സ്നേഹസ്പർശനമായി കൺമുൻപിൽ:A spark of love to open your eyes-അധ്യായം 33

 33.ആരും കൂടെ ഉണ്ടാവില്ല.
നമ്മൾ മുന്നോട്ട് പോകുമ്പോൾ പലപ്പോഴും ഒറ്റക്ക് യാത്ര ചെയ്യേണ്ടി വരും ആരും കൂടെ ഉണ്ടായി എന്ന് വരില്ല.നമ്മളുടെ ജീവിതം അവസാനി ക്കുന്നതുവരെ ഒരു പക്ഷെ കൂട്ടിന് ആളുണ്ടായില്ല എന്ന് വന്നേക്കാം.നമ്മളുടെ ലക്ഷ്യം മനസ്സിൽ കാണുക, ആ ലക്ഷ്യത്തിലേക്ക് നടന്നു അടുക്കുക.വിജയിക്കാൻ നമ്മൾ ഓരോരുത്തരും ഒത്തിരി അധികം കഷ്ടപ്പെടേണ്ടതുണ്ട്.ആരും കൂടെ ഉണ്ടാവില്ല എന്നുള്ള ചിന്ത മനസ്സിൽ നിന്നും ഒഴിവാക്കുക. നമ്മൾ ഒരു കാര്യം ചെയ്യാൻ മുന്നോട്ട് പോകുമ്പോൾ നമ്മൾക്ക് പിന്തുണ നൽകാൻ ആരും ഉണ്ടായെന്നു വരില്ല.നമ്മുടെ മനസ്സിൽ ലക്ഷ്യം വളരെ ശക്തമായി ഉണ്ടെങ്കിൽ ആരും കൂടെയില്ലെങ്കിൽ പോലും നമ്മൾക്ക് അതോർത്തു സങ്കടം ഒന്നും ഉണ്ടാവില്ല.മറ്റുള്ള
വരുടെ ഇഷ്ടത്തിനൊത്തു ജീവിക്കാൻ പറ്റാതെ വരുമ്പോൾ അവരിൽ നിന്നും അകലേണ്ടതായ സന്ദർഭങ്ങൾ ഉണ്ടാവും.

അഭിപ്രായത്തിൽ ഇഷ്ടക്കേട് വന്നു അകന്ന് പോയവരുണ്ടാകാം.ലക്ഷ്യം നേടിയെടുക്കാൻ മറ്റുള്ളവരിൽ നിന്നും അകന്നു കഴിയു ന്നവരുണ്ടാകാം.ജീവിതം നമ്മളെ പഠിപ്പിക്കുന്നത് ഒറ്റക്ക് നടക്കാനാണ്.ഒറ്റക്ക് പൊരുതാനാണ്.
നമ്മളിൽ പലർക്കും കൂട്ടിനു ആളില്ലെങ്കിൽ വല്ലാത്തൊരു സങ്കടം ആണ്.ഏതെങ്കിലും അവസ്ഥയിൽ ആരും കൂടെ ഉണ്ടാവാത്ത അവസ്ഥകൾ കടന്നു വന്നേക്കാം, ആർക്കും നമ്മളെ സഹായിക്കാൻ പറ്റാത്ത അവസ്ഥ ഉണ്ടായേക്കാം അതിനെയെല്ലാം അതിജീവിച്ചു മുന്നേറാൻ നമ്മൾ ഓരോരുത്തർക്കും വേണ്ടത് ആന്മധൈര്യവും ആന്മവിശ്വാസവുമാണ്.ഒരു പക്ഷെ നമ്മൾ കണ്ട ലക്ഷ്യം സഫലമാകുന്നത് വരെ ഒറ്റക്ക് സഞ്ചരിക്കേണ്ടതായി വന്നേ ക്കാം.ഓരോ നിമിഷവും ശുഭാപ്തി വിശ്വാ സത്തോടെ സഞ്ചരിക്കുക.ലക്ഷ്യം നേടാൻ ആരും കൂടെയില്ല എന്നൊരു തോന്നൽ ഉപേക്ഷിക്കാൻ എല്ലാവർക്കും സാധിക്കട്ടെ.