്കുന്നവർ, കളിയാക്കുന്നവർ, വിമർശിക്കുന്നവർ, സഹായിക്കുന്നവർ അങ്ങനെ അങ്ങനെ പലരുമുണ്ടാകും എല്ലാവരോടും നമ്മൾ നന്ദിയുള്ളവർ ആകുക.

ജീവിതത്തിൽ ലഭിച്ച സൗഭാഗ്യങ്ങൾക്ക് എപ്പോഴും നന്ദി ഉള്ളവരാകണം നമ്മൾ.നമ്മൾ എന്നും ഈ പ്രകൃതിയോട് കടപ്പെട്ടിരിക്കുന്നു.നമ്മൾ എല്ലാവർക്കും എന്നും എപ്പോഴും നന്ദിയോടെ ഓർക്കാൻ ഒരുപാട് കാര്യങ്ങളുണ്ടാകും.ഈ ഭൂമിയിലെ ഓരോ മനുഷ്യരിൽ നിന്നും നമ്മൾക്കു പല വിധത്തിലുള്ള സഹായങ്ങൾ കിട്ടിയിട്ടുണ്ട്.പലരും നമ്മൾക്കുവേണ്ടി സഹായങ്ങൾ ചെയ്തു തരുമ്പോൾ നമ്മളിൽ പലരും അവരോട് നന്ദി പറയാറുണ്ട്.

ചിലരുടെ പരാതി ഒരുപാട് സഹായങ്ങൾ മറ്റുള്ളവർക്ക് ചെയ്തുകൊടുത്തിട്ടും ഒരിക്കലും അതിന്റെ പേരിൽ അവർ ആരും തങ്ങളോട് ഇന്നേവരെ നന്ദി പറഞ്ഞിട്ടില്ല എന്നതാണ്.പലപ്പോഴും നമ്മളിൽ പലരും പല കാര്യത്തിനും മറ്റുള്ളവരോട് നന്ദി പറയാൻ മടികാണിക്കാറുണ്ട്.

ചിലരോടൊക്കെ നന്ദി പറയുമ്പോൾ അവർ പറയുന്ന കാര്യം നന്ദി പറയണ്ട ആവശ്യം ഇല്ലെന്നാണ്.എല്ലാത്തിനോടും നന്ദി ഉള്ളവരാകുക.നന്ദിയുള്ള മനസ്സ് നമ്മൾ സൃഷ്ടിച്ചെടുക്കുക.ആരിൽ നിന്നും നന്ദി പ്രതീക്ഷിക്കാതെ അവർക്കുവേണ്ടി നമ്മളാൽ കഴിയുന്ന സഹായം ചെയ്യുക.

എല്ലാത്തിനോടും നന്ദിയോടെ കാണാൻ പഠിച്ചാൽ നമ്മുടെ ജീവിതം കൂറേകൂടി ധന്യമാകും.ഏവർക്കും നന്ദിയോടെ ചുറ്റിലുമുള്ളവരോട് സ്നേഹത്തോടുകൂടി പെരുമാറാൻ സാധിക്കട്ടെ.നന്ദി എന്നത് വെറും വാക്കിൽ മാത്രം ഒതുങ്ങേണ്ടതല്ല, നമ്മളുടെ നല്ല പ്രവർത്തികളിലൂടെ നന്ദി പ്രകടിപ്പിക്കുക.

ആപത്തു ഘട്ടങ്ങളിൽ നമ്മളെ സഹായിച്ചവരോട് പറ്റുന്ന സമയത്തു നന്ദി പറയാൻ ശ്രമിക്കുക.മറ്റുള്ളവരുടെ കുറ്റപ്പെടുത്തലുകൾ ആവാം, പരിഹാസങ്ങൾ ആവാം നമ്മളെ ഇന്നിപ്പോൾ ശക്തരാക്കിയിട്ടുള്ളത്, അതിനു എന്നും നമ്മൾ അവരോട് നന്ദി ഉള്ളവരായിരിക്കുക.ആരിൽ നിന്നും നന്ദി എന്നൊരു വാക്ക്‌ പ്രതീക്ഷിക്കാതെ മറ്റുള്ളവർക്ക് നന്മകൾ ചെയ്യുക.