ഉൾകൊള്ളാൻ ഉൾകാഴ്ചകൾ:The Art of innerspring insight-147

 പല സാഹചര്യത്തിലും നമ്മൾക്ക് സംസാരിക്കാൻ പറ്റാത്ത സാഹചര്യം ഉണ്ടാകാറുണ്ടല്ലോ.നമ്മുടെ ചുറ്റിലും ഉള്ളവരുടെ സംസാരവും പെരുമാറ്റവും എങ്ങനെ ആയിരിക്കുമെന്ന് നമ്മൾക്ക് ആർക്കും തന്നെ മുൻകൂട്ടി നിശ്ചയിക്കാൻ കഴിയില്ല.

നമ്മുടെ ചുറ്റുപാടിൽ നിന്നും നമ്മളെയൊക്കെ വേദനിപ്പിക്കുന്ന, സന്തോഷിപ്പിക്കുന്ന അനുഭവങ്ങൾ ഉണ്ടാവാം.നാളെ നമ്മൾക്കും ഈ ലോകത്തിനും എന്തുസംഭവിക്കും എന്ന് ആർക്കും പറയാൻ പറ്റത്തില്ല.

നമ്മളുടെ ഭാഗത്തുനിന്നുള്ള അശ്രദ്ധയും വിഴ്ചകൾമൂലവും ഉണ്ടാകുന്ന നഷ്ടങ്ങളെ പറ്റി ഒന്നും പറയാൻ പറ്റത്തില്ലല്ലോ.കഴിഞ്ഞുപോയ സമയങ്ങൾ ഒരിക്കലും തിരിച്ചുവരില്ല, അതുകൊണ്ട് തന്നെ സമയത്തു പറയേണ്ട കാര്യങ്ങൾ പിന്നീട് പറയാൻ സാധിച്ചെന്നു വരത്തില്ല.ആഗ്രഹിക്കാത്ത നേട്ടങ്ങൾ, സഹായങ്ങൾ ലഭിക്കുമ്പോൾ പലപ്പോഴും ഒന്നും പറയാൻ പറ്റത്തില്ല.നമ്മൾ ചെയ്യുന്ന ഓരോ പ്രവർത്തനവും വിജയം നേടുമോ ഇല്ലയോ എന്നത് ആർക്കും മുൻകൂട്ടി പറയാൻ പറ്റിയെന്ന് വരില്ല.

തെറ്റുകളോ, കുറവുകളോ ഇല്ലായെന്നുണ്ടെങ്കിൽ ചില കാര്യത്തിൽ ആർക്കും തന്നെ ഒന്നും പറയാൻ ഉണ്ടാവത്തില്ലല്ലോ.

അംഗീകരിക്കാൻ കഴിയാത്തവരോട്, അനുസരിക്കാൻ തയ്യാറാകാത്തവരോട്, സാഹചര്യങ്ങളുമായി പൊരുത്തപ്പെടാൻ കഴിയാത്തവരോട് പലർക്കും ഒന്നും പറയാൻ പറ്റിയെന്ന് വരില്ല.ജീവിതത്തിൽ ഉണ്ടാകുന്ന നഷ്ടങ്ങളെ നഷ്ടപ്പെട്ടു എന്നതിൽ കവിഞ്ഞു പലപ്പോഴും ഒന്നും പറയാൻ സാധിച്ചെന്നു വരില്ല.