ഉൾകൊള്ളാൻ ഉൾകാഴ്ചകൾ:The Art of innerspring insight-274

 ലോകത്തിൽ ഏറ്റവും മനോഹരമായത് സ്നേഹമാണ് അതുപോലെ ഏറ്റവും വേദനിപ്പിക്കുന്നത് സ്നേഹരാഹിത്യവുമാണ്.

നമ്മൾ മറ്റുള്ളവരെ സ്നേഹിക്കുന്നത് ഒരുപക്ഷെ മറ്റുള്ളവർ എളുപ്പം തിരിച്ചറിയണം എന്നില്ല.ലോകം നിലനിൽക്കുന്നത് തന്നെ ലോകത്തിലുള്ള മനുഷ്യർക്കിടയിൽ സ്നേഹം നിലനിൽക്കുന്നതുകൊണ്ടാണ്.

സ്നേഹം നഷ്ടമായ അവസ്ഥകളെ നമ്മളിൽ പലരും വളരെയേറെ പ്രയാസത്തോടെയായിരിക്കാം ഒരുപക്ഷെ അതിജീവിച്ചിട്ടുണ്ടാവുക.

നമ്മൾ മറ്റുള്ളവരെ എത്ര ആത്മാർത്ഥമായി സ്നേഹിച്ചാലും അവരിൽ നിന്നും സ്നേഹം തിരികെ കിട്ടണം എന്ന് യാതൊരു നിർബന്ധവും ഇല്ലല്ലോ.ഓരോ വ്യക്തികളുടെയും ഇഷ്ടമാണ് അവരുടെ ജീവിതത്തിൽ ആരെ സ്നേഹിക്കണം എന്നത്.

സ്നേഹം കൊണ്ടു ലോകം കിഴടക്കിയ എത്രയോ മഹത് വ്യക്തികൾ ഈ ലോകത്തിൽ ജീവിച്ചു മൺമറഞ്ഞുപോയി.അവരുടെ സ്നേഹം മറ്റുള്ളവർക്ക് മാതൃകയായി എന്നും ഈ ലോകത്തിൽ തങ്ങി നിൽക്കും.

സ്നേഹം പലപ്പോഴും നമ്മളെ സുഖപ്പെടുത്തുന്ന ഔഷധത്തിന് തുല്യമാണ്.നമ്മളിൽ നിന്ന് സ്നേഹം അകന്നു പകരം  വെറുപ്പ് എന്ന് കടന്നു വരുന്നുവോ അന്നുതൊട്ട് നമ്മളുടെ ജീവിതത്തിൽ ദുഃഖം കൂടി കടന്നുവരാൻ ഒരുപക്ഷെ കാരണമായേക്കാം.

സ്വാർത്ഥത ഉപേക്ഷിച്ചുകൊണ്ടു പരസ്പരം സ്നേഹിക്കാൻ കഴിയണം.

നമ്മൾ ആഗ്രഹിക്കുന്നതുപോലെ നമ്മളെ സ്നേഹിക്കാൻ ഈ ലോകത്തിൽ നമ്മളെക്കാൾ പകരമായി മറ്റൊരാളെ കണ്ടെത്താൻ സാധിച്ചെന്നു വരില്ല.

നമ്മളുടെ ജീവിതത്തിൽ എത്ര ദുരിതങ്ങളും, ദുഃഖങ്ങളും, വേദനകളും ഉണ്ടായാൽ പോലും നമ്മുടെ ജീവിതത്തിൽ നിന്നും സ്നേഹത്തെ ഒരിക്കലും കൈവെടിയരുത്.

മറ്റുള്ളവരോടുള്ള സ്നേഹം പല കാരണങ്ങൾകൊണ്ടു നമ്മളിൽ നിന്നും ഒരുപക്ഷെ അകലാം.കാരണങ്ങൾ കണ്ടെത്തി ശരിയായ വിധത്തിൽ പരിഹരിക്കേണ്ടതുണ്ട്.

