എന്റെ റോസ്മോൾക്കായി-പ്രണയനോവൽ-പാർട്ട്‌ 36

 സ്നേഹം എത്ര മാത്രം ആഗ്രഹിച്ചാലും നമ്മൾക്ക് കിട്ടാത്ത നിമിഷം ജീവിതത്തിൽ ഉണ്ടായേക്കാം, ഈ ലോകം നമ്മൾക്ക് നഷ്ടം ആയി എന്നുള്ള ചിന്ത ഉണ്ടാക്കിയേക്കാം.

സ്നേഹം നഷ്ടപ്പെട്ട അവസ്ഥയിലൂടെ കടന്നുപോകുന്ന വ്യക്തികൾ എത്ര അധികമാണ് നമ്മുടെ ചുറ്റിലുമുള്ളത്. സ്നേഹം ആഗ്രഹിക്കാത്ത ഒരു മനുഷ്യനും ഈ ഭൂമിയിൽ ഇല്ല. മനുഷ്യർക്കിടയിൽ സ്നേഹം ഇല്ലെങ്കിൽ ജീവിതം വെറുതെ ആണെന്നുള്ള ചിന്ത മനസ്സിൽ വന്നേക്കാം.

നമ്മുടെ ജീവിതത്തിൽ എത്ര മോശം അവസ്ഥയിലൂടെ നമ്മൾക്ക് കടന്നു പോകേണ്ടി വന്നാലും നമ്മൾ നമ്മളെ തന്നെ സ്നേഹിക്കാൻ പഠിക്കേണ്ടതുണ്ട്.
നമ്മളോളം നമ്മളെ സ്നേഹിക്കാൻ ഈ ഭൂമിയിൽ ആരും തന്നെ ഇല്ല.

നഷ്ടങ്ങളും പരാജയങ്ങളും നമ്മളെ നിരാശയിൽ ആക്കിയേക്കാം, അവിടെ നിന്നെല്ലാം ഒരു ഉയിർത്തെഴുന്നേൽപ്പ് നമ്മൾക്ക് ആവശ്യമാണ്.

നമ്മളെക്കാൾ കഷ്ടതയിൽ കഴിയുന്ന എത്ര മനുഷ്യരാണുള്ളത്, നമ്മളെക്കാൾ പരാജയങ്ങൾ നേരിട്ടിട്ടുള്ള എത്ര വ്യക്തികളാണുള്ളത്. നമ്മൾക്ക് നാളെ എങ്ങനെ ആകുമെന്ന് മുൻകൂട്ടി പ്രവചിക്കാൻ ആകില്ലല്ലോ. ജീവിതത്തിലേക്ക് വലിയൊരു മാറ്റങ്ങൾ കടന്നുവരാൻ അധികം സമയം വേണമെന്നില്ലല്ലോ.

നമ്മൾ ഓരോരുത്തരും ഇപ്പോൾ ആയിരിക്കുന്ന അവസ്ഥകൾക്ക് ഒരുപക്ഷെ കാരണം നമ്മൾ തന്നെ ആയിരിന്നിരിക്കാം, അതുമല്ലെങ്കിൽ മറ്റു പലരും ആയിരിക്കാം.

മനുഷ്യൻ സന്തോഷം കണ്ടെത്താൻ പല മാർഗങ്ങൾ തേടുന്നുണ്ട്, എന്നിട്ടും മനുഷ്യർക്ക് പലപ്പോഴും സന്തോഷം കണ്ടെത്താൻ കഴിയാറില്ല. സന്തോഷം വില കൊടുത്തു എല്ലായ്പോഴും കിട്ടണം എന്നില്ല. ലോകത്തു എത്ര വില കൊടുത്താലും കിട്ടാതെ പോകുന്ന ഒത്തിരി കാര്യങ്ങളുണ്ട്.

കഴിവുകൾ എല്ലാവർക്കും ഒരുപോലെ അല്ല ലഭിക്കുക. ചില വ്യക്തികൾക്ക് കിട്ടിയ കഴിവുകൾ, അതുപോലെ മറ്റൊരാളിലും കണ്ടെത്താൻ സാധിച്ചെന്നു വരില്ല.

എനിക്ക് പ്രണയം നൽകിയ വേദന വളരെ വലുതാണ്. ഞാൻ സ്നേഹിച്ച വ്യക്തിക്ക് എന്റെ പ്രണയം മനസ്സിലാക്കി കൊടുക്കാൻ എനിക്ക് കഴിയാതെ പോയതാണ് എന്റെ ഭാഗത്തുനിന്നും വന്ന വലിയൊരു വിഴ്ച.

ജീവിതത്തിൽ മഴയും വെയിലും തണുപ്പും മാറി മാറി വരുന്നതുപോലെ പ്രണയം എല്ലായ്പോഴും ഒരാൾക്ക് ഉണ്ടാവണം എന്നില്ല.

