എന്റെ റോസ്മോൾക്കായി-പ്രണയനോവൽ-പാർട്ട്‌ 26

 എന്റെ പ്രണയം ഒഴുകികൊണ്ടിരിക്കുകയാണ്.

എന്തെല്ലാം പ്രതിസന്ധികൾ അതിജീവിച്ചാലാണ് ഒരു പ്രണയം വിജയത്തിൽ എത്തിക്കാൻ കഴിയുക.

നമ്മൾക്ക് പ്രണയം വിജയത്തിലെത്തിക്കാൻ എന്തെങ്കിലുമൊക്കെ യോഗ്യത വേണ്ടത് വളരെ ആവശ്യമാണ്.

എത്ര പേരുടെ ജീവിതത്തിൽ നിന്നും പ്രണയം നഷ്ടപ്പെടാനുള്ള കാരണം അവർക്ക് യോഗ്യത ഇല്ലാത്തതുകൊണ്ടാണ്.

നമ്മുടെ ആത്മാർത്ഥ പ്രണയം പലരും തിരിച്ചറിയുന്നില്ല, തിരിച്ചറിയാൻ ശ്രമിക്കുന്നില്ല.

പ്രണയം നഷ്ടപ്പെടുമ്പോൾ ഉണ്ടാകുന്ന ബുദ്ധിമുട്ട് വളരെ വലുതാണ്, താൻ ജീവനു തുല്യം സ്നേഹിച്ചവർ, തന്നെ ഒറ്റപ്പെടുത്തുമ്പോൾ പല തരത്തിലുള്ള ബുദ്ധിമുട്ട് ഉണ്ടായെന്നു വരാം.

ആരെ പ്രണയിച്ചാലും ഇല്ലെങ്കിലും സ്വന്തം കാലിൽ നിൽക്കാൻ കഴിയണം. സ്വന്തം കാലിൽ നിൽക്കാൻ കഴിയുമ്പോൾ ആത്മവിശ്വാസം വർധിക്കും. നമ്മൾക്ക് കൂടുതൽ നേട്ടങ്ങൾ കിട്ടിക്കഴിയുമ്പോൾ നമ്മൾക്ക് ഒരുപക്ഷെ നമ്മളുടെ പ്രണയവും വിജയത്തിൽ എത്തിക്കാൻ കഴിഞ്ഞേക്കാം.

ലോകത്തിൽ എവിടെ പോയാലും അവിടെയൊക്കെ പ്രണയം കാണാൻ കഴിഞ്ഞേക്കാം.

മനുഷ്യരുടെ ആവശ്യമാണ് മറ്റുള്ളവരിൽ നിന്നും സ്നേഹം വാങ്ങുക എന്നത്. സ്നേഹത്തിനുവേണ്ടി യാചിക്കുന്ന മനുഷ്യർ ഒരുപാടുണ്ട് ഈ ലോകത്തിൽ.

നമ്മളൊക്കെ ഈ ലോകത്തിൽ എന്തൊക്കെ നേടിയാലും സ്നേഹം അനുഭവിക്കാൻ കഴിഞ്ഞില്ല എങ്കിൽ അതൊരു കുറവ് തന്നെയായി അവശേഷിക്കും.

നമ്മുടെ ഉള്ളിൽ പലരോടും സ്നേഹം തോന്നാം, എങ്കിൽ പോലും അവർക്കാർക്കും നമ്മളോട് തിരിച്ചു സ്നേഹം ഉണ്ടാകണമെന്ന് നിർബന്ധം വെക്കാൻ പറ്റില്ലല്ലോ.

പ്രണയം നമ്മുടെ ജീവിതത്തിൽ ഏതു നിമിഷമാണ് കടന്നുവരിക എന്നുപറയാൻ കഴിയുകയില്ല. നമ്മളിൽ പലരും പ്രണയത്തിൽ ആയിരിക്കുമ്പോൾ ചിന്തയിൽ കൂടുതൽ സമയം കടന്നുവരിക തന്റെ കാമുകി/കാമുകനെ കുറിച്ച് ആയിരിക്കും.