മറ്റുള്ളവരെ സ്നേഹിക്കാൻ, അവരെ കേൾക്കാൻ, പരിഗണിക്കാൻ നമ്മൾക്ക് എല്ലായ്പോഴും ആകുന്നുണ്ടോ?.തെറ്റ് ആരുടെ ഭാഗത്തു നിന്നായാലും ക്ഷമ ചോദിക്കുക, നഷ്ടമായ സ്നേഹം വീണ്ടും സ്ഥാപിക്കുക.

വേണ്ടപ്പെട്ടവരെ സ്നേഹിക്കാതെ മറ്റുള്ളവരുടെ സ്നേഹത്തിനുവേണ്ടി അലയുന്നത് എല്ലാവർക്കും ഒരുപോലെ ഉൾകൊള്ളാൻ കഴിയില്ല.സ്നേഹത്തിന്റെ കാര്യത്തിൽ പലരും നമ്മളോട് വേർതിരിവുകൾ കാണിച്ചെന്നിരിക്കാം.ഏതൊരു അവസ്ഥയിൽ ആയാൽപോലും നമ്മളെ തന്നെ സ്നേഹിക്കാൻ പഠിക്കുക.

 

നമ്മുടെ ചുറ്റിലുമുള്ളവരെ മനസ്സറിഞ്ഞു സ്നേഹിക്കാൻ, നമ്മൾ, നമ്മളെതന്നെ സ്നേഹിക്കാൻ പഠിക്കുക വളരെ ആവശ്യമാണ്.സ്നേഹത്തിന്റെ വില എന്നെങ്കിലും ഒരിക്കൽ തിരിച്ചറിയുന്ന നിമിഷം നമ്മുടെയൊക്കെ ജീവിതത്തിൽ ഒരുപക്ഷെ ഉണ്ടായേക്കാം.

ലോകം നിലനിൽക്കുന്നത് ലോകത്തു ജീവിക്കുന്ന ഭൂരിഭാഗം മനുഷ്യരിൽ അൽപ്പം എങ്കിലും സ്നേഹം ഉള്ളതുകൊണ്ടാണ്.തിരക്കേറിയ ജീവിതത്തിൽ സ്നേഹിക്കാൻ, പരിഗണിക്കാൻ നമ്മൾ ഓരോരുത്തരും സമയം കണ്ടെത്തേണ്ടതുണ്ട്.

എല്ലാവർക്കും ഒരുപോലെ മറ്റുള്ളവരോട് എല്ലായ്പോഴും സ്നേഹപ്രകടനം നടത്താൻ കഴിഞ്ഞെന്നു വരില്ല.പരസ്പരം ആത്മാർത്ഥമായി സ്നേഹിച്ചതിന്റെ പേരിൽ നഷ്ടങ്ങൾ ഒരുപാട് അനുഭവിക്കേണ്ടി വന്നവർ എത്രയോ വ്യക്തികളാണ് നമ്മുടെ ചുറ്റിലുമുണ്ടായിട്ടുള്ളത്.

സ്നേഹം ഉള്ളിടത്തെ വിജയം ഉണ്ടാവുകയുള്ളൂ. പഠനത്തെ സ്നേഹിക്കാൻ പഠിച്ചാലാണ് പഠനം എളുപ്പമാകുള്ളൂ.അമിതമായ സ്നേഹം ഒരുപക്ഷെ ഗുണത്തെക്കാൾ ഏറെ ദോഷം ചെയ്തെന്നു വരാം.ഒരാളുടെ ജീവിതത്തിൽ ആ വ്യക്തിക്ക് മുന്നോട്ട് പോകുവാൻ സ്നേഹം വളരെയേറെ ആവശ്യമാണ്.

സ്നേഹം നഷ്ടപ്പെട്ട അവസ്ഥ പലർക്കും വളരെയേറെ അസ്വസ്ഥത സൃഷ്ടിക്കുന്ന കാര്യമാണ്.സ്നേഹത്തിനുവേണ്ടി ആരോടും യാചിക്കേണ്ട കാര്യമില്ലല്ലോ.സ്നേഹം മനസ്സറിഞ്ഞു നൽകേണ്ടതാണ്.

