സ്നേഹസ്പർശനമായി കൺമുൻപിൽ:A spark of love to open your eyes-161

 

161.തോൽക്കാൻ ഇവിടെ തല്ക്കാലം ഉദ്ദേശം ഇല്ല.

നമ്മളിൽ പലരും പല സാഹചര്യത്തിലും തോറ്റിട്ടുള്ളവരാണ്.ജീവിതം എന്ന് പറയുന്നത് ജയം  തോൽവികളുടെ കൂടിചേരലുകൾ ആണല്ലോ.തോൽവികളിൽ നിന്നുമാണ് പലപ്പോഴും പലർക്കും വിജയങ്ങൾ നേടാൻ കഴിഞ്ഞിട്ടുള്ളത്.

ഒരുപാട് വിജയങ്ങൾക്കിടയിൽ പരാജയങ്ങളും ഒരു പക്ഷെ നമ്മളിൽ പലർക്കും സംഭവിച്ചേക്കാം.

എത്രയോക്കെ പരാജയങ്ങൾ നമ്മുടെയൊക്കെ ജീവിതത്തിൽ സംഭവിച്ചാലും നമ്മുടെ അവസാനം വരെയും വിജയത്തിനായി ശ്രമിച്ചു കൊണ്ടേയിരിക്കണം.ജയിക്കുന്നത് വരെയും എത്രയോ വ്യക്തികളാണ് അവരുടെ പരിശ്രമം ഉപേക്ഷിക്കാതെയിരുന്നിട്ടുള്ളത്.

 

മുന്ന് നാല് വട്ടം പരാജയപ്പെട്ടിട്ടും അതിലൊന്നും തളരാതെ വീണ്ടും വീണ്ടും പഴയതിനേക്കാൾ കൂടുതലായി ശ്രമിച്ചുകൊണ്ടിരുന്നു, ഒടുവിൽ അവരിൽ പലർക്കും വിജയിക്കാൻ സാധി ച്ചിട്ടുണ്ട്.എന്നെങ്കിലും വിജയിക്കും എന്നുള്ള പ്രതീക്ഷയിൽ പരിശ്രമം ഉപേക്ഷിക്കാതെ മുന്നോട്ട് പോകുക.ഒരു പക്ഷെ വർഷങ്ങൾ ഒരുപാട് വേണ്ടി വന്നേക്കാം നമ്മൾ ചെയ്യുന്ന കാര്യത്തിൽ വിജയിക്കാൻ.നമ്മൾ ആന്മാർഥമായി പരിശ്രമി ച്ചാൽ വിജയം ഒരുപാട് അകലെയല്ല.നമ്മുടെ ശരിയായ നിലപാടിൽ എപ്പോഴും ഉറച്ചു നിൽക്കുക.നമ്മൾ ആഗ്രഹിച്ചതുപോലെ നേട്ടങ്ങൾ സ്വന്തമാക്കാൻ വിജയം വരെ തളരാതെ ശ്രമിക്കേണ്ടത് വളരെയധികം ആവശ്യമായ കാര്യമാണ്.നമ്മൾക്ക് കിട്ടിയ ഓരോ നിമിഷവും നമ്മൾ എങ്ങനെ ചിലവഴിക്കുന്നു എന്നത് അനുസരിച്ചിരിക്കും നമ്മൾക്ക് കിട്ടുന്ന ഫലം.

 

ഏതു സാഹചര്യത്തിലും കഷ്ടപ്പെടാൻ തയ്യാറാകുക അതാണ് നമ്മുടെ ശ്രമങ്ങൾ വിജയത്തിലെത്തിക്കാനുള്ള ഏറ്റവും എളുപ്പമുള്ള മാർഗം.വിജയിക്കണം, വിജയിച്ചേ തിരുവെന്ന് മനസ്സിൽ പറയുക.നെഗറ്റീവ് ചിന്തകളെ പരമാവധി ഒഴിവാക്കുക.മോശമായ അഭിപ്രായം പറയുന്നവരിൽ നിന്നും പരമാവധി അകലം പാലിക്കുക.

സത്യം എന്നായാലും ജയിക്കും, സത്യത്തിനു വേണ്ടി, നീതിക്കുവേണ്ടി, എപ്പോഴും നില കൊള്ളുക.തോൽക്കാൻ തല്ക്കാലം ഇവിടെ ഉദ്ദേശം ഇല്ലായെന്ന് സാഹചര്യം അനുസരിച്ചു എല്ലാവർക്കും മറ്റുള്ളവരോട്

പറയുവാൻ കഴിയട്ടെ.