പ്രണയം നമ്മുടെ മനസ്സിൽ ഒരുപക്ഷെ വളരെയേറെ സന്തോഷം നൽകുന്നുണ്ടെങ്കിൽ, മറ്റു ചിലപ്പോൾ ഒത്തിരിയേറെ സങ്കടത്തിനു കാരണമായേക്കാം.

പ്രണയിക്കുന്നവർ എപ്പോഴും പ്രണയം തുറന്നു പറയാൻ ശ്രമിക്കുക, പ്രണയത്തിനു താല്പര്യം ഇല്ലാത്തവരെ ഒഴിവാക്കുക, അവരുടെ ജീവിതത്തിൽ നമ്മൾ ഒരിക്കൽ പോലും ശല്യം ചെയ്യാതിരിക്കുക.

ജീവിതത്തിൽ നേരിടുന്ന ബുദ്ധിമുട്ട് മൂലം പലർക്കും പ്രണയിക്കാൻ കഴിയണം എന്നില്ല.

എത്രയോ ആളുകളാണ് ജീവിതത്തിലെ ബുദ്ധിമുട്ടുകൾക്കിടയിൽ പ്രണയം ഉപേക്ഷിച്ചത്.

ഏതു മനുഷ്യൻ ആണെങ്കിൽ പോലും കഴിഞ്ഞ കാലങ്ങൾ ജീവിതത്തിൽ ഒരിക്കലും തിരിച്ചു കിട്ടുകയില്ല. കഴിഞ്ഞ കാലത്തിൽ നടക്കാതെ പോയ ആഗ്രഹങ്ങൾ ഒരുപക്ഷെ നമ്മുടെ സങ്കടം ഇരട്ടിയാക്കാമെങ്കിൽ പോലും നമ്മൾ, നമ്മളുടെ കഴിവുകൾ ഉപയോഗിച്ചുകൊണ്ട് ഇപ്പോഴുള്ള സമയത്തെ പ്രയോജനപ്പെടുത്തേണ്ടതുണ്ട്.

ഒരാൾ, ഒരാളെ മാത്രം പ്രണയിക്കുക എന്നതാണ് പൊതുവെ ഉള്ളത്. തന്നെ ഒഴിവാക്കി മറ്റൊരാളെ തേടി പോകുന്നത് ആർക്കാണ് ഇഷ്ടപ്പെടുക.

തന്നെ ജീവനു തുല്യം സ്നേഹിക്കും, തന്നെ സംരക്ഷിക്കും എന്നൊക്കേ തോന്നുമ്പോഴാണ് പലരും പ്രണയത്തിനു യെസ് പറയുക.

ഒറ്റ പ്രാവശ്യം കണ്ടു, പരിചയപ്പെട്ടു ഇഷ്ടപ്പെട്ടു എന്നുകരുതി എല്ലാവർക്കും പ്രണയം ഉണ്ടാവണം എന്നില്ല.

പ്രണയത്തിന്റെ പ്രേത്യേകത വളരെ പെട്ടെന്നൊന്നും പ്രണയഓർമ്മകൾ നമ്മളിൽ നിന്നും നഷ്ടപ്പെടുന്നില്ല എന്നതാണ്.

എത്ര വർഷം കഴിഞ്ഞാലും പ്രണയഓർമ്മകൾ നമ്മൾ ഓർത്തെടുക്കും. പ്രണയബന്ധങ്ങൾ നമ്മുടെ ഹൃദയത്തോട് ചേർത്തുവെക്കുന്നതിനാൽ പെട്ടെന്നൊന്നും ഓർമ്മകൾ ഇല്ലാതെയാകുന്നില്ല.

പ്രണയിക്കുക, പ്രണയിക്കുന്ന വ്യക്തിയെ സ്വന്തമാക്കുക ഇതൊക്കെ എല്ലാവരുടെയും ജീവിതത്തിൽ സംഭവിക്കുക ഇല്ലല്ലോ.

കുറവുകൾ ഉണ്ടെങ്കിൽ കൂടിയും അതെല്ലാം മനസ്സിലാക്കി പ്രണയിക്കുന്നവർ നിരവധി ആളുകളുണ്ട്, അവർക്ക് മുൻപിൽ ആ കുറവുകൾ ഒന്നും തന്നെ വലിയൊരു കുറവായിട്ട് മാറിയിട്ടില്ല എന്നതാണ്.