ലോകത്തിൽ സ്നേഹം എന്നു ഇല്ലാതെയാകുന്നുവോ അന്നുതൊട്ട് ദുഃഖദുരിതം ഒരുപക്ഷെ നമ്മളെ ബാധിച്ചേക്കാം.നമ്മളുടെ ഉള്ളിൽ എല്ലാവരോടും വെറുപ്പും വിദ്വേഷവും ഇല്ലാതെ സ്നേഹിക്കാനുള്ള മനസ്സ് സൃഷ്ടിക്കാൻ ശ്രമിക്കാം.സ്നേഹം നൽകുന്ന സന്തോഷം പറഞ്ഞറിയിക്കാൻ സാധിക്കില്ല.നമ്മളെ സ്നേഹിക്കുന്നവരും, വെറുക്കുന്നവരും ഒരുപക്ഷെ നമ്മുടെ ചുറ്റിലുമുണ്ടായേക്കാം.

നമ്മൾ എല്ലാവർക്കും മറ്റുള്ളവരോട് സ്നേഹത്തോടുകൂടി പെരുമാറാൻ, അവരെയെല്ലാവരെയും മനസ്സറിഞ്ഞു സ്നേഹിക്കാൻ സാധിക്കട്ടെ.

274.Motivation discussion 2024

 274.മറ്റുള്ളവർക്കുവേണ്ടി എന്തെങ്കിലും നല്ല കാര്യങ്ങൾ ചെയ്യാൻ സാധിച്ചിട്ടുണ്ടോ?.

സ്നേഹസ്പർശനമായി കൺമുൻപിൽ:A spark of love to open your eyes-274

 274.മറ്റുള്ളവർ എന്ത് വിചാരിക്കും.

നമ്മളിൽ പലരും പല കാര്യത്തിലും മുന്നോട്ട് വരുന്നതിനു പലപ്പോഴും മടി വിചാരിക്കുന്നത് മറ്റുള്ളവർ എന്തുവിചാരിക്കും എന്നോർത്തിട്ടാണ്.

നമ്മൾക്ക് കിട്ടിയ നല്ല അവസരങ്ങൾ മറ്റുള്ളവർ എന്തുവിചാരിക്കുമെന്നോർത്തു നഷ്ടപ്പെടുത്തി യിട്ടുണ്ടാകും നമ്മളിൽ പലരും.ഒരുപാട് ഉയരങ്ങളിൽ നമ്മൾക്ക് എത്തിപ്പെടാൻ ആഗ്രഹിക്കുന്നുവെങ്കിൽ മറ്റുള്ളവർ എന്തുവിചാരിക്കും എന്നുള്ള ചിന്ത ആദ്യം തന്നെ മാറ്റിവെക്കണം.

നമ്മൾ ചെയ്യുന്ന ഓരോ കാര്യവും നമ്മൾക്ക് എന്തെങ്കിലും ഗുണപ്രദമായ കാര്യം ഉളവാക്കുന്നതാണോ, മറ്റുള്ളവർക്ക് ദോഷം വരുത്തിവെക്കുന്നതാണോ എന്നെല്ലാം ചിന്തിച്ചു മാത്രം ഉചിതമായ തീരുമാനം എടുക്കുക.മറ്റുള്ളവർ എന്തുവിചാരിക്കും എന്നോർത്തു ആകുലപ്പെടാതെ നമ്മളുടെ കഴിവിന്റെ പരമാവധി പുറത്തെടുത്തുകൊണ്ട് നമ്മളെകൊണ്ട് കഴിയാവുന്ന കാര്യങ്ങൾ ചെയ്യാൻ എല്ലാവർക്കും സാധിക്കട്ടെ.

ഉൾകൊള്ളാൻ ഉൾകാഴ്ചകൾ:The Art of innerspring insight-273

 എന്താണ് മനസ്സ് കൊണ്ട് അംഗീകരിക്കേണ്ടത്.

