ഉൾകൊള്ളാൻ ഉൾകാഴ്ചകൾ:The Art of innerspring insight-180

 നമ്മളൊക്കെ പലപ്പോഴും തോറ്റുകൊടുത്തിട്ടുള്ളവരാണ്, തോറ്റ വ്യക്തികളുമാണ്.

മറ്റുള്ളവർക്ക് നമ്മളെ തോൽപ്പിക്കാൻ പറ്റുന്നത് എന്തുകൊണ്ടാണ്, ആ വ്യക്തികൾ നമ്മളെക്കാൾ കൂടുതലായി പരിശ്രമിക്കുന്നതുകൊണ്ടാണ്.

ഇന്ന് പലരുടെയും ജീവിതത്തിൽ ആഴമായ സങ്കടത്തിനു കാരണം താൻ മറ്റുള്ളവരാൽ തോൽപ്പിക്കപെടുമ്പോഴുള്ള അവസ്ഥയാണ്.

പലതരത്തിലുള്ള പരാജയങ്ങൾക്ക് നടുവിലും വിജയത്തിന്റെ അൽപ്പം പ്രതീക്ഷകൾ നമ്മുടെയൊക്കെ ജീവിതത്തിൽ ഉണ്ടാകണം.

പരാജയം ഒരു വ്യക്തിയിൽ എപ്പോൾ വേണമെങ്കിലും സംഭവിക്കാം.

എല്ലാവരാലും തിരസ്കരണം ഏറ്റുവാങ്ങി, ജീവിതം വെറുത്തുപോയ ഒരുപാട് മനുഷ്യരുണ്ടാകാം നമ്മളിൽ പലരും.

എത്രയോ വ്യക്തികളുടെ ജീവിതത്തിലാണ് തോൽപ്പിക്കപ്പെട്ട അവസ്ഥകൾ ഉണ്ടായിട്ടുള്ളത്, അതൊന്നും അവരെ തളർത്തിയില്ല.മുൻപോട്ട് ജീവിക്കാനുള്ള വഴികൾ അവർ അന്വേഷിക്കുകയായിരുന്നു.ഒടുവിൽ അവരുടേതായ വഴികളിൽ അവർ ഓരോരുത്തരും വിജയം കൈവരിച്ചു.

നമ്മുടെയൊക്കെ ജീവിതത്തിൽ പലപ്പോഴും വില്ലനായി കടന്നുവരുന്നത് സാമ്പത്തിക ബുദ്ധിമുട്ടുകളാണ്, ജീവിത സാഹചര്യങ്ങളാണ്.

എല്ലാവരാലും തോൽപ്പിക്കപ്പെടുന്ന അവസ്ഥകൾ നമ്മുടെയൊക്കെ ജീവിതത്തിൽ നിന്നും ഇല്ലാതെ ആകണം എങ്കിൽ ഉൾക്കരുത്ത് നേടാൻ കഴിയണം.നമ്മുടെ മനസ്സിലേക്ക് പോസിറ്റീവ് ചിന്തകൾ മാത്രം കടത്തിവിടുക.സ്ഥിരമായി പരിശീലിച്ചാൽ മതി.

തോൽവികളെ വിജയത്തിന്റെ മുന്നോടിയായിട്ട് കാണുക.

നമ്മുടെയൊക്കെ ജീവിതത്തിൽ തോൽപ്പിക്കപ്പെടുന്ന അവസ്ഥകൾ ഒരുപാട് ഉണ്ടായേക്കാം, അതിലൊന്നും തളരാതെ ജീവിതത്തെ മുന്നോട്ട് കൊണ്ടുപോകുവാൻ നമ്മൾ ഓരോരുത്തർക്കും കഴിയട്ടെ.

തോൽപ്പിക്കപ്പെടുന്ന അവസ്ഥയിൽ നമ്മളെ പലരും കളിയാക്കിയേക്കും, നിനക്കൊന്നും നാണം ഇല്ലെ തോറ്റിട്ട് വരാൻ ആയിട്ടെന്ന് വരെ പറഞ്ഞേക്കാം.

പരീക്ഷയിൽ, ജോലിക്കായുള്ള ഇന്റർവ്യൂവിൽ തോൽവി സംഭവിച്ചു എന്നു കരുതി ജീവിതത്തിൽ തോറ്റുപോയി എന്ന് അതിനർത്ഥം ഇല്ലല്ലോ.

തോൽവികൾ ജീവിതത്തിൽ ഇല്ലാത്ത മനുഷ്യരില്ല,നമ്മുടെ ചുറ്റിലുമുള്ള ഓരോ മനുഷ്യരുടെ ജീവിതത്തിലെ പരാജയങ്ങളിൽ നിന്നും ഇന്ന് അവർ ആയിരിക്കുന്ന അവസ്ഥയിലേക്ക് എത്തിച്ചേരാൻ ഒരുപാട് നാളുകൾ അവർക്ക് കഷ്ടപ്പെടേണ്ടി വന്നിട്ടുണ്ട്.

നമ്മൾക്ക് ഓരോരുത്തർക്കും വിജയത്തിനായി കഷ്ടപ്പെടാൻ തയ്യാറാകാം.

നമ്മൾ ഓരോരുത്തർക്കും നമ്മുടെ മനസ്സിലേക്ക് കടന്നുവരുന്ന നെഗറ്റീവ് ചിന്തകളെ തോൽപ്പിക്കാൻ സാധിക്കണം, തോൽപ്പിക്കപ്പെടുന്ന അവസ്ഥയെ തരണം ചെയ്യാനായിട്ട്.