പ്രണയം നിരസിക്കുമ്പോൾ ദേഷ്യവും പ്രതികാരചിന്തയും സങ്കടവും ഉണ്ടായെന്നു വന്നേക്കാം.

പ്രണയം നിരസിച്ചതിന്റെ പേരിൽ ജീവിതത്തിൽ താൻ വലിയൊരു പരാജിതനാണ് എന്നുള്ള ചിന്ത വരെ ഉണ്ടായെന്നു വരാം, അന്നേരം താൻ ഈ ലോകത്തിൽ വെറും ഒരു പാഴാണ് എന്നൊക്കെ ചിന്തിച്ചേക്കാം, താൻ ഒറ്റപ്പെട്ടു എന്ന ചിന്ത വന്നേക്കാം, തന്നെ ആരും സ്നേഹിക്കുന്നില്ല എന്നൊക്കെ അനുഭവപ്പെട്ടേക്കാം.

നമ്മുടെ ഇപ്പോഴത്തെ ബുദ്ധിമുട്ട് കുറച്ചു കാലം കഴിയുമ്പോൾ നമ്മളെ വിട്ടുപോയ്കോളും. നമ്മൾ ഉണർവോടെ നമ്മുടെ ഭാവി നേട്ടങ്ങൾക്കുവേണ്ടി പരിശ്രമിച്ചാൽ മതി.

നമ്മൾ എത്ര ശ്രമിച്ചാലും മറ്റൊരാളെ മനസ്സിലാക്കാൻ കഴിയണം എന്നില്ല. നമ്മൾ, നമ്മളുടെ സമയം നഷ്ടപ്പെടുത്താതെ കൂടുതൽ പ്രയോജനകരമായ കാര്യങ്ങൾക്ക് വേണ്ടി സമയം ചിലവഴിക്കുക.

ഒരു പ്രായം വരുമ്പോൾ പ്രണയം തോന്നുകയും ഒരു പ്രായത്തിൽ പ്രണയം നഷ്ടപ്പെടുകയും ചെയ്‌തെന്ന് വന്നേക്കാം.

പ്രണയിക്കാൻ ആരെങ്കിലും വന്നിരുന്നെങ്കിൽ എന്ന് ആഗ്രഹിക്കാത്തവർ വളരെ ചുരുക്കമായിരിക്കും.

കയ്യിൽ ജീവിക്കാൻ പണം ഇല്ലെങ്കിൽ ഒരുപക്ഷെ പ്രണയം ഏതു നിമിഷവും നഷ്ടം ആയേക്കാം.

മുന്നോട്ടു ജീവിക്കാൻ പണം ആവശ്യമാണ്. നമ്മുടെ ആവശ്യങ്ങൾ നിറവേറ്റാൻ പണം ഉണ്ടെങ്കിൽ മാത്രമാണ് പലപ്പോഴും സാധിക്കുക.

പണം ഉണ്ടെങ്കിൽ ഒരുപക്ഷെ പ്രണയം പോലും വിലക്ക് വാങ്ങാൻ കിട്ടിയേക്കാം. പണത്തിനേക്കാൾ ഉപരി സ്നേഹത്തിനു വില കൊടുക്കുന്നവർ, അവർ എത്രയേറെ ബുദ്ധിമുട്ട് ഉണ്ടെങ്കിൽ കൂടിയും തന്റെ പ്രണയം പണം ഇല്ലാത്തതിന്റെ കുറവിന്റെ പേരിൽ ഉപേക്ഷിക്കുക ഇല്ല.

ഓരോ പ്രണയവും നമ്മുടെ മനസ്സിൽ ആനന്ദം സൃഷ്ടിക്കുന്നത് ആകണം.
എല്ലാ പ്രണയവും വിജയിക്കാൻ കഴിയില്ല. ഒന്നിൽ കൂടുതൽ പ്രണയം ഒട്ടുമിക്കവർക്കും സ്വീകാര്യം ആവണം എന്നില്ലല്ലോ.

