സ്നേഹസ്പർശനമായി കൺമുൻപിൽ:A spark of love to open your eyes-അധ്യായം 49

 49.ആശങ്കപ്പെടാനുള്ള കാരണം കണ്ടെത്തുക.
ഓരോ മനുഷ്യർക്കും പലതരത്തിലുള്ള ആശങ്കകൾ ഉണ്ടാകാറുണ്ട്.ജീവിതത്തിൽ ഇന്നുവരെ എങ്ങും എത്താൻ സാധിച്ചില്ലായെന്നതാണ് ചിലരുടെ ആശങ്ക എങ്കിൽ മറ്റുള്ളവരുടെ ആശങ്ക ജീവിതം ഇനി എങ്ങനെ മുന്നോട്ട് കൊണ്ടുപോകും എന്നോർത്തിട്ടായിരിക്കും.ഈ ഭൂമിയിൽ മനുഷ്യർക്ക് ജീവിക്കാൻ ആവശ്യമായ വിഭവങ്ങൾ എല്ലാം ഇന്നിപ്പോൾ ലഭ്യമാണ്.
നാളെകളിൽ ഇവയെല്ലാം ലഭിക്കുമോ എന്നൊന്നും ആർക്കും ഉറപ്പ് നൽകാൻ സാധിക്കില്ലല്ലോ.ആശങ്ക കൊണ്ടു എന്തെങ്കിലും പ്രയോജനം ഉണ്ടാകുന്നുണ്ടോ.

ആശങ്ക അമിതമായാൽ മറ്റു പല പ്രശ്നങ്ങൾക്കും കാരണമായേക്കാം.ജോലി നഷ്ടപ്പെടുമോ എന്നുള്ള ആശങ്ക, ബിസിനസ്‌ പരാജയപ്പെടുമോ എന്നുള്ള ആശങ്ക, അങ്ങനെ തുടങ്ങി എന്തെല്ലാം കാര്യങ്ങളുണ്ട് ആശങ്കപ്പെടാനായിട്ട്.പലരും നമ്മളോട് പറയാറില്ലേ ആശങ്കപ്പെടേണ്ട ഒരു സാഹചര്യവും ഇപ്പോഴില്ലായെന്ന്.
 
നമ്മുടെ ഉള്ളിൽ ഒരുപാട് ഭയങ്ങൾ ചെറുപ്പം മുതൽ കടന്നുവന്നിട്ടുണ്ടാവാം ഒരുപക്ഷെ.നമ്മളിലെ ഭയങ്ങളെ വേണ്ടവിധത്തിൽ മാറ്റിയില്ലായെങ്കിൽ പിന്നീട് നമ്മുടെ വളർച്ചയെതന്നെ ആ ഭയമെല്ലാം ദോഷകരമായി ബാധിച്ചേക്കാം.ഭയത്തിനെ ഇല്ലാതാക്കിയെങ്കിൽ മാത്രമേ മുന്നോട്ട് എളുപ്പം സഞ്ചരിക്കാൻ സാധിക്കുകയുള്ളു.എല്ലാവർക്കും നല്ല കാര്യങ്ങൾ മാത്രം ചെയ്തുകൊണ്ട് ഭയമില്ലാതെ മുന്നോട്ട് ജീവിക്കാൻ സാധിക്കട്ടെ.