എന്റെ റോസ്മോൾക്കായി-പ്രണയനോവൽ-പാർട്ട്‌ 22

 പ്രണയത്തിന്റെ വസന്തകാലം എന്നുമെന്നിൽ ആനന്ദം നിറച്ചിരുന്നുവെങ്കിൽ എത്ര രസകരമായേനെ.

പ്രണയത്തെ അടുത്തറിയാതെ പോയവർ നമ്മൾക്ക് ചുറ്റിലുമുണ്ടാകുമോ. പ്രണയം എന്താണെന്ന് മനസ്സിലാകാതെ പോകുന്നവർ ഉണ്ടായിട്ടുണ്ടാകുമോ.

പ്രണയിക്കാൻ ആഗ്രഹിക്കുന്നവർക്ക് പോലും പ്രണയം എളുപ്പം നടക്കുന്നില്ല, കാരണം പ്രണയം എളുപ്പം നടക്കുന്ന കാര്യമല്ല.

ഞാൻ ഒരിക്കൽ ട്രെയിനിൽ യാത്ര ചെയ്യുന്നതിനിടയിൽ കുറച്ചു ചെറുപ്പക്കാരും എതിർവശത്തെ സീറ്റിൽ പെൺകുട്ടിയും ഇരിക്കുന്നത് കണ്ടു, ആൺകുട്ടിയുടെ സംസാരം ഒത്തിരി ഇഷ്ടം ആയി ആ പെൺകുട്ടിക്ക്, ഒടുവിൽ പോകാൻ നേരം അവൻ അവളുടെ നമ്പർ ചോദിച്ചു, അവൾ നമ്പർ കൊടുത്തു, അവൻ പ്ലാറ്റ്ഫോമിലേക്ക് ഇറങ്ങി അവളെ ഫോണിൽ വിളിച്ചു, അപ്പോഴേക്കും ട്രെയിൻ മുന്നോട്ടു എടുത്തു, അവർ തമ്മിൽ ഫോൺ വിളിയായി, അവരുടെ ഇടയിൽ എത്ര പെട്ടെന്നാണ് പ്രണയം പുത്തുലഞ്ഞത്.അവനും അവളും സ്വപ്നത്തിൽ പോലും പ്രതീക്ഷിച്ചു കാണില്ല, ഇന്നത്തെ ദിവസം തങ്ങളുടെ ജീവിതത്തിൽ പ്രണയം ഉണ്ടാകുമെന്ന്.

ഓരോ യാത്രയിലൂടെ കണ്ടുമുട്ടൽ സംഭവിച്ചുകൊണ്ട് അതിലുടെ പ്രണയം ഉണ്ടാവുന്നവരുണ്ട്, ഒരു പക്ഷെ ആ യാത്ര അവരുടെ ജീവിതത്തിലെ മറക്കാൻ ആകാത്ത യാത്ര ആയിരിക്കും.

പ്രണയം നമ്മളൊക്കെ എത്രയൊക്കെ ആഗ്രഹിച്ചാൽ പോലും നമ്മുടെയൊക്കെ ജീവിതത്തിൽ സാധിക്കണം എന്നില്ലല്ലോ.

ഞാൻ ഒരിക്കൽ ജോലി ചെയ്തിരുന്ന സമയത്ത് എനിക്ക് ഇഷ്ടം പോലെ ഫോൺ കാൾ വരുമായിരുന്നു, അതിൽ ഒരു കുട്ടിയുടെ വോയിസ് എന്നേ വല്ലാതെ ആകർഷിച്ചു, അവളോട് അവളുടെ പേര് ചോദിക്കണം എന്നുണ്ടായിരുന്നു, പക്ഷെ എനിക്ക് അതിനു കഴിഞ്ഞില്ല എന്ന് തോന്നുന്നു. അതിലുമുണ്ടായിരുന്നു റോസ്മോൾ എന്ന കൂട്ടി.