നമ്മുടെ മനസ്സിൽ അംഗീകരിക്കാൻ കഴിയാത്ത ഒത്തിരി കാര്യങ്ങളുണ്ട്.ഓരോ തലമുറ വളർന്നു വരുന്നത് അനുസരിച്ചു കാഴ്ചപ്പാട്, ചിന്താരീതികൾ മാറിവരുന്നത് നമ്മൾ മനസ്സ് കൊണ്ട് അംഗീകരിച്ചേ മതിയാകു.

ഏതൊരു കാര്യത്തിനും പോസിറ്റീവ് ഉള്ളത് പോലെ നെഗറ്റീവ് ഉണ്ടാകും.

എല്ലാവർക്കും ചുറ്റിലും നടക്കുന്ന നന്മയും തിന്മയും തിരിച്ചറിഞ്ഞു മനസ്സ് കൊണ്ട് അംഗീകരിക്കാൻ കഴിയട്ടെ.

മനസ്സ് കൊണ്ട് അംഗീകരിക്കുവാൻ നമ്മൾ ഒത്തിരി കാര്യങ്ങൾ ചെയ്യേണ്ടതുണ്ട്.

നമ്മൾ ചെയ്യുന്നത് നന്മ ആയിട്ടുള്ളത് എങ്കിൽ അൽപ്പം വൈകി ആണെങ്കിൽ പോലും മറ്റുള്ളവർ മനസ്സ് കൊണ്ട് അംഗീകരിച്ചോളും....

ജീവിതം സന്തോഷവും സമാധാനവും നിറഞ്ഞതാക്കാൻ ഓരോ നിമിഷവും പരിശ്രമിക്കുക.

273.Motivation discussion 2024

 273.ജീവിതത്തിനു അർത്ഥം കണ്ടെത്താൻ കഴിഞ്ഞിട്ടുണ്ടോ?.

സ്നേഹസ്പർശനമായി കൺമുൻപിൽ:A spark of love to open your eyes-273

 273.മറക്കല്ലേ.

മനുഷ്യർക്ക് മറവി ഉണ്ടാവുക സ്വഭാവികമാണ്.

ചിലർക്കൊക്കെ വർഷങ്ങൾക്ക് മുൻപ് നടന്നതെല്ലാം നല്ല ഓർമ്മ കാണും, തൊട്ട് മുൻപ് നടന്നത് ഒട്ടും ഓർമ്മ കാണത്തില്ല. മറ്റു ചിലർക്ക് തൊട്ട് മുൻപ് നടന്നത് നല്ലത് പോലെ ഓർമ്മ കാണും എന്നാൽ കുറെ നാളുകൾക്കു മുൻപ് നടന്നത് ഒട്ടും ഓർമ്മ കാണത്തില്ല.

നമ്മളുടെ മനസ്സിനെ വേദനിപ്പിച്ച കാര്യങ്ങൾ നമ്മൾ എപ്പോഴും ഓർത്തുകൊണ്ടിരിക്കും, മറക്കാനാ വാത്ത ഓർമ്മകളാണ് അവയെല്ലാം നമ്മൾക്ക് ഒരുപക്ഷെ സമ്മാനിച്ചിട്ടുണ്ടാകുക.നമ്മൾക്ക് ആവശ്യമായിട്ടുള്ള നല്ല കാര്യങ്ങൾ ജീവിതത്തിൽ ഒരിക്കലും മറക്കാതിരിക്കാൻ നമ്മൾ ഓരോരുത്തർക്കും കഴിയാവുന്നിടത്തോളം കാലം കഴിയട്ടെ.

ഉൾകൊള്ളാൻ ഉൾകാഴ്ചകൾ:The Art of innerspring insight-272

 നമ്മളുടെ വാക്കുകൾ മറ്റുള്ളവരിൽ സന്തോഷം നിറയ്ക്കുന്നത് ആകണം.

മറ്റുള്ളവരെ വിഷമിപ്പിക്കാതെ നമ്മൾക്ക് സംസാരിക്കാൻ കഴിയണം.

മറ്റുള്ളവരോട് സ്നേഹത്തിന്റെ ഭാഷയിൽ സംസാരിക്കാൻ പഠിക്കണം.

