ഉൾകൊള്ളാൻ ഉൾകാഴ്ചകൾ:The Art of innerspring insight-101

 ജീവിതത്തിൽ നമ്മൾ എല്ലാവർക്കും നല്ല അവസരങ്ങൾ ലഭിക്കാറുണ്ട്, അവയിൽ പലതും നമ്മളിൽ പലരും വേണ്ടത്ര പ്രയോജനപ്പെടുത്താറില്ല.നല്ല അവസരം എപ്പോഴും നമ്മൾക്ക് ലഭിച്ചെന്നു വരില്ല.നല്ല കാര്യങ്ങൾ ചെയ്യാൻ കിട്ടിയ നല്ല അവസരങ്ങൾ പാഴാക്കാതെ നോക്കേണ്ടത് നമ്മുടെ ഓരോരുത്തരുടെയും ഉത്തരവാദിത്തമാണ്.

ഇന്ന് നമ്മളിൽ പലരും ഒരുപക്ഷെ നിരാശയിൽ ആയിപോകുന്നത് ഇന്നലെകളിൽ നഷ്ടപ്പെടുത്തിയ അവസരങ്ങളെക്കുറിച്ച് ഓർത്തിട്ടായിരിക്കും.

എല്ലാവർക്കും എപ്പോഴും നല്ല അവസരം ഉണ്ടാവണമെന്ന് ഇല്ലല്ലോ.

നമ്മൾക്ക് പല സന്ദർഭത്തിലും ഒരു അവസരം കൂടി ലഭിക്കണം എന്നില്ല.

അവസരം നഷ്ടപ്പെട്ടതിന്റെ കുറ്റബോധത്തിൽ കഴിയുന്നതിനു പകരം പുതിയ നല്ല അവസരങ്ങളെ തേടികണ്ടുപിടിക്കുക.

 

ജീവിതം നമ്മൾക്ക് ഒത്തിരി അവസരങ്ങൾ നൽകുന്നു, അതെല്ലാം വേണ്ട വിധം പ്രയോജനപ്പെടുത്തേണ്ടത് നമ്മുടെ കടമയാണ്.ഇന്ന് നമ്മളെ കൊണ്ടു കഴിയാത്ത പലതും മറ്റു പലരിലൂടെയും സാധിക്കും ഒരുപക്ഷെ.

നമ്മൾക്ക് ചുറ്റിലും അവസരങ്ങൾ കുറവാണെന്നു പരാതിപെടാതെ പുതിയ അവസരങ്ങൾ ഓരോന്നായി സൃഷ്ടിച്ചെടുക്കണം.ഏതു മേഖലയിലും വികസനം ആവശ്യമാണ്.നമ്മളുടെ ഭാഗത്തു നിന്നുള്ള പരിശ്രമം ആവശ്യമാണ്.

നാളെകളിൽ നല്ല നല്ല അവസരങ്ങൾ നമ്മൾ ഓരോരുത്തർക്കും ഉണ്ടാകണം എങ്കിൽ ഇന്നേ അതിനുള്ള പരിശ്രമം നമ്മളുടെ ഭാഗത്തുനിന്നും ഉണ്ടാവേണ്ടതുണ്ട്.

ഓരോ അവസരവും നമ്മൾക്ക് ഉചിതമായതാണോ എന്ന് നോക്കിയിട്ട് മാത്രം മുന്നോട്ട് പോകുക.അവസരം നമ്മൾക്ക് ചേർന്നത് അല്ലെങ്കിൽ പിന്നീട് അതേക്കുറിച്ച് ഒരു പക്ഷെ വിഷമിക്കാൻ ഇടയായേക്കാം.എല്ലാവർക്കും നല്ല അവസരങ്ങൾ കണ്ടെത്തി ജീവിതത്തിൽ ഉയർച്ചകൾ നേടാൻ കഴിയട്ടെ.