നമ്മുടെ ജീവിതചുറ്റുപാടുകൾ മനസ്സിലാക്കി പ്രണയിക്കാൻ കഴിവുള്ളവരെവേണം തിരഞ്ഞെടുക്കാൻ.

പലപ്പോഴും ത്യാഗങ്ങൾ സഹിക്കേണ്ടി വന്നേക്കാം പ്രണയബന്ധങ്ങൾ മുന്നോട്ടു കൊണ്ടുപോകുവാൻ.

പരസ്പരം ആശയവിനിമയം ചെയ്യുന്നതിലൂടെ ഒരുപരിധിവരെ മനസ്സിലാക്കാൻ കഴിയും തനിക്കു പറ്റിയ ഇണയാണോ എന്ന്.

ലോകത്തിൽ എത്രയോ പ്രണയഓർമ്മകൾ നമ്മൾക്ക് മുൻപിൽ ഇപ്പോഴും നിലനിൽക്കുന്നുണ്ട്.

ഏതൊരു മനുഷ്യനും ഒരുപക്ഷെ ഏറ്റവും കൂടുതൽ ആഗ്രഹിച്ചിട്ടുണ്ടാകുക, തനിക്കു പറ്റിയ ഒരാളെ ജീവിതകാലം മുഴുവൻ പ്രണയിക്കുക എന്നതായിരിക്കും.

പ്രണയതിരങ്ങളിൽ നിന്റെ കൈപിടിച്ച് നടക്കാൻ ഞാൻ ഏറെ കൊതിക്കുന്നു. എൻ കണ്ണുകൾ നിന്നെ തിരയുന്നു. നിൻ മന്ദഹാസം കാണാൻ ഞാൻ ഏറെ നാളായി കാത്തിരിക്കുന്നു.

എന്റെ പ്രണയമേ നിന്റെ സാന്നിധ്യം ഞാൻ വളരെയേറെ ആഗ്രഹിക്കുന്നു. ഇനിയും നിന്റെ വരവിനായി കാത്തിരിക്കുന്നു.

പ്രകൃതി ഭംഗി ആസ്വദിച്ചുകൊണ്ട് ലോകത്തിന്റെ നെറുകയിൽ നമ്മൾ രണ്ടാളും എത്തിച്ചേരുന്ന നിമിഷം ഞാൻ സ്വപ്നം കാണുകയാണ്. നീ ഇല്ലാതെ എനിക്ക് മുന്നോട്ടു പോകുവാൻ ആവില്ല എൻ പ്രിയേ.

നിന്നെ കാണാൻ എനിക്കിനി എന്നാണ് കഴിയുക. എൻ ഹൃത്തിൽ നീ മാത്രമാണ് ഇപ്പോഴുള്ളത്. നിന്റെ സ്നേഹലാളനകൾ ഏറ്റുവാങ്ങാൻ ഇനിയും എത്ര നാൾ ഞാൻ കാത്തിരിക്കേണ്ടി വരും.

എന്നിൽ നിന്നും നീ ദൂരെപോയ ഓരോ നിമിഷവും നീ എന്നിലേക്ക് തന്നെ തിരിച്ചുവരും എന്നുള്ള പ്രതീക്ഷയിലാണ് ഞാൻ ഉള്ളത്.

ഒന്നും ഇല്ലാത്തവന്റെ പക്കൽ നിന്നുപോലും പ്രണയം ഇല്ലാതെയായി പോയേക്കാം. പ്രണയം ഒരിക്കലും ജീവൻ നിലനിർത്തുന്നതിനു പകരമാകില്ലല്ലോ.

പ്രണയിക്കാൻ ഓരോരുത്തർക്കും ഓരോരോ കാരണങ്ങൾ കാണും.

നിന്നെ ഞാൻ പല വേഷപകർച്ചകളിൽ കാണാൻ ഇടയായി. എല്ലാ വേഷവും തനിക്കു കൂടുതൽ സൗന്ദര്യം നൽകുന്നു. ഇഷ്ടം ഇല്ല എന്നുള്ള വാക്ക്‌ ഒരുപക്ഷെ താൻ എന്നോട് നാളിതുവരെയായി പറയാത്തതുകൊണ്ട് തന്നെ ഞാൻ കാത്തിരിക്കട്ടെ.