എല്ലാവർക്കും മധുരമുള്ള വാക്കുകൾ പരസ്പരം പറയുവാൻ കഴിയട്ടെ.

നമ്മൾ ഓരോ കാര്യവും അനുഭവത്തിന്റെ വെളിച്ചത്തിലാണ് പഠിക്കുക.

ഓരോ മനുഷ്യർക്കും തിരിച്ചറിവുകൾ ഉണ്ടാകാൻ സമയം എടുക്കും.നമ്മൾ എന്ത് തീരുമാനം എടുത്താലും മറ്റുള്ളവരെ മുറിപ്പെടുത്താതെ സംസാരിക്കാൻ ശ്രമിക്കുക.നമ്മുടെ വാക്കിലും പ്രവർത്തിയിലും സ്നേഹം നിറയട്ടെ.

272.Motivation discussion 2024

 272.നിലനിൽക്കുന്ന സന്തോഷം കണ്ടെത്താൻ കഴിഞ്ഞിട്ടുണ്ടോ?.

സ്നേഹസ്പർശനമായി കൺമുൻപിൽ:A spark of love to open your eyes-272

272.മര്യാദ.

നമ്മൾ, നമ്മളുടെ ചുറ്റിലുമുള്ള ആളുകളിൽ നിന്നും മര്യാദ ആഗ്രഹിക്കാറുണ്ട്.എല്ലാവർക്കും മര്യാദ ജീവിതത്തിൽ ആവശ്യം വേണ്ട ഒരു കാര്യമാണ്.പലപ്പോഴും നമ്മൾ സ്ഥിരം കേൾക്കുന്ന ഒരു കാര്യമാണ് സാമാന്യ മര്യാദ എങ്കിലും കാണിക്കാൻ പാടില്ലേ എന്ന്.

നമ്മുടെ ഭാഗത്തു നിന്നും മര്യാദപൂർവം അല്ലാത്ത പെരുമാറ്റം ഉണ്ടെങ്കിൽ ഒരുപക്ഷെ നമ്മുടെ ചുറ്റി ലും ഉള്ളവർക്ക് നമ്മളെ ഇഷ്ടത്തോടെ സ്വീകരി ക്കാൻ കഴിഞ്ഞെന്ന് വരില്ല.

ഒരാളെ നമ്മൾക്ക് വിലയിരുത്താൻ ഒരു പരിധി വരെ കഴിയുന്നത് അയാൾ നമ്മളോട് മര്യാദ കാണിക്കുന്നുണ്ടോ എന്നത് അനുസരിച്ചാണ്. മനസ്സിൽ എത്രയോക്കെ വിഷമങ്ങൾ ഉണ്ടെങ്കിലും മറ്റുള്ളവരോട് മര്യാദക്ക് പെരുമാറാൻ നമ്മൾ ഓരോരുത്തരും ശ്രമിക്കേണ്ടതുണ്ട്. എല്ലാവർക്കും എല്ലാവരോടും മര്യാദ പാലിക്കാൻ സാധിക്കട്ടെ.

ഉൾകൊള്ളാൻ ഉൾകാഴ്ചകൾ:The Art of innerspring insight-271

മണ്ടത്തരങ്ങൾ പറ്റാത്തവർ നമ്മൾക്കിടയിൽ ഒരുപക്ഷെ വളരെ കുറവായിരിക്കും.മണ്ടത്തരം ആർക്കും ഒരിക്കൽ സംഭവിച്ചേക്കാം, കൂടെ കൂടെ സംഭവിക്കാൻ പാടില്ലല്ലോ.

നമ്മൾ ആർക്കും ഇനിയൊരിക്കലും മണ്ടത്തരം സംഭവിക്കാതിരിക്കട്ടെ. ഒരിക്കൽ മണ്ടത്തരം സംഭവിച്ചാൽ ഒരുപക്ഷെ എത്ര ശ്രമിച്ചാലും തിരുത്താൻ സാധിച്ചെന്നു വരില്ല.ഒരുപക്ഷെ ഒരാൾ ചെയ്യുന്ന മണ്ടത്തരത്തിനു അനുഭവിക്കേണ്ടി വരുന്നത് ചുറ്റിലുമുള്ള ഒരു പാട് ആളുകൾ ആയിരിക്കും.

