സ്നേഹസ്പർശനമായി കൺമുൻപിൽ:A spark of love to open your eyes-204

 204.നിഷേധിക്കുക.

നമ്മളിൽ പലരും നമ്മൾക്ക് ഇഷ്ടം ഇല്ലാത്ത കാര്യങ്ങൾ നിഷേധിക്കുന്നവരാണ്.ചിലരൊക്കെ അവരവരുടെ നേട്ടങ്ങൾക്കായി നേരത്തെ പറഞ്ഞ കാര്യങ്ങൾ, അങ്ങനെയൊന്നും പറഞ്ഞിട്ടില്ല എന്ന് പറഞ്ഞു നിഷേധിക്കാറുണ്ട്.അർഹതപ്പെട്ടത് നിഷേധിക്കപ്പെടുന്ന വ്യക്തികളുടെ അവസ്ഥ വളരെ ദുരിതത്തിലാണ്.പലർക്കും സ്വന്തം അനുഭവം വരുമ്പോൾ മാത്രമായിരിക്കും നിഷേധിക്കപ്പെടുന്നതിന്റെ വേദന ശരിക്കും മനസ്സിലാക്കാൻ സാധിക്കുക.തെറ്റ് ചെയ്ത ഒരാൾക്കുപോലും തെറ്റ് കാലങ്ങളോളം നിഷേധിക്കാൻ കഴിയില്ല, എന്നെങ്കിലും ഒരിക്കൽ സത്യം പുറത്തു വരും.എത്രയോക്കെ നിഷേധിച്ചാലും അവസാനം വിജയം എപ്പോഴും സത്യത്തിന് ഒപ്പം ആയിരിക്കും.അവകാശങ്ങൾ നിഷേധിക്കപ്പെടുമ്പോൾ ആർക്കായാലും വിഷമം വരും, പിന്നെ പ്രതിഷേധിക്കുക, സമരം ചെയ്യുക, നിയമപോരാട്ടം നടത്തുക അങ്ങനെ ഓരോന്നും സാഹചര്യം അനുസരിച്ചു നിഷേധിക്കപ്പെടുന്ന വർക്ക് ചെയ്യേണ്ടതായിട്ട് വരും.ഓരോരുത്തർക്കും എത്ര നാൾ കാത്തിരുന്നിട്ടാണ് പലപ്പോഴും നിതി കിട്ടുന്നത്.

ഈ ഭൂമിയിൽ ജനിച്ചു വീഴുന്ന ഓരോ വ്യക്തികൾക്കും പലപ്പോഴും ഒരുപാട് നിഷേധങ്ങളെ നേരിടേണ്ടി വരാറുണ്ട്. നമ്മൾക്കുണ്ടാകുന്ന നിഷേധങ്ങളെ ശരിയായ വിധത്തിൽ വിലയിരുത്തലുകൾ നടത്താൻ സാധിക്കണം.നിഷേധിക്കാൻ കഴിയുന്ന അവസരം കിട്ടിയിട്ട് പോലും നിഷേധിക്കാതെ അപരന് നന്മകൾ ചെയ്യുന്ന എത്രയോ വ്യക്തികൾ നമ്മുടെ ചുറ്റിലും നമുക്ക് മാതൃകയായി ജീവിക്കുന്നുണ്ട്.

എല്ലാവരും മനുഷ്യരാണ്, അർഹതപ്പെട്ടവർക്ക് അർഹതപ്പെട്ടത് നൽകുന്നത് നിഷേധിക്കാൻ നമ്മൾ ആർക്കും ഇടവരല്ലേ.