നമ്മുടെ പ്രണയം എന്നെങ്കിലും ഒരിക്കൽ യാഥാർഥ്യം ആകുമോ, താൻ എന്നെങ്കിലും ഒരിക്കൽ എന്റെ പ്രണയം തിരിച്ചറിയുമോ.

ജീവിതത്തിൽ നഷ്ടങ്ങൾ ഉണ്ടാകും, അവയെ ധിരമായി ചെറുക്കാൻ പഠിക്കേണ്ടതുണ്ട്.

പ്രണയിച്ച ആ നിമിഷങ്ങൾ ഇന്നും എന്നോടൊപ്പം നിഴലായി സഞ്ചരിച്ചുകൊണ്ടിരിക്കുന്നു.
പ്രണയം നമ്മൾക്കിടയിൽ ആദ്യ കൂടിക്കാഴ്ചയിൽ വളർന്നു. പിന്നീട് തന്നെ കാണാനുള്ള ആഗ്രഹം എന്നിൽ വളരെയേറെ ശക്തമായിരുന്നു.
നിന്നെ ഓരോ വട്ടവും എന്റെ മനസ്സ് സന്തോഷത്താൽ മതിമറന്നു തുള്ളിച്ചാടുക പതിവാണ്.

നിന്റെ ചെറുപുഞ്ചിരി എന്നിൽ വളരെയേറെ കണ്ണിനു കുളിർമ നൽകിയ നിമിഷങ്ങൾ ആയിരുന്നു.

എന്റെ ഓരോ യാത്രയിലും താനും എന്നോടൊപ്പം ഉണ്ടായിരുന്നു എങ്കിലേന്ന് ഞാൻ വളരെയേറെ ആഗ്രഹിക്കാറുണ്ട്.

നമ്മൾ ഇപ്പോൾ ഏതു അവസ്ഥയിൽ ആണെങ്കിൽ പോലും നമ്മുടെ പ്രണയം ഒരിക്കലും മരിക്കുകയില്ല.

ഒരുപക്ഷെ നമ്മൾ രണ്ടാൾക്കും ഈ ലോകത്തിൽ ഒരുമിച്ചു മുന്നോട്ടു ജീവിക്കാനുള്ള സാഹചര്യം വന്നുചേരണമെന്നില്ല.

പ്രണയം ഒരിക്കലും ഒരുപക്ഷെ എല്ലാവർക്കും മനസ്സിലാക്കാൻ സാധിച്ചെന്നുവരില്ല.
പ്രായം തമ്മിലുള്ള വലിയ വ്യത്യാസം ഒന്നും തന്നെ പ്രണയത്തിന്റെ മുൻപിൽ തടസ്സം ആവണമെന്നില്ല.

പ്രണയനിമിഷങ്ങളിൽ ആയിരിക്കാൻ ആഗ്രഹിക്കുന്ന എത്രയോ ജനങ്ങളാണ് ഈ ലോകത്തുള്ളത്. മനസ്സ് തുറന്നു സംസാരിക്കാൻ പ്രണയിതാക്കൾ ഒത്തിരി സ്ഥലങ്ങൾ അന്വേഷിക്കാറുണ്ട്.

ഏതൊരു പ്രണയത്തിലും തുടക്കസമയത്തു ഒത്തിരി വെല്ലുവിളികൾ നേരിടേണ്ടി വന്നേക്കാം.
മറ്റൊരാളുടെ മനസ്സിനെ സ്വാധിനിക്കുക, അവർക്ക് നമ്മളെ ഇഷ്ടപ്പെടുക ഇതൊക്കെ അത്ര എളുപ്പം അല്ല.

പ്രണയം വിജയിക്കാൻ അതിന്റെതായ കഷ്ടപ്പാടുണ്ട്. ജീവിതത്തിൽ ഒരിക്കലും ഒന്നാകാൻ പറ്റിയില്ലെങ്കിലും പ്രണയിക്കുന്നവർ ഉണ്ടായേക്കാം. വെറുതെ ഒരു നേരംപോക്കിനുവേണ്ടി പ്രണയിക്കുന്നവർ കണ്ടേക്കാം.