ഒരിക്കൽ ജോലിയുടെ ഭാഗമായി ഞാൻ ഒരു ക്യാമ്പസ്സിൽ നിൽക്കുമ്പോൾ അവിടെ ഇന്റർവ്യൂ അറ്റൻഡ് ചെയ്യാൻ വന്നവരുടെ കുട്ടത്തിൽ ഒരു കൂട്ടി മാത്രം ഞാനും ടീമും നിന്നതിന്റെ നേരെ എതിർവശത്തുള്ള കോണിയിൽ ഇരിക്കുന്നു, അവൾ എന്നേ നോക്കാൻ വേണ്ടി ഇരിക്കുകയായിരുന്നോ. ഞാൻ ഇടയ്ക്കിടയ്ക്ക് അവളെ നോക്കും, എനിക്ക് അവളോട് പോയി മിണ്ടണം എന്നൊക്കെ ഉണ്ട്, പക്ഷെ എന്തോ ഒന്നു എന്നേ അനുവദിച്ചില്ല. ഉച്ചക്ക് ഊണ് കഴിക്കാൻ ഞാനും ടീമും ഒരുമിച്ചിരുന്നപ്പോൾ എന്നോടൊപ്പം അവളും അവളുടെ കൂട്ടുകാരിയും ഇരുന്നു, എനിക്ക് ബിരിയാണി കിട്ടി, അവർ സാധാരണ ഊണ് വാങ്ങി കഴിക്കുന്നു, എനിക്ക് ആണെങ്കിൽ അവൾക്ക് ഒരു കഷ്ണം കോഴി കാൽ കൊടുക്കണം എന്നൊക്കെയുണ്ട്, പിന്നെ എന്റെ കൂടെ ഉള്ളവർ എന്തുകരുതും, അവളുടെ കൂട്ടുകാരി എന്തു കരുതും എന്നൊക്കെ ചിന്ത വന്നു.അവളെ ശരിക്കുമോന്നു ശ്രദ്ധിക്കാനോ, അവളോട് മിണ്ടാനോ എനിക്ക് കഴിഞ്ഞില്ല. അവൾക്ക് എന്നോട് മിണ്ടാൻ സാധിക്കാത്തതിൽ ഇനി എങ്ങാനും വിഷമം ഉണ്ടായിട്ടുണ്ടാകുമോ ആവോ.എനിക്ക് എന്തായാലും വിഷമം ഉണ്ടായി. കാലം നമ്മൾക്ക് ഇനി ഒരിക്കലും ആ കാലം തിരികെ സമ്മാനിക്കുക ഇല്ലല്ലോ.

ഞാൻ താമസിച്ച വീടിന്റെ ഒരു വീടിനു അപ്പുറം ലേഡീസ് ഹോസ്റ്റൽ ആയിരുന്നു, അവർ കൈകഴുകാൻ വരുന്നത് പുറത്തെ പൈപ്പിലാണ്, അന്നേരം എനിക്ക് അവരെ കാണാൻ കഴിയും. ഞാൻ എന്റെ ഡ്രസ്സ് അലക്കുമ്പോൾ അവർ അവിടെ പൈപ്പിന്റെ അടുത്തു വന്നു കൈകഴുകാറുണ്ട്, എനിക്ക് അതിലെ ഒരു കുട്ടിയെ ഇഷ്ടപ്പെട്ടിരുന്നു, അവർ ആരും തന്നെ എന്നേ ശ്രദ്ധിച്ചോന്നുമില്ല, ഞാൻ അവരെ കൂകി വിളിക്കാനോ, മറ്റു ഒരുതരത്തിലും ശല്യം ചെയ്യാനും പോയില്ല.എനിക്കുണ്ടായ ആ പ്രണയം ഞാൻ ഉള്ളിൽ ഒതുക്കി.

