സ്നേഹസ്പർശനമായി കൺമുൻപിൽ:A spark of love to open your eyes-139

 139.തകർച്ചകളിൽ നിന്നും ഉയർത്തെഴുന്നേല്‌ക്കുക.

നമ്മുടെയൊക്കെ ജീവിതത്തിൽ പലതരത്തിലുള്ള തകർച്ചകൾ ഉണ്ടായെന്നു വരാം.തകർച്ചകൾ ജീവിതത്തിൽ വന്നു അവയെ അതിജീവിച്ചു പോകുന്നവർ നിരവധി മനുഷ്യരുണ്ട് നമ്മുടെ ചുറ്റിലും.

ഓരോ തകർച്ചകൾക്ക് പിന്നിലും എന്തെങ്കിലും കാരണം ഉണ്ടാവാതിരിക്കില്ലല്ലോ.തകർച്ചകളെ അതിജീവിക്കാൻ കഴിയുക എല്ലാവർക്കും അത്ര എളുപ്പമുള്ള കാര്യം അല്ല.തകർച്ചകളിൽ പതറാതെ പൊരുതി ജീവിതലക്ഷ്യം കൈവരിച്ചവരുണ്ട്, അവരെല്ലാം നല്ലതുപോലെ തങ്ങൾക്കുണ്ടായ തകർച്ചകളെ നേരിടാൻ പരിശ്രമിക്കാൻ തയ്യാറായി.

ഒരിക്കൽപോലും പ്രതീക്ഷിക്കാതെ നമ്മളിൽ പലർക്കും പല തരത്തിലുള്ള തകർച്ചകൾ നേരിടേണ്ടി വന്നേക്കാം.

ഓരോ തകർച്ചയും നമ്മൾക്ക് ഏതെങ്കിലും തരത്തിലുള്ള തിരിച്ചറിവ് നൽകുന്നുണ്ട്.തകർച്ചയിൽ നിന്നും കരകയറാൻ നമ്മളുടെ ഭാഗത്തുനിന്നുള്ള നിരന്തരപരിശ്രമം വളരെ ആവശ്യമാണ്.തകർച്ചകളെ നേരിടാൻ മാനസികമായും ശാരീരികമായും നമ്മൾ ഓരോരുത്തരും കരുത്ത് ആർജിക്കേണ്ടതുണ്ട്. ജീവിതത്തിൽ നമ്മൾ എല്ലാവർക്കും പലതര ത്തിലുള്ള തകർച്ചകളെ നേരിടേണ്ടി വന്നേക്കാം, ധിരതയോടെ ശരിയായ വിധത്തിൽ തകർച്ചകളെ അതിജീവിച്ചുകൊണ്ട് മുന്നോട്ട് പോകുവാൻ നമ്മൾ എല്ലാവർക്കും കഴിയട്ടെ.