സ്നേഹസ്പർശനമായി കൺമുൻപിൽ:A spark of love to open your eyes-144

 144.തളരില്ല പൊരുതും.

നമ്മുടെയൊക്കെ ജീവിതത്തിൽ പ്രതീക്ഷിക്കാത്ത പലതും സംഭവിക്കാറുണ്ട്.പലരും വിഷമങ്ങൾ തരണം ചെയ്യാൻ കഴിയാതെ പലപ്പോഴും തളർന്നി രിക്കാറുണ്ട്.നമ്മൾക്കൊക്കെ എത്ര നാൾ തളർന്നിരിക്കാൻ കഴിയും.നമ്മളിൽ പലരും ചെറിയ കാര്യങ്ങളിൽ പോലും തളർന്നിരിക്കുന്നവരാണ്.ജീവിതത്തിൽ നമ്മൾ എന്തെങ്കിലും നിസ്സാരകാരണത്തിന് തളർന്നി രിക്കുമ്പോൾ ചുറ്റിലുമൊന്ന് കണ്ണോടിച്ചു നോക്കുക, എത്രയെത്ര മനുഷ്യരാണ് അവരവരുടെ ജീവിതത്തിലെ തകർച്ചകളെ, തളർച്ചകളെ നേരിട്ടുകൊണ്ട് ധിരമായി പൊരുതുന്നത്.

നമ്മളെ കളിയാക്കാൻ, വിമർശിക്കാൻ ഒരുപക്ഷെ

ആളുകൾ ഉണ്ടായെന്നു വരും, നമ്മളൊന്നും അവരുടെ മുൻപിൽ തളരാൻ പാടില്ല.നമ്മുടെ ഉള്ളിലുള്ള കഴിവിനെ പുറത്തെത്തിക്കാൻ ശ്രമിച്ചാൽ ഒരുപക്ഷെ നമ്മൾക്കുണ്ടാകുന്ന പ്രതിസന്ധികളെ ധിരമായി പൊരുതാനുള്ള ശക്തി കിട്ടും.നമ്മൾ ഓരോ കാര്യവും ചെയ്യുമ്പോഴും പരാജയങ്ങൾ ഉണ്ടായേക്കാം, എങ്കിലും അവയിലൊന്നും തളരാതെ മുന്നോട്ട് പോകുവാൻ നമ്മൾക്കൊരോരുത്തർക്കും സാധിക്കേണ്ടതുണ്ട്.

നമ്മുടെ ഉള്ളിലെ സങ്കടങ്ങൾ മാറ്റിയെടുക്കാൻ നമ്മൾ തന്നെ തീരുമാനിക്കണം.തളരാതെ പൊരുതാൻ മനസ്സുള്ളവർ ഏതൊരു പ്രതിസന്ധിയെയും അതിജീവിക്കുക തന്നെ ചെയ്യും.അതിനായി എത്ര എത്ര ഉദാഹരണമാണ് നമ്മുടെ ചുറ്റിലുമുള്ളത്.നമ്മുടെയൊക്കെ ജീവിതത്തിനു അർത്ഥം കണ്ടെത്താൻ കഴിയണം.

നമ്മുടെ പ്രവർത്തികൾമൂലം നമ്മുടെ ചുറ്റിലുമുള്ള ഒരാൾക്ക് എങ്കിലും സന്തോഷം നൽകാൻ കഴിയണം. നമ്മൾ തളരാതെ പൊരുതാൻ ഉള്ള മനസ്സ് കാണിച്ചാൽ നമ്മളെ കാണുന്ന പലർക്കുമത് പുത്തൻ ഉണർവ് ആയിരിക്കും.

നമ്മുടെ ജീവിതത്തിൽ കടന്നു വരുന്ന ഓരോ പ്രതിസന്ധിയും നമ്മൾക്ക് മുന്നിൽ പുതിയൊരു വഴിതിരിവിന് കാരണമായേക്കും,നമ്മൾ എടുക്കു ന്ന ശരിയായ തീരുമാനം ആയിരിക്കണം എന്നു മാത്രം.കഷ്ടപ്പെടാനുള്ള മനസ്സ് വേണം നമ്മൾ ഓരോരുത്തർക്കും ഏതു പ്രതിസന്ധിയിലും തളരാതെ മുന്നേറാൻ.എല്ലാവർക്കും തളരാതെ പൊരുതാനുള്ള ശക്തി ഉണ്ടാവട്ടെ.