പിന്നെ ഞാനും സുഹൃത്തുക്കളും കൂടി അടുത്തുള്ള ഷോപ്പിൽ പോയി, അവിടെ ഒരു പെൺകുട്ടിയുണ്ടായിരുന്നു, അവളെപ്പറ്റി എന്റെ കുട്ടുകാർ നല്ല അഭിപ്രായം പറയാറുണ്ടായിരുന്നു, ഞാൻ ജോലിക്ക് അവൾ നിൽക്കുന്ന കടയുടെ മുൻപിൽ കൂടി ഇടയ്ക്ക് പോകുമ്പോൾ അവളെ ശ്രദ്ധിക്കാറുണ്ടായിരുന്നു, ഒരു ദിവസം ഞാൻ അവളുടെ അടുത്തു നിന്നും സാധനം വാങ്ങിച്ചു, ബാക്കി ഒരു പത്തിന്റെ നോട്ട് എനിക്ക് തന്നപ്പോൾ അവളുടെ കൈ എന്റെ കയ്യിൽ മുട്ടി, കൈ മുറുകെ പിടിക്കുന്നതുപോലെ, അത് ഒരുപക്ഷെ അവൾക്ക് എന്നേ ഒത്തിരി ഇഷ്ടം ആണെന്ന് അറിയിക്കാൻ ആയിരുന്നുവോ, ആവോ എനിക്കറിയില്ല, ഒരു ദിവസം ഞാൻ താമസിക്കുന്ന വീട്ടിലേക്ക് നടന്നു വരുമ്പോൾ അവൾ എന്റെ പിന്നാലെ വരുന്നുണ്ടായിരുന്നു, അന്ന് വേണമെങ്കിൽ എനിക്ക് അവളോട് മിണ്ടാൻ കഴിയുമായിരുന്നു ഞാൻ മിണ്ടിയില്ല, അവൾ അവളുടെ വഴിക്ക് പോയി.

ഒരു ദിവസം ഞാൻ ജോലി കഴിഞ്ഞു നടന്നു വരുമ്പോൾ ഞാൻ ഒരു കൊച്ചിനെ കാണുന്നു,എനിക്ക് ആ കൊച്ചിനെ ഒത്തിരി ഇഷ്ടമായി, ആ വിട് ആണെങ്കിൽ പ്രകൃതിരമണിയമായ വിട് പോലെ തോന്നി, ഒരു കോട്ടയം കാരിയെ കെട്ടണം, ഞാൻ സ്വപ്നം കാണാറുള്ളത് പോലെയുള്ള കുട്ടി, പക്ഷെ എനിക്ക് ആ കുട്ടിയെ ഒരു വട്ടം മാത്രം കാണാനുള്ള അവസരം മാത്രമാണ് ഉണ്ടായിട്ടുള്ളത്.
ഇനി ആ വിട് ആ കുട്ടിയുടെ ബന്ധുവിന്റെ വിട് ആയിരുന്നിരിക്കുമോ, ആ അറിയില്ല.

ഒരിക്കൽ ഞാൻ ധ്യാനം കൂടാൻ പോയി, ഒത്തിരി ആളുകൾ വരുന്ന സ്ഥലം ആണല്ലോ ഞാൻ ഒരു ദിവസം ചായ കുടിച്ചുകൊണ്ടിരിക്കുന്ന സമയം ഇടയ്ക്കു ചുറ്റിലുമൊക്കെ കണ്ണോടിച്ചപ്പോൾ അതാ അങ്ങ് അകലെ ഒരു പെൺകുട്ടി എന്നേ തന്നെ നോക്കികൊണ്ടിരിക്കുന്നു, ഞാനും അവളെ ശ്രദ്ധിക്കാൻ തുടങ്ങി, പിന്നെ ഞാൻ വെള്ളം കുടിക്കാൻ വരുന്നിടത്തേക്ക് അവളും വരും, അവളുടെ കൂടെ ഒരാളും കൂടെയുണ്ട്, അവൾക്ക് എന്നേ ഒരുപാട് ഇഷ്ടം ആണെന്ന് മനസ്സിലായി, പക്ഷെ അവിടെ വെച്ചു പരസ്പരം മിണ്ടാനും പാടില്ലല്ലോ, എല്ലാം കഴിഞ്ഞ് പോരുന്ന ദിവസം അവളെ കാത്തു നിൽക്കണം, അവളോട് കാര്യങ്ങൾ സംസാരിക്കണം എന്നൊക്കെ വിചാരിച്ചതാണ്, അപ്പോഴാണ് അവിടെ ഉള്ള ആളുടെ ഉപദേശം മൈക്കിലൂടെ കേൾക്കേണ്ടി വന്നത്, നിങ്ങൾ ആരും ഇവിടെ വന്നവരുമായി പ്രണയബന്ധത്തിൽ ഏർപ്പെടരുത്, അങ്ങനെ വിവാഹം ചെയ്താൽ അതൊന്നും നല്ലതായിരിക്കില്ല, നിങ്ങൾക്കുള്ള ആളെ ഈശ്വരൻ സമയം ആകുമ്പോൾ നിങ്ങളുടെ കൈകളിൽ തന്നെ ഏൽപ്പിച്ചു തരുമെന്നൊക്കെ. വളരെയേറെ സങ്കടത്തോടെ ഞാൻ അവിടെ നിന്നും അവളുടെ വരവിനു കാത്തിരിക്കാതെ പടിയിറങ്ങി, അവൾ എന്നേ കാണാതെ വിഷമിച്ചിട്ടുണ്ടാകുമോ എന്തോ.