മണ്ടത്തരം നമ്മൾ ഓരോരുത്തർക്കും ഭാവിയിൽ സംഭവിക്കാതിരിക്കാൻ നമ്മൾ ഇന്നിപ്പോൾ ചെയ്യുന്ന ഓരോ കാര്യത്തിലും വളരെ അധികം ശ്രദ്ധ കൊടുക്കാൻ കഴിയട്ടെ.

271.Motivation discussion 2024

 271.സംശയം നിങ്ങൾക്ക് മാറ്റിയെടുക്കാൻ സാധിച്ചിട്ടുണ്ടോ?.

സ്നേഹസ്പർശനമായി കൺമുൻപിൽ:A spark of love to open your eyes-271

 271.മനോഹരമായി ഉപയോഗിക്കുക.

നമ്മൾ ഉപയോഗിക്കുന്ന ഓരോ വസ്തുവും എത്രത്തോളം മനോഹരമായി ഉപയോഗിക്കാൻ കഴിയുമോ അത്രയും നാൾ ആ വസ്തുവിന്റെ ആയുസ്സ് കൂടും.നമ്മൾ ഉപയോഗിക്കുന്ന ഓരോ വസ്തുവും മനോഹരമായി ഉപയോഗിക്കേണ്ടത് വളരെ അധികം ആവശ്യമാണ്.

ഏതൊരു വസ്തുവും മനോഹരമായി ഉപയോഗിക്കുവാൻ അതിന്റെ നിർമ്മാതാക്കൾ ചില നിർദേശങ്ങൾ മുന്നോട്ട് വെക്കാറുണ്ട്.അത് ശരിയായി പാലിച്ചെങ്കിൽ മാത്രമേ നല്ലത് പോലെ ആ വസ്തു ഉപയോഗിക്കാൻ കഴിയുകയുള്ളൂ.

എല്ലാവർക്കും അവരവരുടെ കൈവശം ഉള്ള വസ്തുക്കൾ/കഴിവുകൾ മനോഹരമായി ഉപയോഗിക്കാൻ കഴിയട്ടെ.

ഉൾകൊള്ളാൻ ഉൾകാഴ്ചകൾ:The Art of innerspring insight-270

മടി വരാൻ കാരണം എന്താണ്?.മടി ഇല്ലാതെ ആകണം എങ്കിൽ നേട്ടം എന്തൊക്കെയാണ് എന്നറിയണം ,അതറിയാൻ ശ്രമിച്ചാൽ മടി ഇല്ലാതെ ആകും.ചിലർക്ക് ഭയം കാണും മടിക്കു പിന്നിൽ, അങ്ങനെയുള്ളവർക്ക് ഭയം മാറ്റാതെ മടി മാറ്റാൻ പറ്റത്തില്ല.കഠിനമായി ശ്രമിച്ചാൽ മടി നമ്മിൽ നിന്ന് തന്നെ പൊക്കോളും.നിരാശ ഉണ്ടെങ്കിൽ മടി ഉണ്ടാകും . കഴിവ് ഉണ്ട് , മടി കാരണം കഴിവുകളെ പ്രകടിപ്പിക്കാൻ സാധിക്കുന്നില്ല ,അത് മൂലം കിട്ടേണ്ട അവസരങ്ങൾ നഷ്ടപ്പെടുന്നു തൻമൂലം ജീവിതത്തിൽ സന്തോഷം ,സംതൃപ്തി ,സമാധാനം എന്നിവ ഇല്ലാതെ ആകുന്നു.എന്ത് കാര്യവും ചെയ്യുന്നതിന് മുൻപ് നമുക്ക് ഉണ്ടാവേണ്ടത് ചെയ്യുന്ന കാര്യങ്ങൾ ഇഷ്ടത്തോടെ ചെയ്യുവാൻ ശ്രമിക്കുക ,ചെയ്തു കഴിയുമ്പോൾ സന്തോഷം കിട്ടുമെന്ന് പ്രതീഷിക്കുക,ചെയ്യുന്ന കാര്യങ്ങളിൽ ചിട്ട വരുത്തുക താമസിയാതെ ഒരു നല്ല ശീലമാക്കി എടുക്കുക.

