സ്നേഹസ്പർശനമായി കൺമുൻപിൽ:A spark of love to open your eyes-അധ്യായം 47

 47.ആവേശകരമായ പോരാട്ടം.
നമ്മൾ പലപ്പോഴും പല തരത്തിലുള്ള മത്സരത്തിൽ പങ്കെടുത്തിട്ടുള്ളവരാണ്.ഒരു പക്ഷെ സെക്കന്റുകളുടെ, പോയിന്റ്, മാർക്ക് വ്യത്യാസത്തിൽ ആയിരിക്കും വിജയം നമ്മൾക്ക് നഷ്ടം ആയിട്ടുണ്ടാകുക.എന്നാൽ പോലും ആവേശകരമായ പോരാട്ടം ആയിരുന്നു എന്നായിരിക്കും നമ്മൾ പങ്കെടുത്ത മത്സരത്തിന്റെ പ്രകടനത്തെപറ്റി പൊതുവെ പറയാൻ മറ്റുള്ളവർക്ക് തോന്നുക.നമ്മൾ ഒരു പോരാട്ടത്തിന് ഇറങ്ങി തിരിക്കുമ്പോൾ വിജയിക്കാനുള്ള ഒരു ആവേശം എപ്പോഴും ഉണ്ടായിരിക്കണം.

നമ്മുടെ ചുറ്റിലുമുള്ള ചിലരെ കണ്ടിട്ടില്ലേ എഴുതുന്ന പരീക്ഷകളിൽ എല്ലാം തന്നെ ഉന്നത വിജയം നേടുന്നവർ, അവരൊക്കെ തങ്ങൾക്ക് കിട്ടുന്ന സമയം ഒരു നിമിഷം പോലും പാഴാക്കാതെ പഠനത്തിനായി മാറ്റി വെച്ചിട്ടുള്ളവരാണ്.പല കാര്യത്തിലും നമ്മുടെ ചെറുപ്പകാലത്ത് ഉണ്ടായിരുന്ന ആവേശം വലുതായി കഴിയുമ്പോൾ ഇല്ലാതെ ആവാറുണ്ട്, അതിനു പിന്നിൽ ഒത്തിരി കാരണങ്ങളും ഉണ്ടാകാം.നമ്മളുടെ ജീവിതത്തിൽ എന്തിലും വിജയം നേടാൻ ഒരു ആവേശം ഉണ്ടാവണം.
ആവേശകരമായ പോരാട്ടത്തിൽ നമ്മൾ ചിലപ്പോൾ പരാജയപ്പെട്ടെന്ന് വന്നേക്കാം, അവിടെയെല്ലാം തളർന്നിരിക്കാതെ മുന്നോട്ട് പോകാൻ ശ്രമിച്ചുകൊണ്ടിരിക്കുക.നമ്മൾ ആവേശത്തോടെ ചെയ്ത പല കാര്യങ്ങളും പിന്നീട് അതെ കുറിച്ചു ആലോചിക്കുമ്പോൾ നമ്മൾക്ക് ഇതൊന്നും വേണ്ടിയിരുന്നില്ല എന്ന് തോന്നൽ ഉളവാക്കിയേക്കാം.

ജീവിതത്തിൽ നമ്മൾ നല്ല കാര്യങ്ങൾ ആവേശത്തോടെ ചെയ്യാൻ ശ്രമിച്ചു കൊണ്ടിരിക്കണം.പലരും നമ്മളെ നിരുത്സാഹ പ്പെടുത്താൻ വന്നെന്നിരിക്കും. നമ്മൾ ഒരു കാരണവശാലും നമ്മുടേ നല്ല ലക്ഷ്യങ്ങളിൽ നിന്നും പിന്മാറരുത്.ആവേശകരമായ പോരാട്ടം തുടരാൻ എല്ലാവർക്കും സാധിക്കട്ടെ.