സ്നേഹസ്പർശനമായി കൺമുൻപിൽ:A spark of love to open your eyes-197

 197.നിരാശകളെ ഒഴിവാക്കുക.

നിരാശകൾ നമ്മളുടെ ജീവിതത്തിൽ പലപ്പോഴും കടന്നുവന്നേക്കാം.നിരാശകളെ അതിജീവിക്കുവാൻ നമ്മൾ ഓരോരുത്തരും വളരെ അധികം പരിശ്രമിക്കേണ്ടതായിട്ടുണ്ട്.എല്ലാവരും നിരാശയോ ടെ ഈ ലോകത്തിൽ ഒന്നും ചെയ്യാതെ കഴിഞ്ഞിരുന്നെങ്കിൽ എന്താകുമായിരുന്നു ഈ ലോകത്തിന്റെ അവസ്ഥ, നമ്മുടെ ഓരോരുത്തരുടെയും വളർച്ചയെ സാരമായി തന്നെ ഒരുപക്ഷെ ബാധിച്ചേനെ.ലോകം വളരുന്നത് ഓരോ മനുഷ്യരുടെയും കഠിനപരിശ്രമങ്ങൾകൊണ്ടാണ്.

ഏതു മേഖലയിൽ ആയാലും പുരോഗതി ഉണ്ടാവണം എങ്കിൽ പരിശ്രമിച്ചെങ്കിൽ മാത്രമാണ് സാധി ക്കുകയുള്ളു.

നിരാശകൾ നമ്മളെ ഒരിക്കലും വിജയത്തിൽ എത്തിക്കുകയില്ല എന്നത് മനസിലാക്കുക.നമ്മളിലെ നിരാശകളെ മാറ്റികൊണ്ട് പകരം പ്രത്യാശയോടെ വിജയത്തിനായി കഠിന പരിശ്രമം നടത്തുകയാണ് വേണ്ടത്.നിരാശകൊണ്ട് ആർക്കും ഒരു നേട്ടവും ഈ ലോകത്തിൽ ഉണ്ടാവുന്നില്ലല്ലോ.പകരം നിരാശയിൽ ആയിരിക്കുന്ന സമയം എല്ലാം ഒന്നും ചെയ്യാൻ കഴിയാതെ നഷ്ടപ്പെടുകയും ചെയ്യും.ജീവിതത്തിൽ തിരിച്ചടികൾ ഉണ്ടാകുമ്പോൾ നിരാശ ഉണ്ടാവുക സ്വഭാവികമാണ്.നിരാശകളെ അതിജീവിക്കാനുള്ള നേരായിട്ടുള്ള മാർഗം നമ്മൾ അന്വേഷിച്ചു കണ്ടെത്തേണ്ടതുണ്ട്.

നിരാശ ഒന്നിനും ഒരു പരിഹാരം അല്ലല്ലോ.നിരാശ ഉള്ള വ്യക്തികൾക്ക് വേണ്ടത് ആശ്വാസമാണ്. ആശ്വാസത്തിനുവേണ്ടി ആശ്രയിക്കുന്നത് എപ്പോഴും നല്ല കാര്യങ്ങളിൽ ആയിരിക്കണം എന്നു മാത്രം.നിരാശകൾ നമ്മുടെയൊക്കെ ജീവിതത്തിൽ അമിതമായാൽ, നമ്മുടെ ദിനംചര്യകളെ കാര്യമായി ബാധിക്കാൻ തുടങ്ങിയാൽ തീർച്ചയായും വിദഗ്ധരുടെ സഹായം തേടേണ്ടതാണ്.

മനസ്സും ശരീരവും ആരോഗ്യത്തോടെ കാത്തുപരിപാലിക്കാൻ നമ്മൾ ഓരോരുത്തരും എപ്പോഴും ശ്രദ്ധിക്കേണ്ടതുണ്ട്.നെഗറ്റീവ് ചിന്തകളെ ഒഴിവാക്കികൊണ്ട് നല്ല ചിന്തകൾ മനസ്സിലേക്ക് എപ്പോഴും കടത്തിവിടുക.കഴിഞ്ഞത് കഴിഞ്ഞു ഇനിയിപ്പോൾ അതേക്കുറിച്ച് ചിന്തിച്ചു നിരാശപ്പെട്ടിട്ട് യാതൊരു കാര്യവും ഇല്ലല്ലോ. ഉള്ളതിൽ തൃപ്തിപ്പെട്ടു കൂടുതൽ നേട്ടങ്ങൾക്കായി പരിശ്രമിക്കാനും , നിരാശകളെ അതിജീവിച്ചുകൊണ്ട് മുന്നേറാനും നമ്മൾ എല്ലാവർക്കും സാധിക്കട്ടെ.