സ്നേഹസ്പർശനമായി കൺമുൻപിൽ:A spark of love to open your eyes-213

 213.പതറാതെ നോക്കുക.

നമ്മൾ എടുക്കുന്ന ഓരോ തീരുമാനവും പതറാതെ നോക്കേണ്ടത് വളരെ അധികം പ്രാധാന്യം ഉള്ള കാര്യമാണ്.നമ്മൾ എടുത്ത തീരുമാനത്തിൽ ഉറച്ചു നിൽക്കാൻ പ്രലോഭനങ്ങളെയും പ്രതിസന്ധികളെയും അതിജീവിക്കേണ്ടതായിട്ടുണ്ട്.നമ്മൾ എന്തു കാര്യവും ആളുകൾക്ക് മുൻപിൽ അവതരിപ്പിക്കുമ്പോൾ പതറാതെ ചെയ്താൽ മാത്രമേ അവതരണം മനോഹരമാകുള്ളൂ.ശരിയാ യ പരിശീലനം നേടാൻ കഴിഞ്ഞാൽ ഒരു വിധം പതറുന്ന സാഹചര്യം ഒഴിവാക്കാൻ ഒരു പരിധി വരെ സാധിച്ചേക്കും.ഭയം നമ്മുടെ ഉള്ളിലേക്ക് കടന്നുവരുമ്പോൾ നമ്മൾ സ്വാഭാവികം ആയിട്ടും പതറി പോകും.

ഭയത്തെ അതിജീവിച്ചാൽ മാത്രമേ പതറുന്ന അവസ്ഥ നമ്മുടെ ജീവിതത്തിൽ നിന്നും അകന്നു പോകുള്ളൂ.ഇന്ന് നമ്മുടെ ചുറ്റിലുമുള്ള പല മനുഷ്യരും അവരുടെ ജീവിത സാഹചര്യത്തെ പൊരുതി തോൽപ്പിച്ചവരാണ്, മനസ്സ് പതറാതെ ചെറുത്തു നിന്നവരാണ്.മനസ്സ് പതറാതെ ഏതു സാഹചര്യത്തെയും നേരിടാൻ കഴിയണമെങ്കിലും ആന്മധൈര്യം ഉണ്ടാവേണ്ടത് വളരെ അത്യാവശ്യമാണ്.എല്ലാവർക്കും അവരവരുടെ ജീവിതത്തിൽ ഉണ്ടാകുന്ന പ്രതികൂല സാഹചര്യങ്ങളെ നേരായ വിധത്തിൽ അതിജീവിക്കുവാൻ, സാഹചര്യങ്ങളെ പതറാതെ നേരിടുവാൻ സാധിക്കട്ടെ.