ഞാൻ ജോലി ചെയ്തുകൊണ്ടിരിക്കുന്ന സമയം അവിടെയുള്ള ഒരു കുട്ടിയെ പറ്റി എന്റെ കൂടെ താമസിക്കുന്ന ഒരു കൂട്ടുകാരൻ പറയുന്നു, അവനു അവൾ സെറ്റ് ആയിട്ടില്ല എന്നു തോന്നുന്നു, എനിക്ക് ആണെങ്കിൽ അവളെ ഇഷ്ടമായി, ഞങ്ങളുടെ പേരുകൾ തമ്മിൽ വളരെ സാമ്യമുണ്ട്, ഒരിക്കൽ ഞാൻ അവളോട് വേറൊരു ആവശ്യവുമായി സംസാരിക്കാൻ ഇടവന്നു, എനിക്ക് അവളോട് ഇഷ്ടം ആണെന്ന് പറയാൻ കഴിഞ്ഞില്ല, അവൾ പാവം കുട്ടിയായിരുന്നു. ജോലി വിട്ടു ഞാൻ പോന്നതിനു ശേഷം അവളെ കാണാൻ കഴിഞ്ഞിട്ടില്ല.

ഒരു ദിവസം ഞാൻ ബസ് കാത്തു ബസ് സ്റ്റോപ്പിൽ നിൽക്കുമ്പോൾ ഒരു കൂട്ടി എന്നേ തന്നെ നോക്കി നിൽക്കുന്നു, കുറെ നേരം കഴിഞ്ഞപ്പോൾ എനിക്ക് അവളോട് സംസാരിക്കണമെന്ന് തോന്നി, ഒരുപക്ഷെ ആ കുട്ടിക്ക് എന്നേ ഇഷ്ടം ഉണ്ടോ എന്നെങ്കിലും അറിയാമല്ലോ എന്നു കരുതി, അങ്ങനെ ഞാൻ ഇരുന്നിടത്തു നിന്നും എഴുന്നേറ്റു അവളുടെ അടുത്തേക്ക് നടന്നു, ഞാൻ അവളോട് ചോദിച്ചു വർക്ക്‌ ചെയ്യുകയാണോ പഠിക്കുകയാണോയെന്ന്, അവൾ എന്നേ അന്നേരം എന്റെ കാൽപാദം മുതൽ ശിരസ്സ് വരെ മൊത്തത്തിൽ ഒന്നു സ്കാൻ ചെയ്തു നോക്കി, എന്നിട്ട് എന്നോട് ചെറുപുഞ്ചിരിയോടെ പറഞ്ഞു വർക്ക്‌ ചെയ്യുക ആണെന്ന്, പിന്നെ എനിക്ക് അധികം ചോദിക്കാൻ തോന്നിയില്ല, അവളുടെ മൊത്തത്തിലുള്ള നോട്ടത്തിൽ നിന്നും ഞാൻ ആകെ ആവി ആയി പോയിരുന്നു, പിന്നെ ബസിൽ കയറി പോയി,ഇവളെ ഇതിനുമുൻപ് ബസിൽ വെച്ചു കാണുമ്പോൾ ഇവൾ എന്നേ നോക്കുന്നത് കാണാറുണ്ടായിരുന്നു, ഇന്നത്തോടെ അതിൽ ഒരു തീരുമാനം ആയി, പിറ്റേന്ന് അവൾ എന്നേ കണ്ടപ്പോൾ ചിരിക്കുന്നുണ്ടായിരുന്നു ഞാൻ മൈൻഡ് ചെയ്യാൻ പോയില്ല, അവൾ എന്റെ അടുത്തു വന്നിരുന്ന സാഹചര്യത്തിലും ഞാൻ അവളോട് ഒന്നും മിണ്ടാൻ പോയില്ല, ഒരുപക്ഷെ ഞാൻ അവളുടെ അടുത്തേക്ക് വളരെ പെട്ടെന്ന് അവൾ സ്വപ്നത്തിൽ പോലും വിചാരിച്ചു കാണില്ലായിരിക്കാം, അവളുടെ സ്വരം എത്ര മനോഹരമായിരുന്നു, അതിനെകുറിച്ചു എനിക്ക് വർണ്ണിക്കാൻ കഴിഞ്ഞില്ല, ഞാൻ വെറുതെ എന്തിനാണ് ആ കൊച്ചിനെ വെറുതെ മയക്കുന്നത്, അങ്ങനെ ആ പ്രണയവും എനിക്ക് നഷ്ടമായി.