പ്രണയത്തെ തമാശ രുപേണ കാണുന്നവർ കണ്ടേക്കാം.പ്രണയിക്കുന്നവരോട് അസൂയ ഉള്ളവരെയും കണ്ടേക്കാം.

പ്രണയം നമ്മൾ ഈ ഭൂമിയിൽ ഉള്ളിടത്തോളം കാലം നമ്മളിൽ ഉണ്ടായേക്കാം.

പ്രണയത്തിനു അതിർവരമ്പുകൾ ഇല്ല, നമ്മളാണ് ഓരോ കാരണത്തിന്റെ പേരിൽ അതിർവരമ്പുകൾ സൃഷ്ടിക്കുന്നത്.

പ്രണയം എപ്പോഴും മുന്നോട്ടു കൊണ്ടുപോകേണ്ടത് പരസ്പരധാരണയുടെ പുറത്താണ്.
പ്രണയത്തിൽ നിന്നും നമ്മൾ നേടാൻ ആഗ്രഹിക്കുന്നത് എന്തെല്ലാമാണ്.

നമ്മുടെ ആഗ്രഹസാഫല്യത്തിന് വേണ്ടി മാത്രം ആകരുത് ഒരാളെ പ്രണയിക്കേണ്ടത്. അയാൾക്ക് നമ്മളെ ജീവനുതുല്യം സ്നേഹിക്കാൻ തോന്നണം.

പ്രണയത്തിലൂടെ ആരെയും ചതിക്കാൻ ഇടവരരുത്. ഓരോ വ്യക്തികളും പ്രണയിക്കുന്നത് ഒരുപാട് പ്രതീക്ഷകളുമായാണ്.

ഒത്തിരി വട്ടം ഇഷ്ടം അല്ല എന്നു പറഞ്ഞവർ വരെ ഒരു പ്രാവശ്യം ഇഷ്ടം ആണെന്ന് പറയുകയും ഒരുമിച്ചു ജീവിതം നയിക്കുകയും ചെയ്തിട്ടുണ്ട്, ഒരുപക്ഷെ ആ വ്യക്തി ആദ്യ ശ്രമത്തിൽ പിന്തിരിഞ്ഞു എങ്കിൽ ഒരിക്കൽ പോലും വിജയം നേടാൻ സാധിക്കുമായിരുന്നില്ല.
എല്ലാവർക്കും ഓരോ തവണ പരാജയപ്പെടുമ്പോഴും വീണ്ടും വീണ്ടും ശ്രമിക്കാൻ സാധിക്കണം എന്നില്ലല്ലോ.

പ്രണയം നമ്മൾക്ക് നൽകുന്ന ഉന്മേഷം ഏതുനിമിഷം വേണമെങ്കിലും നഷ്ടപ്പെട്ടേക്കാം.

മനസ്സ് തുറന്നു പ്രണയിക്കാൻ ഒരാളെ കിട്ടിയിരുന്നെങ്കിൽ എന്നു ഞാൻ ആഗ്രഹിച്ചുപോകുകയാണ്. അഹങ്കാരം ഇല്ലാത്ത കുട്ടിയായിരിക്കണം, കുറവുകൾ മനസ്സിലാക്കി മുന്നോട്ട് കരുത്തോടെ പോകാൻ പ്രോത്സാഹനം നൽകുന്ന വ്യക്തി.

ഞാൻ വിവാഹം കഴിക്കാൻ പോകുന്ന വ്യക്തി കലാകാരി ആയിരിക്കണം എന്നാണ് എന്റെ ആഗ്രഹം. എനിക്ക് അങ്ങനെയൊക്കെ ആഗ്രഹിക്കാൻ അല്ലേ പറ്റുള്ളൂ, അങ്ങനെ ഒരാൾ തന്നെ എന്റെ ജീവിതത്തിലേക്ക് കടന്നുവരണം എന്നില്ലല്ലോ.