270.Motivation discussion 2024

270.പഠനം നിങ്ങളുടെ ജീവിതത്തിൽ വലിയ മാറ്റങ്ങൾക്ക് കാരണമായിട്ടുണ്ടോ?.

സ്നേഹസ്പർശനമായി കൺമുൻപിൽ:A spark of love to open your eyes-270

 270.മനുഷ്യബന്ധങ്ങൾ.

മനുഷ്യർ തമ്മിലുള്ള ബന്ധങ്ങൾക്ക് കെട്ടുറപ്പ് ഉണ്ടാവുന്നത് മനുഷ്യർ തമ്മിൽ ഉള്ള വിശ്വാസം, സ്നേഹം, സത്യം, ആന്മാർത്ഥത, അനുസരണം, പ്രശ്നപരിഹാരം നടപ്പിൽ വരുത്തുക, പരസ്പരം പ്രയോജനപ്പെടുന്ന കാര്യങ്ങൾ ചെയ്യുക, പരസ്പരം താങ്ങും തണലും ആകുക, സ്വന്തം കടമകൾ നിർവഹിക്കുക തുടങ്ങിയ കാര്യങ്ങൾ എല്ലാം നിലനിൽക്കുമ്പോഴാണ്.

സ്നേഹം നിലനിൽക്കണം എങ്കിൽ അവിടെ ത്യാഗവും,ക്ഷമയും,സഹനവും വിട്ടുവിഴ്ചയും, വിശ്വാസവും എല്ലാം ഒരുപക്ഷെ വേണ്ടി വരും. ഇന്ന് നമ്മളിൽ പലരും മറ്റുള്ളവരെ ഒരുപക്ഷെ

സ്നേഹിക്കുന്നത് എന്തെങ്കിലും മാനദണ്ഡങ്ങളുടെ അടിസ്ഥാനത്തിലാണ്.ആ വ്യക്തിയുടെ സൗന്ദര്യം, സാമ്പത്തിക സ്ഥിതി, ആരോഗ്യം, പെരുമാറ്റം, കഴിവുകൾ, ചുറ്റുപാടുകൾ ആകാം അങ്ങനെ ഒരുപാട് കാര്യങ്ങളെ ആശ്രയിച്ചിട്ടാണ്. ഓരോ മനുഷ്യർക്കും എന്തെങ്കിലും കാര്യത്തിൽ കുറവുകൾ ഉണ്ടാകാം. ഈ ലോകത്ത് ഏതെങ്കിലും വ്യക്തിയെ പരിധികൾ, നിബന്ധനകൾ ഇല്ലാതെ സ്നേഹിക്കാൻ സാധിച്ചാൽ അവർ എത്ര ഭാഗ്യം ചെയ്തവരാണ്.

തിരിച്ചൊന്നും പ്രതീക്ഷിക്കാതെ മനുഷ്യരെ അവരുടെ വേദനകളിൽ നിന്നും അൽപ്പം എങ്കിലും ആശ്വാസം പകർന്നു നൽകുന്ന എത്രയോ വ്യക്തികൾ നമ്മുടെ സമൂഹത്തിലുണ്ട്.

നമ്മുടെ ഓരോരുത്തരുടെയും ജീവിതത്തിൽ സ്നേഹത്തിനു ഒരുപാട് പ്രസക്തി ഉണ്ട്. ആന്മാർഥമായി ആരെങ്കിലും സ്നേഹിക്കാൻ ഉണ്ടായിരുന്നു എങ്കിൽ എന്ന് ആഗ്രഹിക്കാത്ത മനുഷ്യർ ഉണ്ടാവില്ല നമ്മളുടെ ചുറ്റിലും.

