സ്നേഹസ്പർശനമായി കൺമുൻപിൽ:A spark of love to open your eyes-138

 138.തകരുക.

മഴവെള്ളപ്പാച്ചിലിൽ വിടുകൾ ഒരുപാട് തകർന്നു പോയിട്ടുണ്ട്.ശക്തമായതിനെ പ്രതിരോധിക്കാൻ കഴിയാത്തത് കൊണ്ടാണ് ഓരോന്നും തകർന്നു പോകുന്നത്.എന്തുകാര്യവും നിർമ്മിക്കുമ്പോഴും അതിനെല്ലാം ഒരു താങ്ങാനുള്ള കഴിവ് ഉണ്ട്.അതിൽ കൂടുതൽ ബലം വന്നാൽ താങ്ങാൻ സാധിക്കാതെ തകരും.

എന്ത് കാര്യവും പെട്ടെന്ന് ആയിരിക്കില്ല തകരുന്നത് ആദ്യം ആദ്യം വിള്ളൽ വീഴും അതിനുശേഷം ഓരോന്നും ഇടിഞ്ഞു ഇടിഞ്ഞു വിണുകൊണ്ടാണ് തകരുക.ഏതൊരു കാര്യത്തിലും ആർക്കുവേണമെങ്കിലും പാളിച്ചകൾ സംഭവിക്കാം.

നമ്മൾ ഏതുകാര്യം ചെയ്യുമ്പോഴും മുൻകരുതൽ എടുക്കുന്നത് നല്ലതാണ്.ഏതൊരു കാര്യത്തിനും നല്ല വശത്തോടൊപ്പം മോശം വശങ്ങളും ഒരുപക്ഷെ കണ്ടേക്കാം, അതിനെയെല്ലാം ആന്മസം യമനം പാലിച്ചു നിയന്ത്രിക്കേണ്ടത് വളരെ ആവശ്യമാണ്.ജീവിതത്തിൽ ഉണ്ടായിട്ടുള്ള തകർച്ചകളിൽ നിന്നും കരകയറി ജീവിതം പച്ചപിടിപ്പിച്ച ഒരുപാട് വ്യക്തികളുണ്ട്. അവരെയെല്ലാം പ്രേരിപ്പിച്ചത് ആന്മവിശ്വാ സമാണ്.ജീവിതത്തിൽ ഒന്നും നേടാൻ കഴിയാതെ ആയിരിക്കുന്ന അവസ്ഥയിൽ പോലും പലർക്കും എവിടെ എങ്കിലും ഒരു വഴി മുന്നോട്ട് പോകുവാനായി തുറന്നുകിടപ്പുണ്ടാകും.

നമ്മുടെ മുന്നിലുള്ള എല്ലാ തിരികളും കെട്ടുപോയാലും എവിടെയോ നമ്മൾക്കായി കത്തുന്ന തിരി കാത്തിരിപ്പുണ്ടാകും.ജീവിതത്തിൽ നമ്മുടെ ചുറ്റിലുമുണ്ടാകുന്ന പ്രതികൂല സാഹചര്യങ്ങൾ മൂലം നമ്മുടെ ഓരോരുത്തരുടെയും പ്രതീക്ഷകൾ അസ്‌ത മിച്ചേക്കാം.നമ്മുടെ മരണം വരെ നമ്മൾക്ക് എന്തുവേണമെങ്കിലും പ്രതീക്ഷിക്കാം, നമ്മുടെ പ്രതീക്ഷകളെ തടയാൻ ആർക്കും ആകില്ല.എല്ലാവർക്കും ജീവിതത്തിൽ ഉണ്ടാകുന്ന തകർച്ചകളെ നേരിടാൻ സാധിക്കട്ടെ.