സ്നേഹസ്പർശനമായി കൺമുൻപിൽ:A spark of love to open your eyes-68

68.ഉൾകൊള്ളാൻ പഠിക്കുക.

നമ്മളിൽ പലർക്കും പല കാര്യങ്ങളും ശരിയായ വിധത്തിൽ പലപ്പോഴും ഉൾകൊള്ളാൻ കഴിയാറില്ല.ചില സത്യങ്ങൾ ആരു പറഞ്ഞാലും ചിലർക്കൊന്നും ഉൾകൊള്ളാൻ കഴിയാറില്ല. മറ്റു 

ള്ളവർ എന്തുവിചാരിക്കും, മറ്റുള്ളവർക്ക് ഉൾകൊള്ളാൻ കഴിയുമോ എന്നൊക്കെ വിചാരിച്ചിരുന്നാൽ ഒരു കാര്യവും നേടാൻ നമ്മൾക്ക് സാധിച്ചെന്ന് വരില്ല. നമ്മുടെ അവ സ്ഥകൾ മറ്റാരേക്കാളും നമ്മൾ തന്നെ ഉൾകൊ ള്ളാൻ പഠിക്കുക.നമ്മളുടെ ജീവിതത്തിനു നല്ലതായ മാറ്റങ്ങൾ കൊണ്ട് വരേണ്ടത് മറ്റാരേക്കാളും നമ്മുടെ ആവശ്യമാണ്.നമ്മളിലെ സംശയം മാറാതെ നമ്മൾ നേരിട്ടുകൊണ്ടിരിക്കുന്ന കാര്യങ്ങളെ ഒരിക്കലും ശരിയായ വിധത്തിൽ ഉൾക്കൊള്ളാൻ കഴിഞ്ഞെന്ന് വരില്ല.

പരാജയത്തെ വിജയം ആക്കി മാറ്റാൻ നമ്മൾ പരിശ്രമിച്ചേ മതിയാകുള്ളൂ.നമ്മൾ ചെയ്യുന്ന ഓരോ കാര്യങ്ങളും ശരിയാണെങ്കിൽ പോലും നമ്മളുടെ ചുറ്റിലുമുള്ളവർക്ക് ആദ്യമൊക്കെ ശരിയാണെന്ന രീതിയിൽ ഉൾകൊള്ളാൻ ഒരുപക്ഷെ ഭയങ്കര പ്രയാസമായിരിക്കും. നമ്മൾക്ക് മുന്നോട്ട് പോകണം എങ്കിൽ നമ്മളുടെ ജീവിതത്തിൽ സംഭവിച്ച പരാജയങ്ങളുടെ കാരണങ്ങൾ ശരിയായ വിധത്തിൽ ഉൾകൊള്ളാൻ, ആവശ്യമായ തിരുത്തലുകൾ വരുത്താൻ നമ്മൾ ഓരോരുത്തർക്കും കഴിയണം.ഓരോരുത്തർക്കും ഓരോ കാര്യങ്ങളും ശരിയായ വിധത്തിൽ ഉൾകൊള്ളാൻ ആവശ്യമായ സമയം വേണ്ടിവരും എന്നത് വിസ്മരിച്ചുകൂടാ.നമ്മൾ എന്തൊക്കെ നേടിയാലും ഒരിക്കൽ ഈ ലോകം ഉപേക്ഷിച്ചു കടന്നുപോകേണ്ടവരാണെന്ന് ശരിയായ വിധത്തിൽ ഉൾകൊള്ളാൻ നമ്മൾ ഓരോരുത്തർക്കും ഇനിയെങ്കിലും കഴിയട്ടെ.