ഉൾകൊള്ളാൻ ഉൾകാഴ്ചകൾ:The Art of innerspring insight-15

നമ്മുടെ ചുറ്റിലും നടക്കുന്ന ഒത്തിരി കാര്യങ്ങളിൽ നമ്മൾക്ക് അനുകമ്പ(ദയ) തോന്നാറുണ്ട്.നമ്മുടെ ചുറ്റിലുമുള്ള മനുഷ്യരോട്, സഹജീവികളോട് അനുകമ്പയോടെ പെരുമാറാൻ സാധിച്ചിരുന്നുവെങ്കിൽ ഈ ലോകം എത്ര സുന്ദരമായേനെ.

മനുഷ്യൻ അവന്റെ ജീവിതത്തിൽ ഏറ്റവും വലിയ ദുഃഖദുരിതങ്ങൾക്ക് കിഴ്പ്പെടുന്നത് സഹജീവികളോട് അനുകമ്പ ഇല്ലാതെ പെരുമാറുമ്പോഴാണ്.നമ്മളെക്കാൾ കഷ്ടതയിൽ ജീവിക്കുന്നവർ ധാരാളം മനുഷ്യരുണ്ട് നമ്മുടെ ചുറ്റിലുമായി, അവരെയൊക്കെ സഹായിക്കാനുള്ള മനസ്സ് ഉണ്ടാവണമെങ്കിൽ ദയ തോന്നേണ്ടതുണ്ട്.

നാളെകളിൽ നമ്മുടെയൊക്കെ ജീവിതത്തിന്റെ അവസ്ഥ എങ്ങനെ ആയിരിക്കുമെന്ന് നമ്മൾക്ക് അറിയില്ല, നമ്മൾ അനുഭവിക്കുന്ന ദുരിതത്തിൽ നിന്നും കരകയറാൻ അനുകമ്പയുള്ള മനുഷ്യർ നമ്മുടെ ചുറ്റിലും ആവശ്യമാണ്.

നാളിതുവരെ നമ്മളെ സഹായിച്ച ഒത്തിരി മനുഷ്യരുണ്ട് , അവരുടെ മനസ്സിൽ നമ്മളോട് ദയ തോന്നിയതുകൊണ്ടാണ് അവരൊക്കെയും നമ്മളെ ആവശ്യഘട്ടത്തിൽ സഹായിക്കാനായി മുന്നോട്ടു വന്നിട്ടുള്ളത്.

അനുകമ്പ മനുഷ്യരുടെ ഉള്ളിൽ നിന്നും അകലാൻ തുടങ്ങിയാൽ,ദുരിതം അനുഭവിക്കുന്നവർക്ക് അതിൽ നിന്നും മോചനം നേടാൻ  ഒരുപക്ഷെ ആരും തന്നെ സഹായിക്കാൻ ഇല്ലാതെയായേക്കാം.

നമ്മൾ, നമ്മളുടെ ജീവിതത്തിൽ എക്കാലവും കാത്തുസുക്ഷിക്കേണ്ട മൂല്യമാണ് അനുകമ്പ.അനുകമ്പ മനുഷ്യരിൽ ഉണ്ടെങ്കിലാണ് നമ്മുടെ കൂടെയുള്ള മനുഷ്യരെ ചേർത്തുനിർത്താനും അവർക്കുവേണ്ട സഹായം ചെയ്യാനും സാധിക്കുക.

അനുകമ്പ നമ്മുടെയൊക്കെ ജീവിതത്തിൽ നിന്നും ഒരിക്കലും കൈമോശം വരുത്താതെ എപ്പോഴും കൂടെ കൊണ്ട് നടക്കാൻ എല്ലാവർക്കും കഴിയട്ടെ.