നമ്മൾ എത്ര ആത്മാർത്ഥമായി ഒരാളെ പ്രണയിച്ചാലും, നമ്മൾ പ്രണയിക്കുന്ന വ്യക്തിക്ക് ആ കാര്യം മനസ്സിലായില്ല എങ്കിൽ നമ്മുടെ പ്രണയം ഏതു നിമിഷവും നഷ്ടമായേക്കാം.

എന്റെ പ്രണയിനി ഇപ്പോൾ എവിടെയായിരിക്കും എന്നൊന്നും എനിക്ക് യാതൊരു അറിവുമില്ല, ഇനിയും നേരിൽ കാണാൻ സാധിക്കുമോ എന്നൊന്നും അറിയില്ല, ജീവിതത്തിൽ ഇത്രയും ഒരു വേദന പ്രണയം അല്ലാതെ മറ്റൊന്നിനും ഇല്ലെന്ന് ഞാൻ മനസ്സിലാക്കി.

പ്രണയം നഷ്ടപ്പെട്ടാൽ എന്ത് സംഭവിക്കാനാണ്, അവൾ ഇല്ലെങ്കിൽ മറ്റൊരുവൾ ഉണ്ടാകും എന്നൊക്കെ ആശ്വാസം നൽകാൻ ആളുകൾ ഉണ്ടാവും, പക്ഷെ അവളെ പോലെ, അവൾക്ക് പകരം ആകാൻ ഈ ഭൂമിയിൽ മറ്റാർക്കും ആകില്ല എന്നത് ഒരു സത്യമല്ലേ.

നമ്മളെ ഇഷ്ടപ്പെടാത്തവരെ നമ്മൾ എന്തിനു ഇഷ്ടപ്പെടണം എന്നത് ഒരു ചോദ്യമാണ്. വെറുക്കാൻ ആർക്കും എളുപ്പം കഴിയും പക്ഷെ എങ്കിൽ സ്നേഹിക്കാൻ അതിനു നല്ലൊരു മനസ്സുവേണം.സ്നേഹിച്ചതുകൊണ്ട് എന്തു നേടി, അവൾ അവളുടെ പാടുനോക്കി പോയില്ലേ, നിന്റെ സ്നേഹം മണ്ണു ഒലിച്ചുപോകുന്നതുപോലെ പോയില്ലേ.

ചിലർക്ക് സ്നേഹത്തേക്കാൾ വലുത് മറ്റു പലതുമായിരിക്കാം. ആത്മാർത്ഥ സ്നേഹം പല കുറവുകളും ഇല്ലാതെയാക്കിയേക്കാം.

ഉള്ളിൽ സ്നേഹം ഒട്ടും ഇല്ലാത്തവർ ഒരുമിക്കാതെ ഇരിക്കുന്നതാണല്ലോ ഏറ്റവും നല്ലത്.

പ്രണയം നൽകിയ നല്ല ഓർമ്മകൾ എനിക്ക് ഒരു മഞ്ഞു കാലത്തു പച്ച പുൽത്തകിടിയിലൂടെ പുന്തോട്ടം കണ്ടു നടക്കുന്ന ഓർമ്മകളാണ്.

അവളെ ആദ്യമായി കണ്ടത് ഒരു ഡിസംബർ മാസത്തിലാണ്. എത്ര മനോഹരമായ നിമിഷം ആയിരുന്നു അതൊക്കെ.

എല്ലാവരുടെയും ജീവിതത്തിൽ ഒത്തിരി ആഗ്രഹങ്ങളും സ്വപ്നനങ്ങളുമുണ്ടാകും, എല്ലാവർക്കും അവരുടെ ജീവിതത്തിൽ ആഗ്രഹിച്ചതൊക്കെയും സഫലികരിക്കാൻ സാധിച്ചെന്നുവരില്ല.

നമ്മൾക്കൊക്കെ ഈ ഭൂമിയിൽ ജീവിക്കാൻ എത്ര നാൾ വരെ ആയുസ്സുണ്ടെന്ന് ആരുകണ്ടു.

ജീവിതത്തിൽ ലഭിച്ച എല്ലാ അനുഗ്രഹങ്ങൾക്കും നന്ദിയുള്ളവർ ആകുക, ജീവിതത്തിൽ നമ്മൾ നേടാൻ ആഗ്രഹിക്കുന്നതിനുവേണ്ടി ആത്മാർത്ഥയോടെ പരിശ്രമിച്ചുകൊണ്ടിരിക്കുക. നമ്മൾ ചെയ്യുന്നതിലെ ശരികൾ ഈ പ്രപഞ്ചം സഫലമാക്കി തരും.

എന്തെങ്കിലും നേടാൻ ആഗ്രഹിക്കുക, എങ്കിലാണ് പരിശ്രമിക്കാൻ മനസ്സിൽ ശക്തമായ ആഗ്രഹം ഉണ്ടാവുകയുള്ളൂ. പ്രതിസന്ധികളെ അതിജീവിച്ചുകൊണ്ട് ജീവിതത്തിൽ ഉയർച്ചകൾ സ്വന്തമാക്കാൻ നമ്മൾക്ക് കഴിയട്ടെ.