സ്നേഹസ്പർശനമായി കൺമുൻപിൽ:A spark of love to open your eyes-അധ്യായം 32

 32.ആരാ പറഞ്ഞത്.
ചില ആളുകൾ പറയാറുണ്ട്, ഇന്ന വ്യക്തിയാണ് പറയുന്നത് എങ്കിൽ അതൊന്നും കാര്യം ആക്കണ്ട, ചുമ്മാ അസൂയ കൊണ്ട് പറയുന്നതാണ്, തള്ള് പറയുന്നതാണ് എന്നൊക്കെ.നമ്മളോട് ആരു പറഞ്ഞു എന്നതിലാണ് പ്രസക്തി ഉള്ളത്.നമ്മൾ ഇന്ന് നേടിയിട്ടുള്ള ഓരോ അറിവുകളും നമ്മൾക്ക് മുന്നേ ഈ ഭൂമിയിൽ ജനിച്ചു, മരണത്തിലൂടെ കടന്നുപോയ വ്യക്തികൾ നൽകിയ കാര്യങ്ങളാണ്.നമ്മൾ ഇന്ന് ചെയ്യുന്ന ഓരോ കണ്ടെത്തലുകളുമാണ് ഭാവി തലമുറ പഠിക്കുന്നത്.ആരെപ്പറ്റിയും ആവശ്യം ഇല്ലാത്തത് പറയാതെ ഇരിക്കുക.സത്യം എക്കാലവും മറച്ചുവെക്കാൻ കഴിയില്ല.
ചെറുപ്പം തൊട്ടേ നമ്മളിൽ പലരും പലതരത്തിലുള്ള കളിയാക്കലുകൾ കേൾക്കേണ്ടി വന്നിട്ടുണ്ട്, അവരോട് എല്ലാം ഉള്ളിന്റെ ഉള്ളിൽ വളരെ അധികം വെറുപ്പും ഉണ്ടായിട്ടുണ്ടാകും. നമ്മളെക്കു റിച്ച് ആരു വേണമെങ്കിലും എന്തുവേണമെങ്കിലും പറഞ്ഞു കൊള്ളട്ടെ, ഒരു നാൾ അവർ പറയുന്നത് സത്യം ആണോ കള്ളമാണോ എന്ന് തെളിയും, നമ്മളുടെ സമയം അവരുടെ പിന്നാലെ ആവശ്യം ഇല്ലാതെ നടന്നു കളയേണ്ടതില്ല.നമ്മളിൽ നിന്നും ആർക്കും വേദനിപ്പിക്കുന്ന വാക്കുകൾ കേൾക്കാൻ ഇടവരാതെ ഇരിക്കട്ടെ.