ഉൾകൊള്ളാൻ ഉൾകാഴ്ചകൾ:The Art of innerspring insight-164

 എവിടെയെല്ലാം താഴ്ച ഉണ്ടോ അവിടെയെല്ലാം ഉയരങ്ങളുമുണ്ട്.

നമ്മൾ ഉയരത്തിൽ നിൽക്കുന്നത് കൊണ്ടാണ് താഴ്ചകൾ നല്ലതുപോലെ കാണാൻ കഴിയുന്നത്.

ഏതൊരു വ്യക്തിക്കും താഴ്ചയിൽ നിന്നെ ഉയർച്ചയിലേക്ക് പടവുകൾ ചവിട്ടാൻ കഴിയുള്ളു.

നമ്മൾ ഉപയോഗിക്കുന്ന ഇന്ധനം ഭൂമിയുടെ അടിയിൽ നിന്നും ലഭിക്കുന്നതാണ്,ഒത്തിരി വർഷങ്ങൾ താഴ്ചയിൽ, മറ്റുള്ളവരുടെ അവഗണനയിൽ കിടന്നാലും വർഷം എത്ര കഴിഞ്ഞാലും ഒരു നാൾ വലിയൊരു വില അതിനു നമ്മൾ കൊടുക്കേണ്ടി വരും എന്ന് കാലവും പ്രപഞ്ചവും നമ്മളെ പഠിപ്പിക്കുന്നു.

നമ്മൾ എത്ര ഉയരങ്ങളിൽ വട്ടമിട്ടു പറന്നാലും ഒരു നാൾ ഈ ഭൂമിയിൽ മണ്ണോടു മണ്ണായി നമ്മൾ ചേരും.

മനസ്സിനെ കുറിച്ചു പഠിക്കാൻ തുടങ്ങിയാൽ ഒത്തിരി കാര്യങ്ങൾ നമ്മൾക്ക് മനസ്സിലാക്കാൻ സാധിക്കും.

മനുഷ്യരുടെ മനസ്സ് എപ്പോഴും സന്തോഷത്തിനു വേണ്ടി ദാഹിക്കുന്നു.

നമ്മൾ താഴ്ചയിലേക്ക് പോയാൽ നമ്മളെ താങ്ങാൻ എപ്പോഴും ആരും ഉണ്ടായെന്നു വരില്ല.നമ്മൾ ഉയരങ്ങളിലേക്ക് പോയാൽ നമ്മൾക്ക് ഒത്തിരി ആളുകൾക്ക് താങ്ങാകാൻ കഴിയും.

എല്ലാ മനുഷ്യർക്കും വേദനകളുടെ, നൊമ്പരങ്ങളുടെ, പ്രയാസങ്ങളുടെ, കണ്ണീരിന്റെ, കഷ്ടപ്പാടുകളുടെ താഴ്‌വരകളിൽ നിന്നും സമൃദ്ധിയുടെ, സന്തോഷത്തിന്റെ, നേട്ടങ്ങളുടെ ഉയർച്ചയിലേക്ക് പോകുവാൻ കഴിയട്ടെ.

എല്ലാവർക്കും അവരവരുടെ ജീവിതത്തിൽ ഉയർച്ചയും താഴ്ച്ചയും ഉണ്ടാകും.നമ്മളുടെ താഴ്ചകളിൽ അടിപതറാതെ പരിശ്രമിച്ചാൽ നമ്മൾ ഒരു നാൾ ഉയരുക തന്നെ ചെയ്യും.കിട്ടുന്ന സമയം എല്ലാം നല്ല കാര്യങ്ങൾക്കായി മാറ്റിവെക്കുക.