പണ്ടൊരിക്കൽ ഞാൻ ആരോടൊക്കയോ പാട്ടുകാരിയെ വിവാഹം കഴിക്കാൻ ആഗ്രഹിക്കുന്നു എന്നു പറഞ്ഞപ്പോൾ അവർ എന്നോട് ചോദിച്ചു അതെന്താണെന്ന്, അപ്പോൾ ഞാൻ പറഞ്ഞു അതാകുമ്പോൾ എനിക്ക് പാട്ട് കേട്ട് ഉറങ്ങാമല്ലോ എന്ന്, അന്നേരം അവരുടെ മറുപടി എങ്കിൽ പിന്നെ ടേപ്പ് റെക്കോർഡറിൽ പാട്ട് വെച്ചാൽ പോരേ എന്ന്.

ഞാൻ ഒരു ആപ്പിൽ പാട്ടു പാടാറുണ്ടായിരുന്നു, അങ്ങനെ ഒരു ദിവസം ഒരാളുടെ പാട്ട് കേൾക്കാൻ ഇടയായി, ആ വ്യക്തിയുടെ പാട്ടു എന്നേ വല്ലാതെ ആകർഷിച്ചു, ഞാൻ ആ വ്യക്തിയോട് ഇത്രയും ക്ലാരിറ്റിയിൽ പാടുന്നത് എങ്ങനെ എന്നു ചോദിച്ചു അതിനു ആ വ്യക്തി എനിക്ക് മറുപടി തന്നില്ല, ഞാൻ പിന്നെ എന്റെ കൂട്ടുകാരി വഴി ചോദിച്ചു മറുപടി കിട്ടി. ഒരുപക്ഷെ എന്നോട് മറുപടി പറയാൻ സാധിക്കാത്തത് ആ വ്യക്തിക്ക് എന്തെങ്കിലും ബുദ്ധിമുട്ട് നേരിടേണ്ടി വന്നാലോ എന്നോർത്തിട്ട് ആയിരിക്കാം. അവളുടെ പാട്ടിനെ ഞാൻ വല്ലാതെ പ്രണയിച്ചുപോയി.

ആ കുട്ടിയുടെ വോയിസ് അതിമനോഹരം, ഒരാൾക്ക് ഈശ്വരൻ അറിഞ്ഞുകൊടുക്കുന്നതാണ് ഓരോ കഴിവുകളും, അതു എത്രമാത്രം ഉയരത്തിൽ എത്തിക്കാൻ ശ്രമിക്കുന്നു എന്നത് അനുസരിച്ചിരിക്കും ഓരോ ഉയർച്ച താഴ്ചകളും.

എനിക്ക് ഇപ്പോൾ എന്റെ ചുറ്റുപാടും നോക്കിയാൽ റോസ്മോളെ കാണാൻ കഴിയുന്നുണ്ട്. അങ്ങനെ ഞാൻ എവിടെയോ ഇരിക്കുന്ന ഒരു റോസ്മോളുടെ പാട്ട് കേട്ട്, വളരെ മനോഹരം ആണ് ആ പാട്ട്.

ഇന്ന് ഞാൻ ഇപ്പോൾ എവിടെയൊക്കെ റോസ് എന്നു പേര് കേൾക്കുന്നുവോ അവിടെയൊക്കെ ഞാൻ കൂടുതൽ ശ്രദ്ധിക്കും.

ഞാൻ ഇന്നും തിരയുകയാണ് എന്റെ റോസ്മോളിന് വേണ്ടി. ഇപ്പോൾ അവൾ എന്തെടുക്കുകയാണാവോ.

എന്നോട് വിവാഹകാര്യത്തെപറ്റി ചോദിക്കുന്നവരോട് ഞാൻ ചോദിക്കുന്ന ചോദ്യം റോസ് എന്നു പേരുള്ള ആരെങ്കിലും ഉണ്ടോ എന്നാണ്, അപ്പോൾ അവർ പറയുന്ന മറുപടി ഒരാൾ ഉണ്ട്, അവളുടെ കല്യാണം കഴിഞ്ഞു കുട്ടികൾ ആയെന്നാണ്.

എനിക്ക് റോസ് എന്നപേർ കേൾക്കുന്നത് ഒത്തിരി ഇഷ്ടം ആണ്, അതായിരിക്കും അങ്ങനെ ഉള്ള വ്യക്തിയെ അന്വേഷിക്കുന്നതിനു എന്നേ പ്രേരിപ്പിക്കുന്നതും.