സ്നേഹസ്പർശനമായി കൺമുൻപിൽ:A spark of love to open your eyes-219

219.പ്രഥമ പരിഗണന കൊടുക്കുക.

നമ്മളുടെ ജീവിതത്തിൽ എന്തിനാണ് പ്രഥമ പരിഗണന എന്നത് അനുസരിച്ചിരിക്കും മുന്നോട്ടുള്ള ഓരോ കാര്യങ്ങളുടെയും നിലനിൽപ്പ്.പഠിക്കേണ്ട പ്രായത്തിൽ പഠനത്തിന് പ്രാധാന്യം കൊടുക്കാതിരുന്നാൽ അതിന്റെതായ വിഷമങ്ങൾ പിന്നീട് എപ്പോഴെങ്കിലും ഉണ്ടായേക്കാം. നമ്മുടെയൊക്കെ നല്ലൊരു ഭാവിയെ ലക്ഷ്യമാക്കി മുന്നോട്ട് സഞ്ചരിക്കാനും ശരിയായ വിധത്തിൽ തീരുമാനങ്ങൾ എടുക്കുവാനും നമ്മൾക്ക് എല്ലാവർക്കും കഴിയണം.നമ്മളുടെ നല്ല ലക്ഷ്യങ്ങൾക്കുവേണ്ടിയാകണം നമ്മളുടെ മുന്നോ ട്ടുള്ള യാത്ര.യാതൊരു ലക്ഷ്യവും ഇല്ലാതെ മുന്നോട്ട് സഞ്ചരിച്ചാൽ നമ്മൾ എവിടെയും എത്തുകയില്ലല്ലോ.

ചിന്തിക്കുക, തിരിച്ചറിയുക, ഇന്ന് ഈ നിമിഷം നമ്മൾ ചെയ്യുന്ന ഓരോ കാര്യവും നമ്മൾക്ക് ഇനിയുള്ള കാലം ആവശ്യമായിട്ടുള്ളതാണോയെന്ന്.

നമ്മൾക്ക് നേടാനുള്ള കാര്യങ്ങളിൽ പ്രഥമ പരിഗണന കൊടുക്കാതെ ഒന്നും നമ്മൾക്കു നേടാൻ സാധിച്ചെന്നു വരില്ലല്ലോ.നമ്മൾ എപ്പോഴും പ്രഥമ പരിഗണന കൊടുക്കേണ്ടത് നമ്മളുടെ അത്യാവശ്യങ്ങൾക്കാണ്.

എല്ലാവർക്കും ആഗ്രഹിച്ചിട്ടുള്ള നല്ലതായിട്ടുള്ള ജീവിതലക്ഷ്യം നിറവേറ്റാൻ ആവശ്യമായ കാര്യങ്ങൾക്ക് പ്രഥമ പരിഗണന നൽകാൻ സാധിക്കട്ടെ.