ട്രെയിൻ യാത്രക്കിടയിൽ വെച്ചു ഞാൻ ഇറങ്ങിയ സ്റ്റോപ്പിൽ ഒരു സുന്ദരിയായ കുട്ടിയെ കാണാൻ ഇടയായി, എനിക്ക് അവളോട് സംസാരിക്കണം എന്നുണ്ടായിരുന്നു, പക്ഷെ എങ്കിൽ എന്തു പറഞ്ഞു സംസാരിച്ചു തുടങ്ങണം എന്നറിയാത്തതുകൊണ്ട് ഞാൻ ആ ശ്രമം ഉപേക്ഷിച്ചു.

പിന്നിടുള്ള ട്രെയിൻ യാത്രകളിൽ ഒത്തിരിയേറെ ആളുകളെ കാണാനും സംസാരിക്കാനും കഴിഞ്ഞു. അങ്ങനെ ഇരിക്കെ ഒരു കുട്ടിയെ കാണാൻ ഇടയായി, അവളുടെ ഡീറ്റെയിൽസ് ഞാൻ മാട്രിമോണിയൽ നോക്കുന്നതിനിടയിൽ കാണാൻ ഇടയായി, ഞാൻ അവൾക്ക് റിക്വസ്റ്റ് അയച്ചു കാര്യം പറഞ്ഞു, അവൾ വിട്ടിൽ ചോദിച്ചിട്ട് പറയാം എന്നു പറഞ്ഞു, പിന്നീട് വീട്ടുകാർ പുറമെയുള്ള വരനെയാണ് നോക്കുന്നതെന്ന് പറഞ്ഞു, ഞാൻ പിന്നെ കൂടുതൽ ബുദ്ധിമുട്ടിക്കാനൊന്നും പോയില്ല.

ഒരിക്കൽ തൃശ്ശൂരിൽ ഞാൻ ബസ് ഇറങ്ങിയപ്പോൾ അവിടെ സ്റ്റാൻഡിൽ അതാ സുന്ദരിയായ കുട്ടിയും അമ്മയും, എനിക്ക് ആ കുട്ടിയെ ഇഷ്ടം ആയി, പരിക്ഷ എഴുതാൻ പോയതിനാൽ കൂടുതൽ കസർത്തു നടത്താൻ പോയില്ല.

എന്റെ പ്രണയഅനുഭവങ്ങൾ ഓരോന്നായി വിവരിക്കുക ആണെങ്കിൽ ഒത്തിരി എഴുതേണ്ടി വരും. അത്രയ്ക്കും പ്രണയങ്ങൾ ഉണ്ടായിട്ടുണ്ട്, ഒന്നും വിജയിച്ചില്ലെങ്കിൽ പോലും.

പ്രണയിക്കാൻ മനുഷ്യന് ഇന്ന പ്രായം ഉണ്ട് എന്നൊന്നും എവിടെയും എഴുതിവെച്ചിട്ടില്ല.
പ്രണയം വലിയൊരു നദി പോലെയാണ്. ഓരോ കാരണങ്ങൾ കൊണ്ടു നമ്മുടെ ഉള്ളിൽ മറ്റൊരാളോട് തോന്നിയ പ്രണയം നഷ്ടപ്പെട്ടേക്കാം.

എന്റെ പ്രണയം ഇങ്ങനെ ഓരോരുത്തരിലുടെ ഒഴുകികൊണ്ടിരിക്കുകയാണ്.