മനുഷ്യരെ നിസ്വാർത്ഥമായി സ്നേഹിക്കാൻ സാധിക്കണം. മനുഷ്യർ തമ്മിലുള്ള ബന്ധങ്ങളെ അടുപ്പിക്കുന്നത് സ്നേഹം കൊണ്ടാണ്. മനുഷ്യബന്ധങ്ങളിലെ സ്നേഹത്തിന്റെ കുറവു കൾ പരിഹരിച്ചു മുന്നോട്ട് പോകുവാൻ എല്ലാവർക്കും സാധിക്കട്ടെ.

ഉൾകൊള്ളാൻ ഉൾകാഴ്ചകൾ:The Art of innerspring insight-269

ജീവിതത്തിൽ നമ്മൾ എന്തെല്ലാം രുചികളാണ് ഇന്നേ വരെ അനുഭവിച്ചറിഞ്ഞിട്ടുള്ളത്.

ഭക്ഷണം കഴിക്കുമ്പോൾ നമ്മൾ പലരും ആഗ്രഹിക്കുക അതിൽ നിന്നും ലഭിക്കുന്ന നല്ല രുചിയാണ്.

നമ്മുടെ മനസ്സിൽ ഇപ്പോഴും നല്ല രുചി ഓർമ്മകൾ സമ്മാനിച്ചിട്ടുള്ള ഭക്ഷണം ഏതെങ്കിലും ഉണ്ടാവുമല്ലോ.

ഭക്ഷണം ഏതൊരു മനുഷ്യനും ജീവൻ നിലനിർത്താൻ ആവശ്യമാണ്.

ഇന്ന് ലോകത്തിൽ ഒരു നേരം നല്ല ഭക്ഷണം കഴിക്കാൻ ലഭിക്കാതെ പോകുന്ന ഒരുപാട് മനുഷ്യരുണ്ട്.

വിശപ്പ് ഉള്ളവർ രുചി അല്ല നോക്കുക വിശപ്പ് മാറ്റാനാണ്.

മായം കലരാത്ത ഭക്ഷണം കഴിക്കാൻ നമ്മൾ ശ്രമിക്കുക.

കഴിവതും ഭക്ഷണം പാഴാക്കാതെ നോക്കുക.

പട്ടിണി കിടന്നിട്ടുള്ളവർക്ക് അറിയാൻ സാധിക്കും ഭക്ഷണത്തിന്റെ യഥാർത്ഥ വില എന്താണെന്ന്.

മനുഷ്യന് അടിസ്ഥാനമായി വേണ്ട കാര്യങ്ങളാണ് വായു, വെള്ളം, ഭക്ഷണം. ഇതെല്ലാം മലിനമാകാതെ കാത്തുസുക്ഷിക്കേണ്ടത് നമ്മുടെ ഓരോരുത്തരുടെയും കടമയാണ്.

പ്രകൃതി ഉണ്ടെങ്കിൽ മാത്രമേ ഭക്ഷണം ലഭിക്കുകയുള്ളു.

സ്വന്തം ആയി കൃഷി ചെയ്തു വിളവെടുത്തു അത് ഭക്ഷിക്കുമ്പോൾ കിട്ടുന്ന സുഖം വേറെയൊന്നു തന്നെയാണ്.ഇന്നിപ്പോൾ സ്ഥലം ഇല്ലാത്തവർക്ക് പോലും കൃഷി ചെയ്യാൻ പറ്റുന്ന രീതികൾ വന്നിട്ടുണ്ട്.ഒറ്റ പാത്രത്തിൽ പല തരം വിളകൾ കൃഷി ചെയ്യുന്നവരുണ്ട്......

എല്ലാവർക്കും ഭക്ഷണം രുചിയോടെ പാഴാക്കാതെ കഴിക്കാൻ സാധിക്കട്ടെ.

ഭക്ഷണത്തെ സ്നേഹിക്കാൻ പഠിക്കാം.മറ്റൊരാൾക്ക്‌ ഭക്ഷണം സ്നേഹത്തോടെ പങ്കുവെക്കാം.