259.ഭാവിയിൽ ഇനി എന്തൊക്കെ കാണേണ്ടി വരുമോ എന്തോ.
നമ്മളിൽ പലരും ഒരാളുടെ പെരുമാറ്റം കാണുമ്പോൾ, അല്ലെങ്കിൽ ഒരാളുടെ ഭൗതിക വളർച്ച കാണുമ്പോൾ, അല്ലെങ്കിൽ ചുറ്റിലും നടക്കുന്ന വിശ്വസിക്കാൻ പറ്റാത്ത സംഭവവികാസങ്ങൾ ഉണ്ടാകുമ്പോൾ പൊതുവെ പറയാറുണ്ട് ഭാവിയിൽ ഇനി എന്തൊക്കെ കാണേണ്ടി വരുമോ എന്തോ എന്ന്. ഓരോരുത്തരും അവരവർക്ക് ഇഷ്ടം ഉള്ള മേഖലയിൽ അതിയായ താല്പര്യത്തോടെ പ്രവർത്തിച്ചുകൊണ്ടിരിക്കുക,നാളെ നമ്മൾ ആഗ്രഹിക്കുന്നതുപോലെ ആയിത്തിരാൻ ഒരുപക്ഷെ സാധിച്ചേക്കും.
ഒരു പരിധി വരെ വൈകല്യങ്ങളെ നമ്മുടെ മനോധൈര്യം കൊണ്ട് നേരിടാൻ കഴിയും.
ശാരീരികവൈകല്യം ഉള്ള നിരവധി ആളുകൾ ഇന്ന് ഒരു പാട് മേഖലകളിൽ അവരുടെതായ നേട്ടങ്ങൾ സ്വന്തം ആക്കിയിട്ടുള്ളത് അവരുടെയുള്ളിൽ മനോധൈര്യം ഉള്ളതുകൊണ്ടാണ്. ഈ ലോകത്തിലേക്ക് നമ്മൾ ജനിച്ചു വീണത് മുതൽ ഇന്ന് വരെ നമ്മുടെ ജീവിതം പരിശോധിച്ചു നോക്കിയാൽ ഒരുപാട് കുറവുകൾ നമ്മളിൽ എല്ലാവരിലും കാണാൻ കഴിഞ്ഞെന്ന് വരും.കുറവുകൾ പരിഹരിക്കാൻ നമ്മൾക്ക് നിരന്തരം പരിശ്രമിക്കാം. നമ്മൾ നമ്മളായി തന്നെ ജീവിക്കാൻ ശ്രമിക്കുക. കുറവുകളെയും പോരായ്മകളെയും അതി ജീവിക്കുക. നമ്മുടെ അതിയായ താല്പര്യം കണ്ടെത്തി നേട്ടങ്ങൾക്കായി കഷ്ടപ്പെടാൻ തയ്യാറാകുക.
ജീവിതത്തിൽ ഉണ്ടാകുന്ന തെറ്റുകളെ തിരുത്തി മുന്നോട്ട് പോകുക.നമ്മൾക്ക് എന്തെങ്കിലും നേട്ടങ്ങൾ കൈവരിക്കാൻ ആഗ്രഹം ഉണ്ടെങ്കിൽ സ്ഥിരോൽസാഹം ഉണ്ടായേ പറ്റുള്ളൂ.നമ്മൾ, നമ്മുടെ അതിയായ താല്പര്യത്തിനു പിന്നാലെ പോകുമ്പോൾ ഒരു പക്ഷെ പല തരത്തിലുള്ള ബുദ്ധിമുട്ടുകളെ നേരിടേണ്ടി വന്നേക്കാം.ഏതു പ്രതിസന്ധി ഘട്ടത്തിലും നമ്മുടെ ഉള്ളിലെ അതിയായ താല്പര്യത്തെ പുറത്തു കൊണ്ടു വരാൻ ശ്രമിച്ചുകൊണ്ടിരിക്കുക.നമ്മൾ ഓരോ രുത്തർക്കും ഭാവിയിൽ ഒരുപാട് ഉയരങ്ങളിൽ എത്താൻ സാധിക്കട്ടെ, അതിനായി ഇപ്പോൾ മുതൽ നല്ല കഴിവുകളെ വളർത്തികൊണ്ടുവരാൻ പരിശ്രമിക്കാൻ സാധിക്കട്ടെ.