സ്നേഹസ്പർശനമായി കൺമുൻപിൽ:A spark of love to open your eyes-77

77.എന്താണ് കാരണം.

നമ്മുടെ ജീവിതത്തിൽ ഉണ്ടാകുന്ന ഓരോ സങ്കടത്തിനും സന്തോഷത്തിനും പിന്നിൽ എന്തെങ്കിലും കാരണം ഉണ്ടാകും.നമ്മുടെ മുന്നിൽ നിരവധി വഴികൾ ഉണ്ടെങ്കിലും അതിൽ ഏത് വഴി തിരഞ്ഞെടുക്കണം എന്നത് നമ്മുടെ ഓരോരുത്തരുടെയും ഇഷ്ടമാണ്. ഏതുവേണം തിരഞ്ഞെടുക്കാൻ എന്നതിന് എല്ലാവർക്കും ഓരോരോ കാരണങ്ങൾ ഉണ്ടാവും.നമ്മൾക്ക് ഓരോരുത്തർക്കും മുന്നോട്ട് പോകണം എങ്കിൽ എന്തെങ്കിലും കാരണം വേണം.നമ്മുടെ മുന്നിലുള്ള ഒരു വഴി അടയുമ്പോൾ നമ്മൾ ദുഖിച്ചിരുന്നിട്ട് കാര്യം ഇല്ല, അടുത്ത നേരായ വഴി അന്വേഷിക്കണം.തോൽവി എന്താണ്, അതിന്റെ വേദന എത്രത്തോളം ആണെന്ന് ഒരുപക്ഷെ തോറ്റ വ്യക്തികളെക്കാൾ അധികമായി മറ്റാർക്കും പറഞ്ഞു കൊടുക്കാൻ സാധിച്ചെന്ന് വരില്ല.

ഓരോ വ്യക്തികളുടെയും സ്വഭാവം രൂപപ്പെടുന്നതിൽ അവരുടെ സാഹചര്യം വളരെയധികം പങ്കുവഹിക്കുന്നുണ്ട്. ഒരുപക്ഷെ ആവശ്യത്തിന് സ്നേഹം ലഭിക്കാതെ പോയിട്ടുണ്ടാകാം, ആവശ്യത്തിന് പരിഗണന ലഭിക്കാതെ പോയിട്ടുണ്ടാകാം.നമ്മൾ എന്ന വ്യക്തി ഇന്നിപ്പോൾ നിൽക്കുന്ന അവസ്ഥയിൽ എത്തിച്ചേരാൻ നമ്മുടെ ചുറ്റുപാടുകൾക്ക്, നമ്മളുമായിട്ട് വളരെ ഏറെ അടുത്ത് ബന്ധം ഉള്ളവർക്ക് വലിയൊരു പങ്കുണ്ട്.

നമ്മളെ ദ്രോഹിച്ചവരോട് ക്ഷമ നൽകാൻ നമ്മൾക്ക് സാധിക്കണം.ക്ഷമിക്കാൻ നമ്മൾക്ക് ഇപ്പോഴാണ് സാധിക്കുകയുള്ളു, ഇന്നലെകൾ കടന്നുപോയി, അടുത്ത നിമിഷം നമ്മുടെ കയ്യിൽ ഇല്ല.

ക്ഷമ ഉണ്ടെങ്കിലേ സ്നേഹം അതിന്റെ പൂർണ്ണതയിൽ എത്തുകയുള്ളു.അറിവില്ലായ്മകൊ ണ്ട് നമ്മിൽ പലരും തെറ്റുകൾ ചെയ്യാറുണ്ട്.ജീവി തം നമ്മൾക്ക് ഇതുവരെയായി നമ്മൾ വരുത്തിയിട്ടുള്ള തെറ്റുകളുടെ ഒരുപാട് കാര ണങ്ങൾ കാണിച്ചു തന്നിട്ടുണ്ട്. കണ്ടെത്തിയ
കാരണങ്ങൾ ശരിയായ വിധത്തിൽ പരിഹരിക്കാനുള്ള ശ്രമങ്ങളാണ് ഇനി മുന്നോട്ട് ഓരോ നിമിഷവും നമ്മൾക്ക് ഉണ്ടാ വേണ്ടത്.എല്ലാവർക്കും അവരവരുടെ ജീവി തത്തിൽ ഉണ്ടാകുന്ന ഓരോ കാരണങ്ങളെയും ശരിയായ വിധത്തിൽ പരിഹരിക്കാൻ സാധിക്കട്ടെ.