പ്രണയം ഒരു പ്രേത്യേക അനുഭവം നമ്മൾക്ക് സമ്മാനിക്കും. നമ്മൾ എവിടെയും തിരയുക പ്രണയകാഴ്ചകളാണ്. പ്രണയദിനമായി ആചരിക്കാൻ ഒരു ദിവസം മാറ്റിവെക്കുന്നു, അതിനോട് അനുബന്ധിച്ചു ഓരോ ദിവസവും പ്രേത്യേകിച്ചു ആഘോഷിക്കപ്പെടുന്നു.
ചുവന്ന കളർ ആണ് പ്രണയത്തിനു പ്രതികമായി കാണുക. റോസാപൂവ് ഇല്ലാതെ പ്രണയഓർമ്മകൾ ആർക്കും തന്നെ കാണുകയില്ല, എത്രയോ സിനിമകൾ, പുസ്തകങ്ങൾ, പാട്ടുകൾ പ്രണയത്തിന്റെ പേരിൽ ഇറങ്ങിയിട്ടുണ്ട്.

എന്നേക്കാൾ മനോഹരമായി പ്രണയിച്ചവരും, ആ പ്രണയത്തിലൂടെ ഒന്നായവരും ആയിരിക്കാം നിങ്ങളിൽ പലരും.പലപ്പോഴും പണ്ടുണ്ടായ നല്ല അനുഭവം ഒന്നുമായിരിക്കില്ല നമ്മൾക്ക് ഇന്നിപ്പോൾ നേരിടേണ്ടി വരിക, ജീവിതം നമ്മൾക്ക് നൽകുന്ന അനുഭവങ്ങൾ അതെല്ലാം നമ്മൾ തന്നെ നേരിടേണ്ടതായിട്ടുണ്ട്.


പ്രണയം നമ്മൾ ആഗ്രഹിച്ചാൽ അതു സാഫല്യം ആകണം എന്നില്ല. നമ്മൾ കരുതുന്നതുപോലെ എല്ലാവർക്കും അവരുടേതായ താല്പര്യം ഉണ്ടാകും പ്രണയത്തിന്റെ കാര്യത്തിൽ ആയാൽ പോലും.

പ്രണയസഖി നി എന്നേ വന്നു തഴുകിടുമോ. നിൻ കൈവിരലുകളാൽ ഞാൻ ആനന്ദനിർവൃതി അണഞ്ഞിടട്ടെ. നിന്നോടൊത്തു സല്ലപിക്കാൻ ഞാൻ വളരെയേറെ കൊതിക്കുന്നു. നിൻ സ്വരത്തിനായി ഞാൻ കാത്തിരിക്കുന്നു, വരില്ലേ നീ എൻ മടിയിൽ തല ചായ്ച്ചു ഉറങ്ങാൻ.

എൻ മോഹവല്ലി നിൻ സൗന്ദര്യം എൻ ഹൃത്തിൽ എന്നുമെന്നും ഒരു ചിത്രമായി രൂപം കൊണ്ടു. നിന്നോടുള്ള ഇഷ്ടം കൊണ്ടു എനിക്ക് ആ ചിത്രം ഒരു ക്യാൻവാസിൽ പകർത്തിടാൻ ഇന്നിപ്പോൾ കൊതിയാകുന്നു.

നിന്നെ കാണാൻ ആഗ്രഹിക്കുമ്പോഴെല്ലാം, നിന്നോട് മിണ്ടാൻ ആഗ്രഹിക്കുമ്പോഴെല്ലാം ഞാൻ ആ ചിത്രത്തിൽ മുൻപിൽ ആയിരിക്കാം. നിൻ സൗന്ദര്യത്തിൽ ഞാൻ മതിമറന്നു ലയിച്ചിരിക്കട്ടെ.

നിന്റെ അസാന്നിധ്യം ഞാൻ ഇന്നിപ്പോൾ വളരെയേറെ വിഷമത്തോടെ അനുഭവിക്കുന്നു. നിന്നോടുള്ള സ്നേഹം എന്നിൽ പതിന്മടങ്ങു വർധിച്ചുകൊണ്ടിരിക്കുകയാണ് എന്റെ പ്രിയതമേ.

നിന്നെ ഓർക്കാതെ എന്റെ ഒരു ദിവസം കടന്നുപോകുന്നില്ല, നി എനിക്ക് നൽകിയ പ്രണയം എത്രയോ വർണ്ണനിയമാണ്.