സ്നേഹസ്പർശനമായി കൺമുൻപിൽ:A spark of love to open your eyes-അധ്യായം 55

 55.ഇപ്പോൾ നമ്മളുടെ സമയമാണ്.
ചിലർ പറയാറുണ്ട് വാഹനം വാങ്ങിക്കാൻ പറ്റിയ സമയം, വീട് പണിയാൻ പറ്റിയ സമയം അങ്ങനെ അങ്ങനെ ഓരോന്നിനും അതിന്റെതായ സമയം ഉണ്ടെന്ന്.എല്ലാ മനുഷ്യർക്കും സമയം ഒരുപോലെയാണ്, ചില ആളുകൾ സമയത്തിന് വലിയൊരു വില കൊടുത്തുകൊണ്ട് പ്രവർത്തിക്കും, മറ്റു ചിലർ സമയത്തിന് യാതൊരു വിലയും കൊടുക്കാതെ സമയം വെറുതെ പാഴാക്കി കളയും.നമ്മുടെ ഓരോ രുത്തരുടെയും സമയത്തിന് വില യുണ്ട്.എല്ലാ മനുഷ്യർക്കും ആവശ്യം ചെയ്യേണ്ട കാര്യങ്ങൾ ഉണ്ട്.
ഓരോ പണിയും ചെയ്തു തീർക്കാൻ അതിന്റെതായ സമയം ആവശ്യം ഉണ്ട്.നമ്മൾക്ക് എവിടെയെങ്കിലും നിശ്ചിത സമയത്ത് നമ്മുടെ ആവശ്യങ്ങൾക്ക് വേണ്ടി എത്തിച്ചേരണം എങ്കിൽ അതിനനുസരിച്ചു നേരെത്തെ യാത്ര പുറപ്പെടണം.
സമയം നമ്മൾക്ക് വേണ്ടി ഒരിക്കലും കാത്തിരിക്കില്ല, കിട്ടുന്ന സമയം നമ്മൾ ഓരോ രുത്തരും നല്ലത് പോലെ ഉപയോഗപ്പെടുത്തുക.
ഇന്ന് കിട്ടിയ അവസരങ്ങളെ പാഴാക്കി കളഞ്ഞിട്ടു നാളെ അതോർത്തു സങ്കടത്തിൽ ആയിരിക്കുന്നതിൽ അർത്ഥം ഇല്ല..

ഇതുവരെ നമ്മളുടെ കണ്മുൻപിലുടെ ഒത്തിരി സമയം കടന്നുപോയി. ചില നല്ല ഓർമ്മകൾ സമ്മാനിച്ചുകൊണ്ടും,ചില തീരാനൊമ്പരങ്ങൾ അവശേഷിപ്പിച്ചുകൊണ്ടും.ചിലപ്പോഴൊക്കെ കഴി ഞ്ഞകാലത്തെ സമയത്തെ കുറിച്ചു ഓർക്കു ന്നതുപോലും വെറുത്തു പോകുന്ന നിമിഷങ്ങൾ ഉണ്ടായിരുന്നിരിക്കാം.ഇപ്പോൾ നമ്മൾ ഓരോരു ത്തരും സന്തോഷിക്കുക, നമ്മൾക്ക് കിട്ടിയ അമൂല്യ നിധിയാണ് നമ്മുടെ കണ്മുൻപിലുള്ള ഓരോ സമയവും എന്ന് കരുതുക.എല്ലാവർക്കും നല്ലൊരു സമയം ഉണ്ടാവട്ടെ.